ليتني جميله علشان زوجي يحبني/ استوفى الرد

عندي عقده كبيره من شكلي
استغفر الله مهب اعتراض على خلقه الله والعياذ بالله
بس غصبن عني مااطيق وجهي وملامحي
علشان كذا اهملت نفسي لالبس ولااناقه ووجهي مليان حبوب واثار وحتى المكياج مااحبه
حلم حياتي اكون جميله
اي وحده جميله اقول ماشاء الله ليتني مكانها
استحي من شكلي اي احد يناظرني اقول اكيد يتمسخر علي او انه يحمد الله انو مهيب مثلي
احيانا اقول ان عايشه الكيلاني اجمل مني
اهلي وصديقاتي وزميلاتي بالعكس يحبون الجلسه معي وينبسطون بالسوالف معي
ابليس قعد يوسوس لي ان اسوي عمليه تجميل
تعوذت من الشيطان وشلت الفكره من راسي
اتخيل اقول ياسلام لو اني جميله كان انخطبت من وانا صغيره مع اني مب حيل على الزواج
على الاقل ينقال انخطبت واحس اني مرغوبه
اقول اذا تزوجت اكيد بيطلقني وبتحوم كبده مني
شلون اتدلع واتغنج بيقول في نفسه ياشين السرج على شسمه

اقعد طول اليوم اقول لواني مثل منى امرشا او اليسا او جميله اكيد ان بيحبني مع انه يحبني بس مااثق في حبه ماادري ليه !!
علشان اعوض هالنقص سويت لي مشروع ونجحت فيه بس ضلت عقده النقص تلازمني
طول فتره الخطوبه ماشفته ماعندي جراءه اقابله بخشتي اتهرب منه
باقي على الزواج اسبوع وماشريت قمصان نوم اقول مب لايق علي اللبسهم له
حاطه في بالي ان يمكن يطلقني !!
مع اني مب شينه مرره اعتبر عاديه اوقات اناظر نفسي بالمرايه اقول وشوله اعذب نفسي واوقات اقول ليتني مهيب انا
لوالثقه بالنفس تنباع في سوبر ماركت شريتها

زواجي قريب ومرره متأزمه مب قادره اتخيل نفسي مع رجال اقول اكيد مهيب يتقبلني
مع ان صارت بينا مشكله وطلبت الطلاق وهو رفض بقوه
ارجع اقول يمكن بعدين هو الي يغير رايه مع انه يحبني ومتحمل نفسيتي ومزاجي بشكل كبير
الله لايعاقبني على الي اسويه فيه بس غصب عني صايره مب طايقه نفسي


بالله ماجاتكم كأبه وانتوا تقرون؟؟
تخيلوا اجل اني اعيش هالشعور يوميا