ليتني ماتزوجت ولا عرفت الزواج 💔😭

صباح الخير
اعطوني حلولكم الله يسعدكم ع ان خلاص سويت كل شي☹️ مابي تقرون وتطلعون ساعدوني لو بدعوه تفرج فيها خاطري
اولا زوجي مادري وش سالفته يتهرب مني بشكل مزعج يتصدد مافيه اي موده بينا او اولفه قد كتبت عنه قبل فتره ومع ذلك امسك الخيط ع اخر شي لكن للاسف مايستاهل نهائيا بالله ترضون ازواجكم يسبون اشكالكم ؟ يعني يجي عندي مستحيل يمدح فيني ماهمني بس تسب ؟ جسمك فيه وفيه وانا والله بيضا مافيني من اللي قال غير ان شوي وزني زاد بس اجمل منه ماهو عيب يسب فيني او بشكلي يتريق فيه ان وجهك كذا وان لو ماخذتك محد فكر فيك وانا اكلك واشربك يمن علي حتى المطاعم وعهد لله ماعمري اكلت لقمه الا وانا كثرالله خيرك وجمل حالك لو سوا شي بسيط اتشكره عكسه تماما ولا ع باله له فتره يعكس نومه ! عشان مانتصادف او نجلس معه قاومت هالشي وبالاخير خرج من البيت صار مايقعد ابد وربي حتى فايناته ينطلها اقوله شيله ترا ماني شغاله وراك انا الحقك ولا الحق بورعانك
جاب لي مكنسه عصا قصيره ظهري بموت منه لي فتره اقول جيب طويله تعبت ادنق 😞 لكن معجبه وده اني اموت ولا ارتاح امرض اتعب ولا ع باله اخر اهتماماته فكرت والله وقدني ع ووشك يصير هالشي كاسر خاطري عيالي ماودي بكذا بس جبرني الله يصلح حاله بسوووء تعامله ومايقدر يتكلم معي بهدوء لازم صياح وتصفيق علي ورفعت ضغط ولا حتى يقعد معنا ع جواله وربي سنعه واسوي حياه بالبيت بس مانفع يتهرب مابي يجلس معي بس مع عياله طلعهم مشهم اخذهم وفرهم بسياره لا نامو رجعني الا والحبايب صحيوا طيب وش استفدت ؟ غير امس قال رايح لدوام طيب لنا فتره ماتفكر فينا ولا حتى طلعتنا قلت طيب اقعد مع عيالك وانا بنام ساعه لان خليته ينام من ظهر لين المغرب وصحى وانا كنت مواصله قلت بنام ساعه وبعدها نطلع قال يلا لعياله نطلع عشان بنام !! هنا فزيت قلت وانا معكم وليت مارحت نكد علي حسيت بضيقه تشق صدري وبكيت ولا درا عني وحتى لو ركبت معه ولفيت راسي يمين او يسار لعن خيري انك تطالعين بشباب يفكرني مثله اركض ورا البنات واخمبق
المهم ناشف مرا لا اسلوب لا اخلاق ولا حتى يخدمك في بيته اثاثه من اردى نوع مستحيل يجيب شي زين لبيته يقول مو بيتي شقه اجار حتى المواعين مافيه لين البيت الملك
مافيه شي يخليني اتمسك فيه لان حتى لو طلعني ومشاني ذلني اني سويت وفعلت طيب ماجحدتك ؟ ماقلت انك كذا دايم امدح وهو العكس ولا عمره مدح فيني شي وربي قهرني باذن لله راح اخلعه وافتك منه لان بس قاعد لي عشان عيالي الاثنين
غير كذا كل شوي انزلك لااهلك ؟
وانا ارفض مابي يجي يطلع ويخليني
والله اني كنت اتمنى اتزوج عشان اسعد اللي ياخذني انا اسعدته وهو متكبر مغرور لان افضل مني بالعلم تمنيت مااخذته لسانه اطول منه ماشفت والله اني طيبه لكن طيبتي وش نفعت بي غير الهم والمشاكل
ابي الحكيمات يردون علي والله يسعدكم ويسخرلكم ازواجكم ويحنن قلوب كل من ترد علي ويفرح قلبها بلي تتمناه ي رب 💙