غريبه ..!!!
اللي اعرفه ان العمليه القيصريه تكون في الاسبوع 36
وانا دكتورتي حددت لي موعد القيصريه في الاسبوع قبل الاخير يعني 38
وانا قلت لها تقدم لي موعد العمليه لكن هي مارضت ...لاني خايفه ينفجر كيس الماي
اللي حول الجنين .... لان في حملتيني اللي قبل انفجر الكيس بعد اسبوعين من التاسع

انا ما عندي فكره فى اي اسبوع بالضبط يسوون القيصريه.
مع اني بولادتي البجر ولدت بيقصريه وكنت كملت التاسع ودخلت العاشر بعشررررره ايام وحطولي طلق صناعي ليوم ثاني ما فاد آخر شي سوولي العمليه بحجه ان الحوض ضيق عندي !!!
تدرون اني ولدت طبيعي فى حملي الثاني.. ويييييييييين راح الحوض الضيق اللي قالوا عنه؟؟

لا يصح ان تجرى القيصرية قبل 38 اسبوع لأن نمو الجنين لا يكتمل قبل هذا الموعد
واذا أجريت قبل هذا الموعد يكون ذلك لضرورة مثل انفجار الكيس وغالبا يوضع الجنين في الحضانة

العمليه القيصريه الثالثه تكون في بداية التاسع لانهم ما يبون تجيك طلوق ابدا لانه راح تسبب انفجار للرحم..
يعني لو صبرتي اكثر احتمال تجيك الطلوق في اي وقت وتسبب لك مشاكل..
بعدين ياحبيبتي الطفل في التاسع يكون مكتمل نموه شوفي اطفال ينولدون في السابع والثامن ويكبرون ما فيهم الا العافيه..
لا تخافين وريحي بالك وتأكدي ان الاطباء ابخص في شغلهم..