ليتك بوسط العين أو بيـن الأهـداب

ليتك بوسط العين أو بيـن الأهـداب
وليتك بوسط الحضن ساكن ومدفـون

وليت اللحد صدري ولو فوقه تـراب
وليت الجسد قبرك وأبي الناس يدرون

وليت المنايـا تندفـع دون الأحبـاب
بروحي أنا بفديـك وفينـي يعـزون

راح الحبيب اللي له الجـرح ماطـاب
راحت حياتي كلهـا دمـع وحـزون

أمشي وحزني يقطع القلـب منصـاب
فقـد الحبيـب كـايـد لا تلـومـون

رحلت يا عمري وخليـت الأصحـاب
وقعدت أجر الصوت ياللـي تنيحـون

حرّة عروسٍ زوجهـا وسِـد تـراب
حرّة عروسٍ تشتكي قلـب مطعـون

ومع فقدتك بفقد أنـا كـل الأحبـاب
بترك هلك غصبٍ ولي قلـب مغبـون

وياخالتي فقدك مثـل أكبـر مصـاب
أم رحـومٍ كاملـة لــو تعـرفـون

ومن يرفـع اليديـن للـرب ماخـاب
رب كريـمٍ سامـعٍ الكـل يـدعـون

إن يرحم إبراهيم يفتـح لـه أبـواب
في جنة الفردوس راضـي وممنـون

رزقه وفـا مايرسمـه فكـر وألبـاب
ويعوضه بالحور وقصـور وعيـون

ويارب تجمعنا على أنهـار وأعنـاب
ويارب تحشرنا مـع اللـي يفـوزون