بس الله الرحمن الرحيم
اولا اشكر كل من رد علي ودعالي الله يسعدكم ولا يحرمني منكم
ثانيا عندي عتب على الاخوات اللي تضجروا من انه القصه مو كامله انا اسفه لانه القصه جدا طويله ما راح اقدر اكتبها مره وحده لذلك نزلت موضوع جديد ارجو منكم عدم الرد اللي تبغى ترد ترسلي عا الخاص اوترد في الموضوع القديم وهذا كله لعيونكم
ثالثا ابغى اقول للمشرفات حاجه ... انا اسفه اذا كان موضوعي فيه بعض التجاوزات بس تكفون لا تحذفوا الموضوع خلو الكل يقراء قصتي عل وعسى ربي يفرج كربتي من دعوات الاخوات وللعظه والعبره لكل وحده ما تسمع كلام احرص الناس عليها (امها)
نتابع
مرت الايام تلو الايام وانا مع ها الانسان اللي كان في نظري بدون قلب كان مايمر اسبوع ما يضربني فيه ولا يمر يوم ما يشتمني ويسبني فيه الين فاض الكيل عندي بعد شهر ونص من زواجنا هددته بانه لو ما صار رجال واعتدل فأني راح افضحه عند ابوي واخواني واقولهم بانه لين الحين ما دخلت علي واني باقي بنت ما لمستني
لمن قلت له ها الكلام قام علي كا البركان الهائج ضربني وشدني من شعري ورماني عا السرير وسوى اللي سواه بكل قسوه ما حسسني انه ما كاني انسانه كاني جماد ما احس تركني وسط دموعي وراح وانا مو مصدقه اللي صار فيني طلع من البيت وانا ادعي عليه انه ما يرجع لي الا كفنه وارتاح من العذاب بعدها ما حسيت بنفسي الا وانا ماسكه سماعه التلفون وداقه على ابوي وقايله له على كل شئ سواه فيني ولد اخوه و كان الله سبحانه وتعالى الهمني القوه شرحت لابويه كل شئ سواه فيني من يوم تزوجني لها اللحظه طبعا ابويه جن جنونه ما قدر يصدق الموضوع لين ما حلفت له وقلت له انه عندي استعداد اروح معه المستشفى واخلي الدكتوره تكشف علي وهي بنفسها تقوله متى دخل علي ها النذل والادهى من كذا اثار الضرب اللي على جسمي والبيت الفاضي اللي كان يستخسر حتى انه يقضي كان يخليني انام وانا ميته من الجوع وهو حضره جنابه يطلع ياكل برى ويرجع ما كان فيه انسانه عايشه معه في البيت
طبعا وانا اتكلم ابويه قفل السماعه في وجهي وما هي الا دقايق معدوده الا وهو عند بيتي دق الباب فتحت له وليتني ما فتحت الباب ليتني اوهمت نفسي اني ما سمعت الجرس يوم دق لاني شفت منظر في ابويه اموت واعيش ما اناساه شفت هذاك الرجل اللي كان مشهود له با الهيبه والوقار والرزانه شفته منكسر وجهه اسود كأن هموم الدنيا كلها على قلبه رحبت فيه ودخلته البيت مالقيت حاجه اضيفه اياها الا كاسه مويه اعطيته يشربها على وعسى يقدر يتكلم معي لانه من يوم ما دخل ما قال ولااااا كلمه كان متعجب لما وصل له حالي كانت نظراته توحي با الدهشه على كل اللي صار لي اول كلمه قالها لي تدرون وشهي؟
قال ليت الارض انشقت وبلعتني ولا كان جا اليوم هذا واشوف وحده من بناتي في ها المنظر
انا ما قدرت امسك نفسي انهرت وجلست ابكي وجلست اسلم في ارجوله اقوله تكفي يا ابويه لاتقول الكلام هذا الله لا يردني انا اهم شئ عندي انت
سألني سؤال واحد قالي تبغي تعيشي مع ها الانسان؟ قلت له يا ابوي انا ما راح افقد الامل فيه انصحه انت يمكن الله يهديه على ايدك
طبعا ابوي سمع كلامي وانتظر لين ما جا زوجي عا الساعه 12 اول ما دخل البيت انصدم الرجال لمن شاف ابويه لانه ما توقع اني اقول لاهلي حاول يعدل في مظهره ويوحي لابويه ان الوضع بيني وبينه طبيعي بس ما قدر لاني كنت مررره زعلانه ومني معطيته وجهه قام ابوي وسلم عليه وحاول يكتم غضبه قد ما يقدر
بدى ابوي يتكلم كلام حسيت لو ان قلب زوجي حجر لان منه اللي اذكره من ها الكلام انه قاله
سمر هاذي اللي مهي بعاجبتك واللي اثار ضربك فيها على جسمها هاذي تحدت امها واخواتها وكل الناس اللي قالوا لها لا تتزوجك وتزوجتك وباعت الدنيا كلها علشانك في النهايه تطلع كذاياولد اخوي هذا بدل ما تحتويها وتحبها تسوي فيها كذا ليش ؟وعلشان ايش ؟هي وش سوت لك؟ اذا ما تبغاها طلقها وننهي كل شئ ومثل ما دخلنا با المعروف نطلع با المعروف
طبعا زوجي ارتبك يوم سمع ها الكلام وخاف قال لابوي خلاص انا اوعدك انه ما يصير خاطرك الا طيب واني ما عاد امد ايدي عليها ولا عاد ازعلها او اجرحها بكلمه وانه ما يصير خاطرك الا طيب وقام سلم علي قدام ابوي واعتذر لي بعد ماعاهد ابويه انه ما عاد يأذيني
