اخيرا جاء اليوم الذي اصبحت فيه عروسا وحان الوقت الذي سيشهد انتقالي من عالم العازبات لعالم المتزوجات الان ينتهي الهم تنتهي الهمزات واللمزات حولي وعن تأخر زواجي اليوم فقط صأصبح زوجه وسيكون لي رجلا مثل باقي بنات حواء لابد وأن أكون اجمل الجميلات ...
هذا شعوري لن اظهره لاي احد حتى لاتقول منى وسعاد وفادية وعفراء بأنني لم اصدق أن وجدت رجلا يتزوجني نعم سبق له الزواج لكنني الاولي والاخيره في حياته من هذه اللحظة التي سأكون لها شريكة مدى الحياة حمدان رجل طيب اختارني وفضلني على بنت عمه التي طلقها لاجلي لا أنه فضلني على بنات الدنيا بأكملهن لم تسكن بعينه غيري انا ...
لست مغرورة فكم وكم من سنوات كنت انا الجميلة واخذت غيري الصادرة بعد زفافها ورفعت رأسها علي تكبرا لانها تزوجت بأول رجل طرق بابها ...كم النساء حسودات تنكسر حين لا يطرق بابها احد وتمثل دور المسكينه لكنها سرعان ماتتناسي ذلك سريعا بعد أن تصبح زوجة وبعد ذلك اما ...
إلا أنا لن يصدر مني فأنا طرق بابي عشرات الرجال ولم يرق لي سواه نعم حمدان وحده الذي سلب عقلي وقلبي وامتلك احساسي والتصرف الغبي هذا لايصدر الا من فتاة لم تصدق ان تتعلق برجل وتصطاده...
الساعة الرابعة عصر ا صوت كعب يطرق ارضية الممر المؤدي لغرفة تصليح العروس في صالة الافراح خبيرة التجميل تفتح الباب تنظر الي ماشاء الله هل انت العروس؟
ميرة: نعم انا كيف عرفتي !
الخبيرة: مابعرف بس العروس يكون وجهها منور وطالع نور منه هذا لي حسيته في وشك.
ميرة: فرحتني ورفعتي من معنوياتي
الخبيرة : طيب خلينا نبدأ شغلنا علشان تطلعي اجمل عروس
ميرة: من بؤؤؤقك لباب السماء واطلع اجمل امرأة شافها زوجي ( تضحكان معا)
اسلم وجهي للخبيرة تبدأ بالتعليق ماشاء الله عليك عيون ورموش الله اكبر ....نوعية عيونك تعجبني
ميرة: مشكورة صراحة كلامج عسل
في هذه الاثناء تدخل شقيقتي الصغرى ميرووووووووووووووووووووه بسير ابوظبي صالون عروس الخليج تبين شيء
ميرة : مهرة فديتج الغالية ابيج تمرين على عبدالله راعي الورد وانت راده من الصالون مسويه عنده مسكتي ولانها كلها ورد قلت بيبها في نفس اليوم
مهرة: لاحول ولاقوة الا بالله يعني تبيني اضرب خط لين شارع السلام وايب مسكتج ليش مايبتيها من الصبح
ميرة: انا ملحقه على شو ولا شو ...
مهرة: امري لله ...بس بمر اخر شيء لان ويايه ربيعتي اليازية
ميرة: وحريم اخوانج وين بيسيرن؟
مهرة: حريم اخوانج مالت عليهن سايرات كل وحده عند الخبيرة لي متعوده عليها الحمد لله مابشوف كششهن في الصالون ..
تضحك ميرة والخبيرة من سخرية مهرة من زوجات اخوانها ...
تدخل والدة ميرة السلام عليكم اشحالج يابنتي (تقصد الخبيرة) الله الله في عروستنا نباها تطلع اكشخ عروس
ميرة: امايا شوفتي فستاني ...والطرح موصيه الشغالات يكون الطرحة احسها مب مكويه عدل والفستان من تحت
الام: لا تخافين الشغالات قامن بواجبهن والفستان يجنن...
