لو وحده سوت لزوجك كذا انتي وش بتسوين

فيه وحده تقول تزوج اخو زوجها من قريبته والعروس هذي جسمها آيه من آيات الجمال جسمها خرافه وشعرها زي الحرير وواصل تحت الركب <<<<ياقدم الوصف خخخخخخخخ



المووووووهيم


تقول الحرمه العروس هذي نشبت لزوجي الا بتوريه انها حلوه وغصب طيب لازم يشوفها تقول قبل يجي زوجي من

دوامه دوامه استلامات حوالي 8 بالليل بيرجع وتنط العروس وتطق البنطلون الاسكيني والبدي وتفك الشعر وتجلس

تمشى في ها الصاله وهذي وام زوجها متكين تقول شوي الا طمرت شوي الا الصراخ ويجون يركضون يشوفون وش

فيها الا طويلة العمر طايحه في الارض وتسوي نفسها تبكي


اكيد بتقولون ليش ؟؟


انا تاقول لكم ليش


رجع زوج الحرمه من دوامه يقول جيت وخفت تطلع في وجهي لانها دايم تسويها واحاول اني ما اشوفها يا اني ارجع او اصد او اعطيها ظهري يقول


شكلها ما ارتاحت تبيني اشوف مضبوط طقيت الباب وجت خامة عمرها في وجهي بعدين ذبت نفسها وجلست تصارخ


وتبكي قال ايش قال تفاجئت يقول انا من الخوف فعلا جلست اطالعها صدق مخفه بس قمر مصور ياحظ اخوي جسم وشعر ودلع يخلف الله علي




بتقولون يمكن صادقه وش دراها انها تبي زوجها يشوفها بقول لكم انا انها تسذابه بتقولون ليش بقول لكم


ماتوصل انها تذب نفسها وتصارخ ليش شايفه بعبع ثانيا مهوب حرامي ولا جيته غير متوقعه ولا هوب يروع حتى لو تفاجئت بوجوده بتغطى او بتهج بس ماتوصل للصراخ


<<<<ترا ذي قضت من السالفه


>>>>>باقي ذولي يقولون رايهم بالموقف

لان الحرمه المسكينه تقول طفشت ماعاد ابي اسكن انا وياها في بيت العائله ابي اطلع


<<<<<<وذي رحمتها وبحلت ولا عرفت تصرف لانها طلبت المشوره قالت بفكر واقلب الموضوع وارد

عاد انتم غششوني وعلموني وش اقول لها لاني ماودي اقول عادي ومايهم لاني والله ماتزوجت ولا احس بالغيره على احد فاغير انتم المتزوجات تفهمون امور بعض وانا بنقل الراي اللي اغلبكم بتجمعون عليه


<<<<<اقول فارقي ياكثر هذرتس اللي مالها سنع