ليتني سعودية

السلام عليكم ورحمة الله وبركاته.....

ماراح اطولهاعليكم..

دائما اخطب كثير ماتتخيلو شكثر.. لكن المشكلة وين؟؟ ان هالناس يجون وبعدين يروحون مايردون خبر ..يسالون عن موافقتنا اولا؟؟مع انهم يقولون استعجلو بالرد وطايرين اني عاجبتهم

ايه يابنات تعقدت الصراحه.. صارت كل ماتجي خطبه اقول لامي يمه ريحي بالك .. يمكن كلهم اللي تقدمو مو نصيبي..

الحين يابنات تقدم لي ولد خالتي وهو سعودي وانا الكويت ..وابوي وافق وعطوه الموافقه يعني بحكم خطيب..وخلاص الناس كلها درت فلان عطوه فلانه

المشكله يابنات هو عسكري والعسكري بسعوديه زي ماتعرفون ماياخذ اجنبيه الا بطلوع الروح عشان القوانين..

يابنات المشكله اني حبــــــــــــيـــــــــــتــــــــه ؟؟

اولا لدينه ماتتخيلو يابنات شكثر انسان ملتزم واخلاقه عاليه واسلوبه راقي وكل كلامه دين تبارك الرحمن يابنات نادر بالتزامه واخلاقه واحترامه للمراة بوقتنا الحالي.......

الحين هو قدم طلب للزواج وعنده واسطه بس ماهي القوية وحتى لو وافقو هذا الموضوع ياخذ ثلاث شهور ومن مكتب لمكتب ومن ادارة لادارة..

بنات انتو ماتعرفون شكثر انا محتاجه اتزوج رجل مثل هالانسان لظروفي..

انا لجات لرب العالمين .. وادعي بسجودي لدرجة البكاء ..واستغفر كثير وادعي بثلث الاخير من الليل عسى ربي يستجيب دعائي

آه بس .. يابنات انا في اشيا مقدر اقولها ..بس من جد ماتخيل حياتي الا مع هالانسان ..خلاص تخيلت تفاصيل حياتي كلها معه ومن حبي له اتمنى ان ربي يجمعنا حتى بالاخره..

انا عارفه كل شي نصيب والله قادر على كل شي..

بس تعتقدون في حل.. او يوافقو على طلب الزواج.. على فكرة انا من نفس قبيلته ومن الخليج ..يعني في امل يوافقون
؟؟

اختكم/ ام فيونكه