انا ياخوات مالي الا الله ثم انتن اشكي له فياليت اللي ماعندها رد تدعيلي الله يوفقها ووتاكدوا ان لكم ملك يقول ولكم بالمثل تكففففففففون لاتنسوني من دعواتكم ابطول عليكم بفضفضتي خلوني اطلع اللي بقلبي كله لكم
مثل ماقلت في العنوان اذا كان هذه تصرفات واسلوب امي معي من لي بالدنيا يضمني وابث له كل مافي داخلي لكن الله يخارجنا انا باقولكم قصتي وياليت ترشدوني وش اسوي؟؟؟
انا بنت وحده مع 7 اخوان امي معاملتها للبنات قاااااااااااااااسيه جدا وتفضل العيال بكل شيء و البنت عندها مخلوقه للشغل وخدمة امها فقط لا غير انا شغل البيت كله علي والفطور برمضان والسحور امي ماتدخل المطبخ معي كله علي لحالي واخواني ماقدر عليهم كل يحوووس بالمطبخ واليت على كيفه ومن يوم هم صغار امي ماتعودهم على المساعده والواحد يعتمتد على نفسه لكن البنت غييير من يوم هي صغيره تقول تتعلم :06:امحق تعليم هذا عذاب والله لوتشوفون حالي كلن يسألني ليش ماتسمنين ويدي كلها حروق بالذات برمضان مأ حد يساعدني واكررف بالمطبخ وانحرق وانكرف واذا جهزت الفطور وجلست عالسفره كل وقت الفطور وامي تنقد الفطور هذاالطبق ليش كذا وهذا الطبق ليش زايد الزيت فيه وهذا كثير السكر وهذا كثير ملح ومستحيل تفطر وماتنقد شغلي والله يابنات تعبت مافي احد اشكيله واخليه يعدل اسلوب امي معي مادري كيف اتصرف معها ومع هذا كله تعزم جاراتنا عالفطور وويزيد علي الشغلي اجلس عالسفره واكل اشوي وارجع اكمل شغلي بالمطبخ وامي ولا همها تجلس وتضحك وتسولف واذا جيت ترسلني جيبي وجيبي وتضحك على الامهات اللي يجيبن شغالات تقول ليش تجيبها وبناتها عندها والله والله لوتصير عندنا اكبر حفله ماتساعدني بشيء كنس طبخ وترتيب وامي ماهي كبيره بعمرها يعني جدتي تشتغل اكثر منها لكن هي تستغل وجودي قبل اتزوج وتقول اذا تزوجت فلانه ابجيب شغاله يعني انا عندها بلا مشاعر بلا احاسيس ماحتاج حنان ورحمه وعطف عندها زي الشغاله وياليت مع هذا كله طيبه معي تفضل اخواني علي وحتى اذا صرنا معزومين عالفطور تروح هي بس وتقول لا فلانه ماتقدر تروح عندها شغل والله اني كرهت اجلس عندها اذا جلست عندها بس نقد وهواش
لاتقولون تحملي وهذي امك ادري انها امي لكن انا ماني بنتها ومحتاجها اعيش عندها بحريه وحنان ورحمه وين القاها اذا مالقيتها عند امي
تكفووون ادعولي اتزوج وارتاح من هالعيشه
اللهم ارزقني الزوج الصالح واجعل بيننا الموده والرحمه والسكن .
اللهم اقضي حاجتي وفرج كربيتي وانس وحدتي وأمن روعتي انك انت القادر على ذلك وحدك لاشريك لك
يلزم عليك تسجيل الدخول أولًا لكتابة تعليق.
د.لولو
•
الله يعينك ويرزقك الزوج الصالح ويهدي أمك ويحنن قلبها عليكِ
الصفحة الأخيرة