لو مكاني شو بتعملوا ؟! محتارة

السلام عليكم بنات
مبارح صار معاي موقف كنو حلم مو حقيقه ونفسي الاقي تفسير ل كل الي صار المهم ...
انا مو سعودية لكن مقيمه في الرياض متزوجة وعندي بنت ...هاي نبذه عن حياتي 




المهم مبارح المسا رحنا انا وزوجي البر وركبنا دباب من باب التغيير وهذي اول مرة اول ما وصلنا البر كان في ناس يلعبو بس مشت علينا مرة وحملت بنتي كانت مع زوجي هي عمرها 6 شهور وقالت يا سلام حلوة كثير واعطتني اياها وراحت وبعدين رجعت وحكتلي توصلوني معكم على بيتي حكيتلها احنا جداد هون وما بنعرف الرياض حكت انا بدلكم مو انتي من المنطقه الفلانيه وانا والله يا بنات انصدمت كيف عرفت سألتها كيف عرفتي تلبكت وحكتلي انتي حكيتيلي مع العلم منطقتي بعيده كثير عن منطقتها حكيتلها انا ما حكيتلك اي شي ولا بتحكيلي انا مرة شفتك بحديقه هناك ومع ذلك ضليت مصدومة كيف عرفت المهم حكتلي بس تيجو تروحو خبروني مشان توصلوني ورحنا ولعبنا وقعدنا ونسيت الموضوع 
الساعة صارت 1 نص الليل وركبنا السيارة بدنا نروح ولا هي جاية قالت روحوني والله انا خفت كثير لانو الوقت جدا متأخر حكت انها مو لاقية تكسي مع العلم كان معها 4 اطفال بس صغار يدوب اكبرهم يمكن 5 سنين المهم خفت وحكيتلها احنا مو رايحين البيت ومشت هي جهت الشارع قام جوزي حزن وحكالي حرام توقف لحالها بليل بالشارع وحزن عليها جوزي مدين وحنون 
المهم سألناها وين بيتك حكت قريب كثير اخر الشارع ركبت معنا ولا بيتها بعيد والله يا بنات ركبت معنا وضلت يمين يسار طلع بيتها بعيد لما سرنا بمنطقه عتمه جدا والدنيا نص ليل الوقت جدا متأخر والله خفت خوف ما يعلم في الا الله المهم لحد ما وصلنا ل منطقة شبه مقطوعه في كم بيت وعتمه كثير ولا تقول انا لحالي بالبيت انزلو تعشو حكينالها شكرا الوقت متأخر نرجع مرة ثانية ان شاء الله 
ولا بتحكو لولادها انتو انزلو نزلتهم وضلت بالسيارة ولا بتحكي ل زوجي والله العظيم ما انزل الا اذا نزلتوا هاد الحكي والساعة قربت تسير 2 بليل وزوجي يحكيلها والله لنرجع بس انزلي وهي تحكي والله العظيم ما انزل الا اذا نزلتو والله يا بنات كنت اطلع على بنتي نايمه بحضني بدي اعيط خفت كثير بالاخر زوجي حكالها طيب رح ننزل ونزل اجت نزلت ركب بالسيارة بسرعه ومشينا ...
انا للان متوترة ومخنوقه حتى زوجي خاف وتوتر 
من شدة الخوف الي خفتو حاسة انو حلم مش حقيقه 
وكيف عرفت اني من هذيك المنطقه وضلت تحكيلي انتي جميله وعيونك جميلات ما بعرف حسيت في شي غريب وكيف بدها ننزل عندها انا وزوجي وهي بتحكي انها لحالها والساعه قربت تسير 2 نص ليل 
عنجد شي غريب من لما صار الموقف وانا احاول افسر في