لو وحده مدت يدها عليك وضربتك وش بتسوين؟!!

السلام عليكم ورحمه الله وبركاته
مثل ماقريتي من العنوان لو كنتي وحده مسالمه ومن حالك في حالك ووحده بلتك في نفسك يعني لسانها متبري منها
وتطعن في شرفك او كانت مره بايعتها ومدت يدها عليك وش بتسوين؟؟
انا عن نفسي والله مااخليها لها وارد لها الصاع صاعين بس لو كان هالموقف في مكان عام مختلط يعني في سوق مثلا اش بيكون موقفك؟؟
انا سالتكم هالسؤال لاني قبل يومين بيوم العيد كنت بالملاهي وانواع الزحمه والحوسه واشكال البنات عند كل لعبه متحاشرين كلن يبي يلعب وكل وحده تدفدف بالثانيه بس عشان تلعب انا لعبت مره وحده وسحبت نفسي على جنب وقعدت مع اخوي نستنى خواتي يخلصون ونتفرج بالناس اشكال واجناس الا شوي ويجونك بنتين طايرين على بالي في البدايه انهم دايخين من اللعبه ولا يبون يلعبون واثاريهم قاعدين يتظاربون وهاتك ياشد بالشعور ياتمشيخ فصخو بعض واتكشفو الله يسترنا واياكم دنيا واخره واللي يقهرك ان الشباب اللي يفصلون بينهم ويغطونهم
انا وقف شعر راسي اشلون عادي عندهم بنات يتضاربون قدام الرجال بس اكيد وحده منهم بدات وبلت الثانيه في نفسها
الله لايحطكم بهالموقف بس فرضا لو كنتي مكان وحده منهم وش بتسوين؟؟
هل بتبلعينها وتخلينها تبرد حرتها وتروح وما تتضاربين معها قدام الناس؟؟
ولا ماتخلين حقك هي اللي بدت وغلطت ومدت يدها ولازم تاخذين حقك وتردينها لها؟؟
يالله ابي اشوف ردودكم وتفاعلكم وشاكره لكم دخولكم موضوعي