الخبيرة: الله شو هالفستان بيجنن ...جاهز او تفصيل؟
ميرة: لا .... جاهز ومب مكلف تصدقين ؟
الخبيرة: يالله شو هالتصميم عم بيأخذ العقل ؟
ميرة: ايه تراني يابتنه من جدة ...وعلى 8000 ريال تصدقين
الخبيرة: يابلاش والله السعوديين اهل ذوق
ميرة: ايه مب عندنا هني ايجار الفستان على 7000 درهم وكله استغلال تعرفين ربيعتي فصلت فستان عرسها على 30,000 ردهم
الخبيرة: والله حرام هدا نصب
ميرة: لا بس الوحده تكون غبية لو ترمي فلوسها بهالطريقة الحين هالفستان ماشيء اروع عنه وبسعر مناسب لو كل بنات الامارات مسويات طاف (مطرقعين) لمحلات بيع فستانين الاعراس وماقطاعتهم جان رخصوا اسعار الفساتين
الخبيرة: بدك الحق اللوم عليكم انتم المواطنين ترموا فلوسكم وماعم تهتموا
ميرة: ليش الكل ماأخذ عنا هالفكرة السيئة مب كل الاماراتيين جذي !
الخبيرة: بس الاغلبية
ميرة: يمكن ...
الف الصلاة والسلام عليك ياحبيب الله محمد كلوووووووووووووووش
تضحك ميرة وتقول هذي خالتي الملقوفه عزة اخت امي الصغيرة واخر العنقود ببيت يدي تصدقين خالتي واصغر عني خخخخخ
عزة: يالله ياميروووووووه واخيرا صرتي عروس كلووووووش منج المال اقصد العيال ومن ابو العيال العيال خخخخخ
الخبيرة: ميرة فيك ماتتحركي عشان نخلص
ميرة: مااقدر من تدخل عزوووه انسي ماتحرك الحين شلوها من جدامي لاني بضحك وماراح امتسك لكم ..
عزة : لو تموتين ياميروووووه ماطلع قبل ماغصص فيج ...
ميره: امايا خذي اختج غلطة العمر ليدي الله يرحمه ختمها بمينونه الف رحمه عليك يايدي
عزة: موتي في غيظج ابويه الله يرحمه كان يقول احلى غلطة في عمري عزتي
ميرةك تقصدين : عنزتي خخخخخخ
عزة: يادمج الثقيل ...ودي مااتركج بس لازم اسير الصالون بس تعرفين مب حاجزه وشكل اي صالون بسير له بيرغوني (يطردوني)
ميرة: انزين تعدلي هني ...
عزة: عادي
الخبيرة: لا انا اتفقت على تزين العروس وامها بس ...
عزة: عادي عادي بسير صالون فراولة
ميرة: خخخخخخخ فراولة مرة وحده سيري يابوج ان مارغتج من عند الباب
عزة: ليش تروغني ؟؟؟!
ميرة: ويا ويهج ...فراولة الحريم عندها متكودات وماشيء لازم حجز
عزة : حجزوها في زنزانه قولي امين ..
