لو وحده تعاملت مع زوجك وطنشتك ؟

لو كنتي بمكان عام بتشترين غرض معين والبائعه حرمه وانتي تسألين عالبضاعه او تتناقشين عالسعر تقوم البائعه توجه الكلام لزوجك مع ان زوجك ماتكلم بحرف انتي اللي جالسه تتفاهمين عالغرض والسعر
لو وانتي ماشيه مع زوجك وتوك ساحبه من الصراف تقوم حرمه تسأل زوجك قداامك تقوله الصرافه تشتغل ؟ طيب ليه ماتسألين الحرمه ليه تسألين الزوج وزوجته موجوده وبأمكانك تسألينها
لو كنتي بكاشير تحاسبين وهذه اكثر حركه تتكرر كثير عن البائعات تجين انتي تعطينها فلوس تقوم ترد لزوجك الباقي! او تسأله ودك تتبرع بالهللات؟! طيب واللي عطتك الفلوس وشع وضعها ؟ مزهريه ؟

قبل كم يوم كنت بالماركت انا وزوجي وبعد ماخلصنا جينا نبي نحاسب القى كاشير عند الحرمه فااااضي مافي ولازبونه قام زوجي قالي روحي حاسبي عند الحريم وانا بنتظر بعيد وجيت عندها وقلت السلام عليكم وشايفتني بعيونهاااا احط الاغراض لوحدي مافي احد معي

يوم خلصت هي تسعير الاغراض دخل زوجي ماله اقل من دقيقه قامت وش سوت؟ لفت الجهاز اللي يظهر المبلغ على وجه زوجي فقط ! المشكله انها تناظر يدي و انا ماده الفلوس لها من اوول وهي تسعر وانا ماده لها الفلوس شايفتني عيونها على يدي ومع ذلك قالت لزوجي المبلغ كذا

وشوي قالتله تبي تتبرع بالهللات؟ وباقي المبلغ ردته لزوجي!
والاحظ هالحركه عند البائعات اكثر شي يعني يوم تكون البائعه حرمه تهمش الحرمه اللي زيها او تتعامل بطريقه مو احترافيه

والمواقف من هالنوع كثير مو شرط بس المواقف اللي ذكرتها تجي الحرمه تكلم زوجك او تتفاهم معه وانتي موجوده وتعطيك طناش وش ردة فعلك بصراحه؟