:( :( :( :( :( :(
بنات انا وايد تعبانه نفسيا من زوجي واسلووبه الي كرهني فيييه ما اعرف كيف اتصرف معااااه كرهني في كل شي دايما ينتقدني في كل شي وبطريقة استفزازية
فقررت اغير شوي من روتين حياتنا بعيد عن المشاكل وبعيد عن كل شي فكرت شوي قلت ليش ما اسوي مثل بنات حوااء وفرصه بما انه زوجي مش موجود مداوم عشر ايام غايب عني ليش ما اسويله شي افرحه اول ما يرجع لي هو دوامه عشر ايام موجود وعشر ايام غايب المهم .... قررت هالعشر ايام افكر في شي مميز
اول شي ممنوع اطلع من البيت الا اذا كان هو الي مطلعني فوصيت اختي تشتري عطر كان في خاطره ووصيتها تطبعلي رساله كنت ماخذتنها من المنتدى على اساس احطها مع الهدية وتغلفها بطريقه حلوه ووصيتها تاخذلي شموع وورد مجفف يعني اي شي ناقصني على اساس انه ما يرضى اروح مع احد وما قصرت اختي كل الي قلته سوته وانا فرحانه وكنت ناويه اروح بيتي على اساس اني في "بيت اهلي من يروح الدوام ومن يرجع ياخذني" فقلت له اني بروح برتب غرفتنا وبدخنها علشان تحس انك متزوج بس ما رضى اني اروح قبل مع اني كنت ناويه اجهزله سهره حلوه بس ما رضى المهم الموقف الاول حطمني شوي بس عديت الموضوع وقلت ماعليه يوم بيرجع اقدر اسويله جو رومنسي المهم
طبعا عشر ايام غايب عني لازم اروح الصالون اهتم بعمري شوي اتحنى فطرشتله مسج قلتله لو سمحت بطلب منك شي واتمنى ما تقولي لا قالي اذا بتروحين بيت اهلي "الاني ساكنه عند اهله" فقلت لج لا فقلت له لا بروح الصالون اتحنى واختي بتوديني مع سواقها فرد علي بتروحين مكان غير الصالون؟؟؟ >>>يعني شكله موافق مبدئيا انا هذا الوقت خلص رصيدي وما قدرت اقوله اذا بروح مكان غير او لا وبعدها بساعه وصلت اختي من برع ورديت عليه بمسج من تيلفونها قلت له اني ما بروح مكان غير الصالون وما رد علي انا فهمت انه موافق وطلعت رحت تحنيت وترتبت لزوجي
اول ما وصل مر خذني من بيت اهلي ونحن فالطريق لبيت اهله وانا متحمسه ومشتاقه لزوجي اول شي شافه ايدي قالي ومنو سمحلج تروحين تتحنين قلت له انا شاورتك قالي بس ما رديت عليج انتي طنشتيني ساعه قلتله ترا قتلك عذري قالي لين متى بتمين جي ما تسمعين الكلام :eek: انا اهني تحطمت نفسيا يعني غرضي اتعدل له وهو يحطمني المهم عديت الموضوع وسكت قلت هاي بدايتها المهم وصلنا ونزلنا اغراضنا ودخلنا الغرفه وانا اريد احط له صندوق الهديه في مكان علشان يتفاجا فيه حطيته فالكبت وتجاهلت اطلع له ملابسه الانه دخل يسبح علشان يفتح الكبت ويشوف الهديه المهم فتح الكبت وتفاجأ قال يا سلام فيه هديه هنيي وانا فرحت بس يا فرحه ما تمت شاف الرساله قالي منو كاتبلج الرساله اكيد دخلتي حد في خصوصياتنا اكيد قلتي لاختج انه انا وانتي متزاعلين وقلتيلها تكتبلج رساله اكيد واكيد قبل ما يفتحها واول ما شاف انها مطبوعه غير الموضوع قالي منو طابعنها اعتقد في بيتكم ما في طابعه اكيد مدخله حد في خصوصياتنا وبعدين منو اشترالج الهديه ليكون طلعتي بدون شوري انا اهني زعلت وشوي وبصيح قلت له انته ما تستاهل حد يسويلك شي والا يفرحك بشي احاول ارضيك باي طريقه وانته تحاول تزعلني باي طريقه وزعلت منه بس انا غبيه اول ما يراضيني ارضى بسرعه
والحين رايحه العشر ايام دوام وافكر اني ما اسويله شي ولا اهتم بعمري يكفيني الي ياني المره الي طافت شو رااايكم :(
ثـعـلـبـه @thaalbh
محررة
يلزم عليك تسجيل الدخول أولًا لكتابة تعليق.