ميرة: اقول سيري صالون من قوم حلاقه احسن لج ماحد بيستقبلج غير صالون حلاقه رجالي
عزة: طيب بتشوفين انا ماطلعت اكشخ واجمل واحلى وحده في العرس وراح اهز لج على وحده ونص
ميرة : بالتوفيق بس بقولج سيري ويامهاري تراها سايره عروس الخليج وبدون حجز
عزة: ايه والله بسير
ميرة: بس لاتسوين عمرج تعرفين مهروووه ترى ماتحب حد يعرفها في الصالون :angry2:
عزة: ليش ربيعاتها سايرات وياها؟
ميرة: هيه
عزة: هالبنت غريبة ...يعني من تشوف ربيعاتها تتبرأ منا اونه نفشلها :22: بس لج علي اكتب على لافته خالة مهرة واعلقها على ثيابي بس غياظ فيها
ميرة: شكل حرب بتسوي في الصالون خخخخ خالوه مايخصج فيها
عزة : يالله خليني الحق يااحلى عروس
الخبيرة: اف عم تتحركي كثير ...بليييز ازا فيك ماتتحركي المكياج راح يخرب
ميرة: لا كله والمكياج يخرب ...ابو الشباب راح ينصدم لو طلعت اخرع
الخبيرة : بخلق ضيق ...طيب ماتتحركي
الساعة الثامنة االجميع في صالة العرس المطربة تشدو باغنية كما الريشة ياطير ياضاوي لعشك الاغنية المفضلة في كل عرس تحضره ميرة والتي طلبتها ميرة من المطربة ... الكل يهز المعازيم كلهم في احلى اناقتهم الطاولات وقد تزينت باحلى اكسسورات اختارتها ميرة بنفسها وطقم مع مسكتها تسمع ميرة الاغنية وتبدأ في غرفتها بالهز
ميرة: لي راح يشوفني راح يقول العروس ينت تخبلت الحرمه خخخخخخخخخخخخخخخخ بس هالمطربة تبي تقهرني تغني اغنيتي المفضلة قبل لا ادخل الصالة ياكرهي لها ماعليه بخليها تغنيها مرة ثانية
الام تدخل تدمع عيناها تحضن ميرة وتبكي
ميرة: امايا مكياجي ومكياجج راح يخترب مخسرين عليه وايد صبري لين ينتهي العرس وبعدين خلينا نصيح (تضحكان)
مهرة : هالوه شو رأيكن بتسريحتي
ميرة: وااااااااااااااااااااااااااااو خبال روعة سبايكي
مهرة: شفتي خالو عزة خخخخخخخخخخخخخخخ خربت شعرها وتضاربت ويا الصالون لي سارت له
ميرة: ليش مايات صالون عروس الخليج ..
مهرة: لا صارت صالون توه فاتح وخربت شعرها صالون اول مرة اسمع عنه صبغت شعرها صبغه لونها غريب جنها ينيه
وطاير الشعر حرقت شعرها بفير
ميرة: وحليلها خالوووووه عزة
عزة : ادخل ..
ميرة : دخلي يأم كشه محروقه خخخخخخخخخخخخخخخ
عزة: شفتي ياليت على الحرق وبس المصيبة شعري جن حد مخرعنه واقف مايتحرك
ميرة ومهره ووالدتهما : خخخخخخخخخخخخخخخخخ
ميرة: والله خالوه عزه انج تحفه صاغها الرحمن من احلى التحف
مهرة: اقول عن تقولين للبنات لي على اول طاولة يالسات انج خالتي برستيجي بيخترب
عزة: اها البنات لي يالست على الطاولة الكبيرة فالج طيب وزعت عليهن من ساعة بطاقتي وقلت لهن خالة العروس لي اختها مهرووووة خخخخخخخخخخ
ميرة: والله انكن سوالف فشلتونا بسكن اركدن اعقلن عن يقولون خبايل اهل العروس
ام المعرس تدخل الكل يزغرط كلوووووووووش وابتسامه مع خجل على وجه ميره ...تبتسم ابتسامه جميلة
ام المعرس : ماشاء الله وتقرأ سورة الكرسي وتقبل العروس ...الله يحفظج يامرت ولدي والله يسعدكم ويبعد عنكم عيون الحساد ...
ام ميرة: امين اشحالكم ياام سالم عساكم بخير ...ومبروك لحمدان وعقبال اخوانه الباقيين
ام سالم: الله يبارك فيج ياام الغالية ....وعقبال اخوان وخوات ميره الله يسعدهم
عزة: وخالاتها ماينفع بعد تدعون لهم
ام سالم وام ميرة ومهره وميرة يضحكن ...
