الله يعينك

طيب شوفي احد يثق فيه اخته او امه مثلا خل تختار معاه اذا بيوافق وباتفاق بينك وبينهم

ربي يفرج عليك ويزيل همك ,, اصبري يا عزيزتي على اختياره ولو يجيبة من الحراج
افضل من بعد الصبر تتهنأ وحدة ثانية في بيتك - لاسمح الله - وتشتت عيلتك
الامر مايستدعي العصبية والزعل اهدي وربك يفرجها
اكسبي وده بالكلمة الحلوة ومهما فرشتي من الغالي والذوق بيجيك من يتفلسف عليك
زوجك ابقى لك من فرش واثاث
ومبروك البيت الجديد ,, عقبال بنات حواء جميعاً

عيوني هدي بالك والله انه ماتسوى تعصبين وتهلكين اعصابك علشان اثاث
انا ادري انك ودك تتفنني ببيتك وتاخذي على ذوقك بس صدقيني لو سمعتي كلامي راح يتغير زوجك معك ويوفر طلباتك
حاولي تقفلي على الموضوع فتره لين النفوس تهدى
وبعدين غيري اسلوبك معه اذا هو شد انتي ارخي ولاتنفعلين معه وتشدين
اي شي يعجبك قولي له وش رايك فيه وحاولي تطلعين ميزاته الحلوهلاتقولي ابي هذا الشي لن يفهم ان هذا امر
اذا صر على شي مو حلو وقال الا لازم ناخذه قولي حبيبي انا عارفه انه عاجبك بس والله ماودي انك تخسر فلوسك وهو فيه وطلعي سلبيات الي اختاره
ومثل ماقالو البنات قسمي التاثيث بينكم كل واحد يختار لمجلسه على ذوقه
ولاتنسي الاستغفار والدعاء بتسخيره لك

انتي نفس حاالتي بالضبط

تدرين ساكنه بيتي من 7 سنوات وللحين نص البيت فااااضي

ماله الا رايه بس غرفه ولدي اهي الي سويتها على ذوقي والا الباقي اختياره بلمسات قليله مني

انا احااول اسااايره قد ماقدر الشكوى لله

انتي لاتستعجلين على الاثاث اصبري احسن على اثاثك القديم وقولي له خلينا نوفر شوي

واعزمي الناس مو مشكله

صدقيني يمكن فتره ويلين وياخذ رايك بالاثاث

اما المطبخ حاولي توصلين معاه لحل وسط في اللون وريه صوور لالوان متعدده يمكن يغير رايه

اهم شي انتي لاتعندين معاه

توكلي على الله يابنت الحلال واكثري الاستغفار والدعاء بتسخير زوجك لك ... ولا تعاندينه ترى اذا عاندتيه يزيد اكثر واكثر .. تفاهمي معاه قولي هذا بيت العمر ونبي نخليه احلى بيت ان شاء الله واذا اختار شي قوولي الله يجنن بس برايك يناسب المجلس؟ ياخساره ياليته يناسب مجلسنا طيب خلنا ندور نفس الموديل بس لون ثاني وسحبي فيه لين ترووحين لشكل اخر قولي طيب هذا وش رايك وكذا يعني بهالطريقه مايحس انك مشيتي كلامك وعطيتيه فرصه مسااحه في طرح رأيه من غير اصرار واهو مايحس يعني سايسيه .. بالعناد والله ماتطولين شي ولا تقولين له ذوقك مو حلو ترى مو حلوه هالكلمه اهو بعد بيته وفرحان فيه مثلك بالضبط بس تختلف الاذواق وبالمراوغه تقدرين تزبطينه كلللللللللللللله على كيفك بالكلام الحلو والمعسسول .. اسمحيلي طولت عليك بس ودي انصحك والله يوفقك يارب