.~The Unheardev~. @the_unheardev

عضوة

(@ ليتني غريبه @)

اثرت فيني هالخاطره مرررره.. وحبيت تشاركوني احساسي

:(

يا ترى شوه يعني غربة ؟؟

دوم اسمع ..

ناس تشكي جور غربة ..

يمكن هي تعني الرحيل ..!!

او حتى يمكن صمت ليل ..

يطوي في وسطه حنين ..

يحمله عبر السنين ..

او يمكن انه شوق غرفه ..!!

خاليه من كل طيف ..

تنشد عن منهو و كيف ..

تكسيها وحشه ..

مع الأيام صارت خاليه ..

صارت قاسية ..

لا امان ..

و لا حنان ..

تحتوي كل هم و كربة ..

كل ما اسمع بها ..

احتار عن تفسيرها !!

قلت اسال من اقابل ..

يا ترى شو يعني غربة ؟؟

. . . . . . . . . . . . . . . . . .

وسط دربي ..

مرة صدفة ..

لاقيت لي هبة نسيم ..

يحتظنها شوق غيم ..

بكل خفه ..

قلت يا هبة نسيم ..

بنشدج عن شي يحير ..

تعرفين شوه يعني غربة ؟؟

و بكل رقة تضحك النسمة عليه ..

ليش تنشد يا صغير ..

و اقول انا بكل حره ..

ودي اعرف .. ودي اعرف ..

خبريني يا نسيم ..

بس ضحكة النسمه غابت ..

و شفت منها دمعه سالت ..

ليش تنشد يا صغير ..

الغربة مرة ..

تقتل احلام الطفولة ..

و كل صورة ..

رسمها قلبك طول عمره ..

هل سمعت صوت الونين ؟؟

يوم يطلع من عوق لبوة .. !!

صابها جرح عميق ..

هل شفت مرة ياس الغريق ..

لا معين .. و لا مغيث ..

او حتى فزعه ..

هذي غربة ..

قلب قاسي ما يلين ..

. . . . . . . . . . . . . . . .

خفت انا من طاري غربة ..

بس حيرة !!

هل هذي غربة ؟؟

و الا غربة يعني غير ؟؟

يمكن هي احزان طير ..

فاقدن عشه !!

بعد ما تعب يبني..

و في الاخير ..

انهد نصفه ..

بس بنشد ..

يمكن اللي غير نسمه ..

يعرف المعنى الاكيد ..

. . . . . . . . . . . . . . . . . .

رحت لامي ..

و انا متوصخ بتربة ..

بعد لعبه ..

و امي مشغولة بثوبي ..

تلومني .. و تهزني ..

و تملا كوبي ..

اشرب انا بكل هدوء ..

و انا متاثر بفكره ..

امي تعرف ..

لا بد تعرف ..

شوه يعني غربة ؟؟

يمه شوه يعني غربة ؟؟

و امي في عيشتها تغرف ..

ليش تنشد يا صغير ؟؟

الغربة عوده ..

لا صرت فاهم او كبير ..

بحكي لك شوه يعني غربة ..

يمه .. لا ..

لا تحرميني ..

ودي اعرف .. ودي اعرف ..

يمه دخيلج خبريني ..

يا صغير الغربة شينه ..

الغربة انك وحيد ..

مالك احد ..

انك ضعيف ..

مالك سند ..

الغربة لها معنى مخيف ..

ان وجودك في الوطن ..

ما يعني سوى عابر سبيل ..

و مهما يمر عليك زمن ..

دومك غريب ..

دمعك يسيل ..

قلبك عليل ..

ما يطيب ..

الغربة شوق ..

و في القلب عوق ..

تعني هم و تعني خوف ..

تعني حزن ..

و تعني فرقى..

آآه من هم الغريب ..

خالي موحش هالطريق ..

لا مخاوي و لا صديق ..

و لا مداوي و لا طبيب ..

قلت يا يمه غريبه !!!

هذي غربة ؟؟

يعني يا يمه اكيد ..

الغربه هي ناس نسوك ..

و يعني هي فقدك لابوك ..

و يعني اوجاع تتالت ..

و اوقات الانتظار ..

امتدت ..

و طالت ..

دقايق .. او ساعات ..

او سنين ..

يمه لا تغسلين الثوب ..

يمه ترى في الثوب تربة ..

تربة الشي الوحيد ..

لي عالي في قلبي مكانه ..

و عالي في الرووح قدره ..

يمه ترى احس غربة ..

لا احد .. و لا سند ..

من بيعطيني حنانه ..

بس يمه ما ابالي..

ماني عاري ..

لابس المجد ببطرة ..

انا ولد الدار يمه ..

و هذي تربة ..

بس تربة ..

من اراضي..

ما يبيعها حي بعمره ..

الكل شاري ..

يمه هذي الارض داري ..

بس ليش يمه ..

ليش احس بشي غريب !!

ليش يمه ..

و كل من حولي قريب ..

و وسط داري ..

احس غربة ؟؟..

. . . . . . .. . . . . . . .. .. .

يمه ترى حنا غربة ..

حنا نسونا وسط غرفة ..

***************************

للكاتبه : ليتني غريبه

ولكل من يقرا هالخاطره..بأسألك .. يا ترى شوه يعني غربة ؟؟

يلزم عليك تسجيل الدخول أولًا لكتابة تعليق.

تسجيل دخول

BOCA • 15 سنة

كلمات في الصميم

halimaa • 15 سنة

ياسلام كنت ادور ايش معناااااااااااااها لقيتها عندك

تعبت من الغربه • 15 سنة

halimaa :

ياسلام كنت ادور ايش معناااااااااااااها لقيتها عندك

ياسلام كنت ادور ايش معناااااااااااااها لقيتها عندك

ماشاءالله رووووعه
بس حزيييييينه

.~The Unheardev~. • 15 سنة

BOCA
Halimaa
تعبت من الغربه
شكرا لمشاطرتكم احساسي في هالغربه
سعدت جدا لقراءة تعليقاتكم..

ولكن " يا ترى شوه يعني غربة ؟؟" !!

بالنسبة لي.. فهي

********************
هل سمعت صوت الونين ؟؟

يوم يطلع من عوق لبوة .. !!

صابها جرح عميق ..

هل شفت مرة ياس الغريق ..

لا معين .. و لا مغيث ..

او حتى فزعه ..

هذي غربة ..

قلب قاسي ما يلين ..

*******************

تشيبه غريب يليق بمعنى "غربه"

انتظر آرائكم..

:26:

مجبوره أرحل • 15 سنة

خاطره رائعه وكلماتها باصميم

<<سؤال

ليتني غريبه هل هي لكاتبه الاماراتيه؟؟؟

ان كانت هي فليس بغريب ان تكون الرائعه لها لانها كاتبه اكثرررر من مبدعه