لو مكاني كيف تتصرفين..زوجي والشغاله

مره كنت بالغرفه وطلعت الا وشفت هالشوفه زوجي جالس عالكنبه ومعه البيبي وهي واقفه عالطاوله قباله تسوي ترتب وهو يقزها قز يدها وصدرها وشعرها وبعدين شعري حسيته يقارن عاد شعري مو بنعومة شعرها ومن كثر ماهو مندمج مافكر انا لاحظت أو لا
وانصدمت من اللي صار وبديت انتبه انا كنت مدلعتها هي ماتبي تتحجب وخليتها على هواها رحت جبت حجاب ولبستها قلت بالبيت تلبسينه
وشافها مرت بالحجاب قال لبست حجاب قمت اناظر فيه وسكت
حسيته يبي يستفزني
عاد بعدين لاحظتها تنهبل اذا جت فتره العصريه هالوقت الوحيد اللي زوجي موجود فيهوتجلس رايحه جايه وتناظره ماقدرت تخفي لان فرصتها الوحيدة هالوقت وشافتني أني انتهبت لها لان كل ماتسوي حركه انا اخرب عليها استقعدت لها استقعاد
ومن أمس وانا اهاوش في زوجي وهو فرحان يقول معجبه فيني ويناظر نفسه بالمرايه
الْيَوْمَ الصبح تهاوشنا على أساس ابي اسفرها وهو يقول خليها بتندمين وقلتله أني شفت كل حركاته وانه يناظرها وماخليت كلمه الا وقلتله انت تبي ... روحلها تراها بالغرفه
وارسلي وقال انه حجز لها خلاص
وبكذا راح اجلس بدون خدامه مع أني محتاجتها مره
لكن حسبي الله ونعم الوكيل
مدري احس تهورت يوم حجزت لها وتهورأني بينت غيرتي الشديده ونزلت نفسي أني أغير من خدامه
وش رأيكم باللي صار