يعلم الله من امس الحين انا بهم
انا عندي بنت وحامل الحين
زوجي طلبت منه شروط وماوافق الا علي شيء واحد
حاولت اجلس معاه بس نار بقلبي لمن اشوفه يطارد وراها
وانا موب ناقصني شيء
اتصلت ل اهلي وابوي رفض جلوسي عنده
حتي من شروطي مصروف شهري ورفض يقول 500 وبقضي في البيت
بااروح يمكن يتعدل وياخذها درس
ويمكن يتزوج وانا بربي بنتي والي جاي
والي تقول طلقك ماقلتي شيء ويوم يبي يتزوج زعلتي
يوم طلقني رجع جاب هديه وتأسف وابي بيتي يستقر
لكن فجاءه يروح يتعرف ويقول بتزوج هذي الي تقهر
hnoofa
•
ورب العظيم انا تويﻻطالعه من مشكله مثل مشكلتك حسبي الله ونعم الوكيل والحمدلله حاولي تعرفي اذا يكلم او في حياته حرمه انصحك نصيحه لوجه الله روحيبيت اهلك وخليك وقفي رجالك وقفيه عند حده وربي مايفيد الحيله الحقي نفسك قبل يسويها اطرديه لين يتادب اكسبي اهله في صفك وخلك مع ربي اولا وقيام الليل وادغي ان ربي يسخره لك ويصرف نساءالكون عنه واستودعيه قلبه انوتكوني الزوجه الوحيده له في الدنيا والاخره طلعي الوجه الثاني بلافلوس بلاخرابيط اشتري كرامتك والله لايجي لك يحبي على رجوله ومثل ماقالت لك الاخت هدير القلم تكفين انتبهي اللله يسخرلي ويسخرلك ويكفينا شر بنات الحرام وعيال الحرام ويرد كيدهم بنحرهم الرجال يحبو القويه شخصيتها والثقيله واللي تنقص في حقوقها سوينا المستحيل لهن حصلنا الخيانات والقرف الله يكفينا شرهن صارو يطالعون غيرنا الرجال مايحب الدلع ولاولدك الله معك ي قلبي ومعنا الله في كل وقت وحين
مابي اكون مثاليه .. الموقف صعب .. لو لعاب وكل فتره علاقه ولو من النوع اللي مايحب يشيل مسؤولية البزارين .. ولاعنده يضفهم .. اسحب عليه واتركهم عنده فتره بيتوهق لافقعوا مخه ازعاج وصياح ومسؤوليه ..
لكن لو بيرجمهم عند امه والا اخته والله صعبه الله يعينك ويسخره لك
لكن لو بيرجمهم عند امه والا اخته والله صعبه الله يعينك ويسخره لك
ميدو7
•
اتوقع الموضوع قديم وانا تو اشوفه
اختي انتبهي انتبهي تطلعي من بيتك
واذا هو ملزم اشترطي عليه
وخليك ببيتك
وهو الله لايرده
يروح يستاجر لها وبمكان بعيد عنكم ولا تشوفيها
ولا تشوفك
الرجال اذا درى ان التعدد فيه مسوليات وصرف راح يلغي الفكره من راسه
اختي انتبهي انتبهي تطلعي من بيتك
واذا هو ملزم اشترطي عليه
وخليك ببيتك
وهو الله لايرده
يروح يستاجر لها وبمكان بعيد عنكم ولا تشوفيها
ولا تشوفك
الرجال اذا درى ان التعدد فيه مسوليات وصرف راح يلغي الفكره من راسه
الصفحة الأخيرة
دام زوجك طلق من اول ودام انه ماخبى عليك ويبي رضاك خليك ببيتك مع عيالك وخذي منه اللي تبين وكبري عقلك
وان شاء الله مرده لك.
الحرمه لما يصير عندها عيال المفروض تفكر بعيالها اكثر من نفسها الزمن يخوف وانتي عشتي حياتك وحياتك الحين مو ملكك لحالك انتي ام ومسؤوله عن عيالك لو تروحين بيضيعون من دونك
وغير كذا لو رحتي ماراح يشيل همك وفرتي له سكن ووفرتي بالمصاريف وريحتيه يعني ماراح يفكر يرجعك
لو جلستي بتكثر عليه المصاريف ولا فيه استقرار يوم هنا ويوم هناك.
وانتي عارفه وضع زوجك المالي على وضعه حطي لك طلبات او شرط
ونصيحه الزوجه الجديده لاتشوفينها ولا تكلمينها ولاتعرفين عنها شي ترتااحين.
احفظي بيتك وعيالك وهو بسلامته الكلام سهل والتطبيق صعب بس ربي يقويك وييسر امرك .