ميرة: ان شاء الله بعد عرسي بشهر تعرسين ياخالوه
عزة: لا انا مستعيله ابا باجر
الجميع يضحكن .....ملقوفه على العرس
في صالة الفرح ربشة البنات يرقصن وتبدأ مشكلة احدى السيدات تحتلق مشكلة تبدأ زوجة اخو العروس بحل المشكلة تسأل ام العروس شو المشكلة ...المرأة لا احد يعرفها فهي ترتدي برقع إماراتي ووجهها غير مألوف لدى اهل العروس
بدخول ام سالم الصالة تبدأ المرأة بالهدوء وتنتهي المشكلة ... في هذه الاثناء تحاول المرأة عدم لفت الانتباه لها
ام سالم ترحب بالنساء وتتلقى مباركتهن لابنها ...
تتبع دخلت العريس والصدمة على الكوشة

سفر~جل @sfrgl_2
عضوة جديدة
يلزم عليك تسجيل الدخول أولًا لكتابة تعليق.


الان ميرة فعلا خطفت حمدان ولا بريئة من التهمة
ياربي موقف صعب مررة
استغربت الموضوع من ٢٠٠٩ ليه مافي مشاركات
ياربي موقف صعب مررة
استغربت الموضوع من ٢٠٠٩ ليه مافي مشاركات


الصفحة الأخيرة
يااااه ماابعدك ياكوشة العرس يداي ترتجفان لابد وان لايشعر احد بذلك ...
واخيرا قربت المسافة بيني وبين الكوشة لا لااااااااااااااااااااااااااااااااااااااااا ماهذه الكوشة الغريبة اهئ اهئ اهئ بنت عم الكوشة لي اخترتها ....ابدا مب شيء ..بس والله لاوريك ياراعي الكوش قاص عليه ....يالله ليلة وبتعدي ...اهم شيء احلامي ماتضيع انا سعيدة ماعليه علشان نكسر العين مافينا على الحسد كل شيء مرتب خلي الكوشة تطلع ولا شيء اهم شيء اللي يالسه في الكوشة انا كل شيء على اكمل وجه وتمام التمام...
يبدأ المعازيم بوصلة الرقص وتنتهي النساء بتغطية وجوههن الاكتفاء بترك مساحة لاعينهن لترصد العريس يدخل حمدان شاب طويل ابيض البشرة شعره ناعم ونوعا ما مطوله فيه من الشيوخ في جمالهم واناقة ملبسهم بالبشت شكل حمدان غير بالله اخاف علي ريلي لايحسدنه الحريم لا يمكن فديت قلبه وحده تحط عينها عليه ليش كشخت ياحمدان ...عادي عندي تكون كاشخ او لا لانك بعيني اجمل من رأت عيني ...كانت هذه اقوال ميرة بينها وبين نفسها ...
يصل حمدان ممسك بيد عبدالله ويوسف شقيقي ميرة ويقبل ميرة على جبينها وتتسابق هي تقبيل اخويها يلتقط لهما صورا مع شقيقها عبدالله الاكبر ممسك ببناته ويوسف لديه طفلان حميد ومحمد ينادي على زوجته التي اختلط عليه وجودها مع هذا الكم الهائل من النساء مغطيات الوجوه تناديه يوسف انا هنا ...يطلب منها ان تأتي له بطفلهما محمد ذو الثلاثة اشهر ليتصور مع عمته وزوجها اصغر طفل في العائلة ويضحك مع ميرة وهو يقول لها اها محمد الصغير راح يكون شاهد على عمرج باجر من يوصل عمره العشرين راح يقول لج عمتي العيوز يضحكان خخخخخخخ بينما يسأل حمدان عن سر الضحكات بين عروسه واخيها ترد عليه بعدين ...يوسف اسميه راعي حركات ....
