لو مكاني تنصحو امكم ولا تسكتو وتعيشو لنفسكم!!

مساء الخير الله يجعلكم دائما بأحسن حال..بقول نبذه بسيطة عن اهلي وعني انا بس تزوجت سافرت لبلد غير بلد اهلي حتى اهل زوجي بنفس بلد اهلي يعني انا الحمدلله مرتاااحة لحالي كافية خيري شري انزل اجازات متأنتكة الكل يحبني ويحب اولادي،،نجي لاهلي ابوي اصبح عديم شخصية ماكان كذا على أيامنا لكن بسبب أمي اسلوبها سيئ جدا لسانها ماعمري شفت مثله يابن ال..ولعن وسب وقذف قذف ليل نهار لاخواني وخواتي هي كذا تربت ببيت اهلها لذلك نقلت وساخه لسانهم لبيتنا وانا متأكدة لو شافت خواتي او اخواني عاملين حرام او غلط وربي ماسبت بهالمسبات المريبه اللي تخليني اكره نزلتي لهم خوفاً على نفسيه اولادي وان المسبات تعلق براسهم وطبعا ياخذو من الحب جانب ارجع بيتي بلسان يفشل اجلس ابرمجهم فترة علشان يرجعو مثل اول،،أمي فكرت تشتغل حاضنه بالبيت علشان تجمع فلوس لجامعه اخوي اللي كان وقتها بسادس ابتدائي مع انه كنا رافضين وبشدة لان مرة بدري على الجامعه لكن طنشت الكل وتوظفت تمسك اخوي اللي الآن بثالث ثانوي واشتغلت علشانه تناديه تدخله غرفه الأطفال تقول شايف يابن ال..كل هذا علشانك يابن ال... وليتك رجال انا مربية خو...انت خن...مع انه وربي وربي مساااالم صلاته بالمسجد ومايدخن يموت بعيالنا خال حنون جداً،،طيب ياأمي العزيزة هذا واجب عليكم تدريسه وان اختلفت طرق تجميع الفلوس مو كرماً منكم ولاهو اللي طلب تشتغلي وتتعذبي وتلعنيه ليل نهار،،طلعتو عديييم شخصيه نفس ابوي تسحب منه جواله يطلع مع اصحابه بدون جوال تتصل على صاحبه تلعن فيه تلعن فيه وتقفل بس من باب التذكير انه لاتتوقع بس تطلع بتنبسط..اختي تكلمني تقولي الولد صار يقول وربي لو اعرف مكان اروحه اني ماجلس انا ماطلبت منهم شي ذلوني وضربوني واهانه وسب علشان بيسفروني برا ادرس،،امي تقوله انا عارفه انك بتفشلني بس اسافر عارفه انك بتفشل انت اصلا بس همك بطنك انا اشتغل وانت ولاهمك،،كلمتها ياأمي في اسلوب هدم وفي اسلوب تحفيز لاتتوقعي لما تنزلي فيه تحطيم وسب بيقول اوووه خليني اشد حيلي ارضيها كذا كذا انتي مقرره بس يسافر ايش بيعمل لذلك بيطنش،،يطلع عند جارتنا ترسل اخوي الصغير روح ناديه بسرعه تستلمه من الباب بلي الموية وهو 17 سنه يسكت مايتكلم تشوفه ساكت تزيد تتوقعه يعاند تربي عليه اشياء قاسيه مالذ وطاب اي شي بالوجه،،تقوله استنيتك 15 سنه وطلعت زي ابوك....ماعندي رجال ماعندي وتقعد تبكي..يابنات ابوها كذا وربي الآن هو قريب ال80 وكلهم هجو سافرو برا هربو من زمااااان،،اسكت انا اقول بعيدة كلمتي ثقيله مو انانية لكن اعرف مخها مستحيل يتقبل كلامي بتقلب الدنيا علي لكن اشوف اخوي كبر على شخصيه مهزوزة خائفه يخاف يقولها بطلع مع أصحابي يرسلنا احنا نستأذن وتوافق بعد سيل مسبات وتنكد عليه خلال الطلعه يخاف يطلب فلوس يطلع بدون ولا ريال وطبعا ابوي جالس ماهمه احد مايتحرك الا اذا امي راحت له قالت قوووم شوف ابنك راح عند جارنا بدون مايستأذن يقوم يفرش عضلاته ويهزأه يمسح بكرامته الارض بدون اي سبب علشان بس امي اللي دزته يابنات من سنتين اختي هربت من البيت راحت لدار رعاية من النفسيه المتحطمة ابوي وربي مانطق ولاهمه اختي ضايعه وهو مكمل حياته عااااادي..واختي الثانية مرة قالت مابغى اروح الحديقه اقسم بربي عطاها بكسات تنفخ وجهها ليش ماتبغى عنده انحراف باتخاذ القرار تعبو خواتي حزنت عليهم احس ودهم يهجو طبعاً ابوي يقول انتو غلطه وامي تقول انا صابرة على ابوكم علشانكم مع مسبات للتنكيه،،لذلك يابشر ياعالم الطلاق حل أزمة زي ازمتنا مو مثل مايتوقع البعض ضياع اطفال اخواني انعدمو ضاعو كبرو ببيت مهدوم كلنا نقولهم ليتكم تطلقتو ماكان هذا حالنا..انا خلفت وخفت على عيالي وحبيتهم لكن ماعملت مثل امي انا عرفت ان حياتهمكلها خلط بس تزوجت ولاقبل كنت معهم بنفس الاسلوب والقسوة متوقعه كل البيوت كذا،،ايش رايكم اقول لامي باللي اخوي يفكر فيه وكيف شخصيته صارت بسببها ولا اسكت هي شخصيتها عنيده وماتسمع لاحد لكن هذا اخوي اشوفه يكبر قدامي بشكل شنيع مقهورة وربي ايش تنصحوني😔😞