اول موضوع لي وياليت يعجبكم
المنــيو
تشيز كيك الزبادي
تشيز كيك باللبنه
سوفليه
كيك محشي بالسنكرس
حلى الباسكن روبنز
تشيز كيك بالزبادي
سهله جداً ومضمونه
الطبقة الأولــى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك
الطبقة الثانيــه :
في الخـــلاط :
3 حبات جبن كيري
2 علبة زبادي
2 فنجال سكر ( احياناً احط فنجال ونص )
8 فناجيل حليب بودره
* تخلط في الخلاط ثم تصب على البسكوت وتدخل الفرن نص ساعه تقريباً ( انتي شيكي عليها )
الطبقه الثالثه :
تحطين اللي تبين
انا احياناً احط باي فيلينق
واحياناً اسوي جلي كرز مع مويه وشوي كريم كراميل على النار واصبهم فوقه
* في الصورة الاخيره حطيت تحت بسكوت اولكر بالشوكلاته
والطبقه اللي بالنص حطيت نص الجلي عشان يصير لونه وردي
ياشين الواحد اذا حب اكله وبدا يمطرس فيها هههههه
** انا اسوي مقدار ونص للطبقه الثانيه عشان يصير عريض
وعوافي على قلوبكم
تشيز كيك باللبنه
الطبقه الأولى :
1 بسكوت شاي كبير ومطحون
2/1 زبده
* تعجن مع بعض وترص في صينيه التشيز كيك
* اذا حسيتي انها مب متماسكه حطي شوي قشطه لين تضبط معك
الطبقه الثانيه :
علبة لبنه 200 غرام
2 علبتين قشطه
2 ظرفين كريم كراميل
1 ظرف جيلاتين يذوب في 1/4 كوب ماء حار
تخلط بالخلاط لحد ماتتجانس وتثقل
ونصبها فوق البسكوت
وندخلها الثلاجه لين تبرد
الطبقه الثالثه :
بعد مانطلعها نقطع فراولة ونصفها
زي كذا
يم يم اليم
بعدين نحط هالطبقه
1 ظرف جيلي كرز او فراولة
1 م ك نشاء
1/4 ربع كوب فيمتو
1 كوب ماء
حركيهم عالنار حتى تبدا تغلي وبعدين على طول شيليهم
واتركيه شوي يفتر بس مع التحريك حتى مايجمد او يكوّن طبقه من فوق
وصبيه على الطبقه الثانيه بشويش وحطي ملعقه عشان ماتتقشع
سوفليه
المقادير :
كيك بيتي كروكر بالشكولاته السوداء
كريمة بيتي كروكر بالشكولاته
علبة نوتيلا
الطريقة :
نسوي خليط الكيك زي مو مكتوب وراء الكرتون
ونصب نص الخليط بصينيه التشيز كيك
وندخلها الفرن حول ربع ساعه لما تتماسك
بعدين نصير مجهزين الخلطه
كريمة شوكلاته بيتي كروكر
مع شوكلاته نوتيلا
نحط نص كذا ونص كذا قد ماتبين
ونحطها فوق الكيك اللي طلعناه ونصب باقي الكيك فوق النوتيلا والكريمه
وندخله الفرن تحت بعدين نحمره شوي من فوق
ولو بغيتي تزينه بالفراوله
* ينوكل بارد وحار عادي
وبالعافيه
كيك محشي بالسنكرس
المقادير:
كيك بيتي كروكر شوكلاته
2 قشطه
4 سنكرز
الطريقه:
تخلطين خليط الكيك زي ماهو باين بالكرتون
وتحطينه بقوالب التارت الصغار
وتدخلينه الفرن
بعد مايخلص
تكونين سويتي السنكرز بحمام مائي مع القطشه
تحفرين شوي بالكيكه وتحشينها سنكرز
وتغطينها بفراوله واذا حبيتي تحطين جاناش شوكلاته فوقها
عوافي
حلى الباسكن روبنز
هذا الحلى احس مافيه احد مايعرفه
اسهل واطعم حلى عشاء
المقادير..
علبة حليب مركز محلى
2 قشطه
6 حبات جبن كيري
باكيت بسكويت الشاي..
كورن فليكس
الطريقه:
يكسر البسكوت في صينيه التشيز كيك
ونضع المقادير بالخلاط ماعدا الكورن فليكس
ونصبها فوق البسكوت بعد خلطها في الخلاط
ويوضع يوم كامل بالفريزر وعند التقديم نضع الكورن فليكس
يارب يعجبكم موضوعي
ولاتنسوووني من دعــائكم ان ربي يرزقني بالولد الصالح
فمان الله الكريم
نفسي فيه