يخرج شقيقي العروس وتتقدم سيدة الى الكوشة لتهنئة العروسين ولكن على طريقتها الخاصة ...تفتح وجهها وتقترب من العروسين تبتسم ميرة وسؤال يطاردها من هذه الجرئية التي كشفت عن وجهها امام زوجي شكلها ماتستحي ....يمكن وحده تعرفني ...لا مااعرفها ..ولا عمري شفتها .... تقترب من الكوشة ويتغير وجه حمدان ويشخص بصره ...يالا قوتها والله قويه عين .... ماتستحي صدج مطلقنج ويايه العرس وبعد تبين تهنين .... تقترب طليقة حمدان وتهني العروس وتعرفها على نفسها وبصوت عالي تصرخ هذي بواقة الرياييل ...حسبي الله عليج ..حسبي الله عليج ياحرامية سارقة ريال من بيته وعياله ماتستحين يالعانس مالقيتي غير بوعيالي ..
يمسك حمدان بيد طليقته اطلعي برع ....بيب لج الشرطة ....
مريم: ماطلع لو تيب لي الانتر بول ...انا انظلمت منك ومن هالميرة عذبتني وحرقت قلبي
المعازيم يندهشون من الموقف الحاصل تتدخل ام المعرس وزوجات اخوان العروس ....فادية زوجة شقيق العروس هذي نفسها الحرمة لي مسويه مشاكل من الصبح ...
مريم: ايه مسويه مشاكل ماخذين ريلي حبيبي ابو عيالي وتبوني ابارك لكم
ام حمدان: مريموووووه طلعي وردي بيتج عن المشاكل الله لا يوفقج باليتنا بلاويج ...ومعذبه ولدي حتى بعد ماطلقج
ميرة تبكي ويبدأ حمدان بتهدأتها ميره قلبي لا تبجين ....خلينا نطلع من هني ...
مريم: وين تطلعون جهنم الحمره تأكلكم لابارك الله فيك وفيها هالينية ...تفوووووو عليك ياغشاش
ميرة: خلاص ابا اتطلق ...فضيحة فضيحة ليش يصير ويايه جذي ..
حمدان : لا تقولين ياعمري جذي انا احبج والله احبج ....وهالشريره والله لادبها
يدق على الشرطة امه تسمكه حمدان تراها بنت عمك لا تفضحنا ياولدي جدام لي يسوى ولي مايسوى ...مريم قومي الله لايوفقج جدامي وتسحبها ويا حريم خوان العروس .....برع وتركبها السيارة ...في هذه الاثناء تشعر ميرة باكتئاب وحرقة من سخرية الجميع النساء بدأن بتأليف القصص ...سمعت مهرة نساء يقلن هذه ربيعة المعرس كان يعرفها وسولها طاف وتزوج ميرة ....بينما سمعت زوجة يوسف شقيق ميرة احدهن تقول هذي اخت طليقته يقولون طليقته في المستشفى من الصدمة واختها يايه تأخذ بحق اختها من لي سواه فيها حمدان ....قصة ثالثة طارت لمسامع ام العروس العروس على علاقة حب وخطفت الريال من بيته وعياله وهاي اخت المعرس يايه تدافع عن حرمه اخوها ....ذهبن النسوة لبيتوتهن وبقية الحسرة تطارد منزل اهل ميرة وسطرت بداية اثمة لعلاقة حلال ...
لم تكف النسوة عند هذا الحد بل وصل بهن لسرد تلك القصه الغريبة في مجالسهن وفانتشرت قصه ميرة وحمدان وطليقته لتصل لمنطقة الخليج بأكملها ولكن في كل دولة تنسب الفتاة والشاب للبلد الاخر ....ربما لان هناك مئات الفتيات امثال ميرة وهناك الاف الشباب امثال حمدان ....ومجتمعاتنا تحتاج لتسلية معظم وقتها ....
في غرفتهما في الجناح الملكي الذي قام بحجزه حمدان له ولعروسه ميره في افخم في قنادق ابوظبي