قله ابويه يا عبدالله ترى سمر امانه في رقبتك انا ما زوجتك اياها الا وانا عارف انك رجال وبتسعدها وانا ما زلت على ظني فيك لا تخيب ظني
ووعده عبدالله انه يكون عند حسن طنه وطلع ابوي من بيتي وهو كله امل انه *****الله يكون قدر يصلح شئ فيه
لمن ودعت ابوي وودعه عبدالله وقفل الباب التفت لي واعطاني نظره كلها حقد بدون ما ينطق ولااا بكلمه ودخل الغرفه وقفل على نفسه وما طلع الا اليوم الثاني عا الظهر
اول ما طلع كنت انا قبلها لابسه ومتكشخه له على اسا اننا نبدى صفحه جديده مع بعض(متفائله)اول ما شفتها ارتميت بين احضانه وبسته على خده وقلت له صباح الخير ياعيوني بعدني عنه ورد علي بدون نفس
قلت في نفسي يلله مو مشكله شوي شوي وبتصلح كل شئ جهزت الفطور(طبعا ابوي من الصباح ارسل السواق وملى البيت مقاضي ودق واطمن علي ) وناديته يفطر معي جا وجلس اكله لقمتين وقام اخذجواله ودخل الغرفه ولا طلع منها الا عا المغرب
يوم طلع لقاني جالسه عند التلفزيون سألته اذا وده ياكل شئ قالي لا وجلس يمكن ساعه في الصاله ما نطق ولا بكلمه اخذ الريموت وجلس يقلب في القنوات بعدين اخذ جواله وطلع الحوش يكلم
استمرينا على ها الحال ما فاد فيه كلام ابوي الا انه ما صار يضربني ولا يكلمني ولا يغلط علي بس صار يومه كله معروف يجي من الدوام الساعه 2 نتغدى ويدخل ينام ويقوم العصر وياخذ الجوال ويطلع يكلم ليييين يتعب وبعدين يدخل يتعشى وانا ادخل انام علشان الجامعه وهو يجلس عا التلفزيون ليين الصبح وهكذا
استمرينا كذا قرابه الست شهور كانت زي كذا حياتي عايشه مع انسان ما تربطني فيه اي علاقه انام انا في الغرفه وهو با الصاله واغلب يومه با الحوش يكلم
لين ما يوم من الايام كان نا يم في الصاله كنت ماره ابغى اروح المطبخ اشرب مويه الاواسمع صوت زي الهمس قربت منه شلت البطانيه من فوقه لقيته جالس يكلم وفي وضع الله لا يوريكم انا انصدمت من المنظر وصرت ارتجف مدري من الخوف ولا من شده الصدمه هو تدارك الوضع وقام على طول وحاول يصلح اي شئ علشان يبين لي انه ما في حاجه وصلح معي اللي صلحه وقام راح الحمام ولان ربي اعماه نسي الجوال عا الكنبه اخذته ودخلت الغرفه وقفلت على نفسي الباب با المفتاح ومسكت الجوال واخذت افتش فيه كنت عارفه اني بألاقي حاجه تصدمني
اول مافتحت عا الرسايل وقرات رسايل تمنيت الارض انشقت وبلعتني ولا اكون قرأتها رسايل حب من وحده كلماتها في قمه قله الادب والوقاحه والله ولا المتزوجين ما يكتبوا كلامهم
والادهى من كذا ولامر اني مسكت رساله له هو اللي مرسلها لها رساله يترجها تسامحه لانه شكلها كانت زعلانه منه ويقول لها كلام لو ما اخشى انه موضوعي ينحذف كان كتبته بس من ضمن ها الكلام كان يقول لها تذكري يوم كنا عا السرير........(والباقي انتوا تعرفوه)
وكان مرسل في الرساله صور لها وله في اوضاع مخله
طبعا انا جن جنوني لمن شفت هذا كله بس انها اتضحت لي الرؤيا وقدرت احط النقاط عا الحروف وعرفت من انا في حياه ها الانسان
على طول دقيت على ابويه وحكيته كل الموضوع من طق طق لسلام عليكم قالي جهزي ملابسك انا جاي اخذك ولا تطلعي من غرفتك الا لمن اجي في هذه الاثناء كان عبدالله زي المجنون يحاول يكسر الباب بس علشان ياخذ جواله مني ولا ينفضح قدام ابوي لكن ما قدر كان ابوي اسرع منه جا واخذني وكان معي الجوال وشاف كل شئ بعينه وانصدم من اللي شافه ودق على اخو زوجي الكبيروحكى له الموضوع باختصار وقاله بنتي ما عاد لها رجعه لاخوك وصله الكلام هاذا قام الرجال يهدي في ابويه ووعده انه مايصير الا الللي يرضيه
والله العظيم تعبت سامحوني لي رجعه لكم بعد صلاه العشاء انتظروني ولا احد يرد بلييييز
:27:
smsmh1989 @smsmh1989
عضوة
يلزم عليك تسجيل الدخول أولًا لكتابة تعليق.
umaymen
•
الله ييسر امرك ....بانتظارك
الله يكون في عونك واذا بعدج تحبين ريلج الله يهديه اما اذا عفتيه الله يبدلك خيرا منه و ترتاحي ما في اي سبب في العالم يخليج تستمرين مع واحد كذا
لا حول ولا قوة الا بالله
البنت تتزوج تبي الستر والبعض يتزووج عشان ينفضح :(
الله يسترنا واياك وبنات المسلمين
وحسبي الله ونعم الوكيل
كملي بانتظارك يالغلا والله يعينك
البنت تتزوج تبي الستر والبعض يتزووج عشان ينفضح :(
الله يسترنا واياك وبنات المسلمين
وحسبي الله ونعم الوكيل
كملي بانتظارك يالغلا والله يعينك
الصفحة الأخيرة