لو وحده منكم مكاني وش بتسوي..

السلام عليكم
بنات ابغى رايكم ...انا ما اكتب هنا الا عشان في بعض الردود تخفف من ضيقتي شوي..واخذ بنصايحكم..
..انا من ثاني العيد وانا عند اهل زوجي
.وانتو عارفين كيف يكون نظام نوم ايام العيد ..
السالفه ومافيها ان من اول ماوصلنا قالي زوجي روحي سلمي ع جدتي قلت له ان شاءالله اريح م سفر وبعدها ودني عند جدتك وكمان ودني عند اهل امي ..وكنا متفقين ع كذا..
المهم ثالث العيد كان في ملكه حظرتها ورجعنا ع 3 الفجر..ونمت لين العصر انا وعيالي وطبعن زوجي نام وشبع نوم قبلي وطلع عند اهله ..ع العصر جاء صحاني قال قومي انا كلمت امي تخلي وحده من خواتي تروح معك عند جدتي ..قلت له اليوم تعبانه ماني رايحه خلها بكره ..المهم عصب على وقال انتي اش فيك ..قلت ولا شي بس انا اليوم تعبانه بكره بروح لجدتك وبروح عند اهل امي وبعدها ودني عند امي ...لان اهلي موجودين بديره فقلت اروح اسهر عند امي وخواتي....طلع وتركني وطول اليوم بس ينفاخ على ..طبعن نمت وهو مايكلمني ..رجع سوا نفس الحركه صحاني قال قومي غصبن عنك بتروحين لجدتي ...انا يوم قال غضبن عنك انقهرت وقلت مافي شي غصب وماني رايحه قال ماهو بكيفك قال والله عندك ساعه لوجيت وانك ماجهزتي ماتلومي الا نفسك ..المهم قمت وصليت وصحيت عيالي وشوي جات سلفتي جلست معها وهو يوم شاف سلفتي جات ماعد قال يالله اوديك لجدتي ...وبعدها راحت سلفتي لبيتها ودقيت عليه قلت وينك قال في مشوار قلت تعال ودني لجدتك...جاء ودني لجدته ..وبعدها ودني لهل امي..ورجعني عند اهله في البيت وتركني وراح يسهر في القهوا...
.وانا بنفجر مقهور ليش ماودني عند امي..قلت له ودني عند امي قال امك اذ سافرتي روحي لها...لان اهلي معي في نفس المدينه الي انا فيها...
قهرني قهرني بموت من القهر ...والله حتى خواته يتناوبن عشان يجلسون معي وحده تصحى وحده تنام ..احس اني مثقله عليهم ...طفشو مني وانا ماني ماخذه راحتي اخواني زوجي كلهم موجودين بالبيت ..من اصحى اجلس محبوسه لين يطلعون اخونه من البيت ..ناس طفشو مني وانا طفشت ..وايام العيد ناس تعبانه تبغى ترتاح ..
وهو ولا هم شي اقوله رجعني بيتي يطنش ..اخ يارب تعبت مع ها رجال وتعبت وكرهت نفسي يوم يقولي اليوم الله يلعن اليوم الي عرفتك فيه...احس انه ماهو طايقني كذا من غير سبب..واليوم حاول يرفع يده على بس تراجع في لحظه الاخيره..خاف يوم قلت له الدنيا ماتوقف عليك خلني بس ارجع لبيتي راح تشوف شي عمرك ماشفته..بس والله ماانفجرت وقلت كذا الا منه تعبني اهل امه كلهم مايطقوني ويجبرني اروح لهم..اهم شي يكون راسه مرفوع عندهم وانا مافكر فيه
هذا كلها عشان ليش ماروح لجدته..
تكفون خففو عني حتى لو بكلمه والله اني اكتب ودموعي في عيني...