بصراحه دخلت قريت وحبيت ادعى لك الله يسخر لك زوجك ويحنن قلبه عليك يارب ياكريم
اختى بعض الرجال مايحب ان زوجته تطلع وهو غايب يمكن هو تضايق لما شافك طالعه وهو مسافر ومشغول باالعمل ويمكن انتى ماعودتيه من بداية حياتكم انك تسوين شي وهو بعيد عنك .
الله يفرج لك ويحنن قلبه عليك اكثرى من الاستغفار بنية ان ربى يحنن قلب زوجك عليك .
اختى بعض الرجال مايحب ان زوجته تطلع وهو غايب يمكن هو تضايق لما شافك طالعه وهو مسافر ومشغول باالعمل ويمكن انتى ماعودتيه من بداية حياتكم انك تسوين شي وهو بعيد عنك .
الله يفرج لك ويحنن قلبه عليك اكثرى من الاستغفار بنية ان ربى يحنن قلب زوجك عليك .
هدي بالك متسوى
بعدين تراء هذي الصفه زينه بزوجك مايبيك تروحين وجين الا معه احمدي ربك
وانت افهميه ولاعمرك تطلعين الا معه حتى لو تسوين شي له خليك معه مافيها شي علشان يرضى عليك وتكمل الوناسه
بعدين تراء هذي الصفه زينه بزوجك مايبيك تروحين وجين الا معه احمدي ربك
وانت افهميه ولاعمرك تطلعين الا معه حتى لو تسوين شي له خليك معه مافيها شي علشان يرضى عليك وتكمل الوناسه
صبح وليل
ان شالله يصير كل الكلام الي قلتيه والله يصبرني واتحمل الانه فعلا اتحطم نفسيا واضايق مب بس في هالامور لازم يوميا يدور اي شي علشان يضايقني مع اني احاول اسوي كل الي يرضيه بس بعد في عينه مقصره
<الروح الطيبه>
تسلمين يالطيبه واللهم آميييين والله ييسرلج امورج ويوفقج يارب
((روح الغلا))
آمييين حبيبتي تسلمين
نــور الـلـيـل
وانا ما قلت انها مب زينه بالعكس احب يكون مسؤول عني في كل شي ومب معترضه بس في استثناءات والانسان يغضي ويطوف بعض الامور بما انه مش موجود وانا حابه اظهر بمظهر زين جدام زوجي ما اريده يشوفني وانا مش مرتبه المفروض ياخذها من هالجانب اني احب اتعدل له بس شو اقول الله يهديه ويسخر له لي
أم نرمين
والله يا ام نرمين حاولت وحاولت بس للاسف زوجي مافي شي يعجبه كل شي ينتقده طبعه جييه مافي شي كامل عنده كل شي ناقص بس بعد بسمع نصيتج وان شالله احاول
ان شالله يصير كل الكلام الي قلتيه والله يصبرني واتحمل الانه فعلا اتحطم نفسيا واضايق مب بس في هالامور لازم يوميا يدور اي شي علشان يضايقني مع اني احاول اسوي كل الي يرضيه بس بعد في عينه مقصره
<الروح الطيبه>
تسلمين يالطيبه واللهم آميييين والله ييسرلج امورج ويوفقج يارب
((روح الغلا))
آمييين حبيبتي تسلمين
نــور الـلـيـل
وانا ما قلت انها مب زينه بالعكس احب يكون مسؤول عني في كل شي ومب معترضه بس في استثناءات والانسان يغضي ويطوف بعض الامور بما انه مش موجود وانا حابه اظهر بمظهر زين جدام زوجي ما اريده يشوفني وانا مش مرتبه المفروض ياخذها من هالجانب اني احب اتعدل له بس شو اقول الله يهديه ويسخر له لي
أم نرمين
والله يا ام نرمين حاولت وحاولت بس للاسف زوجي مافي شي يعجبه كل شي ينتقده طبعه جييه مافي شي كامل عنده كل شي ناقص بس بعد بسمع نصيتج وان شالله احاول
الصفحة الأخيرة
الحين ولله الحمد أنا أسوق والوقت اللي ريلي ما يكون فيه موجود أخذ العيال وأوديهم مراكز الألعاب وأمشيهم لحالي مو مثل زمان كان ما يرضى أروح بيت الجيران...
الغالية وفوق هذا فهمي ريلج أن أنت الحين زوجته ومالج أحد إلا أهو، أذا قالج أكيد سرتي من وراي، قوليله وأنا أقدر أسوي شي ن وراك أنت حلالي حلالك ومن هالكلام اللي ايي ويروح، وبعض الرياييل يغثون حريمهم علشان ما يحطون أفكار الطلعات في روسهم، بس أنيت فهميه...ترا بعض الرياييل يطلعون من خلفية متعصبة لكن الحرمة الذكية اتعرف تخلق جوها الخاص وحياتها الخاصة عن الحياة الخاصة اللي اتعود عليها...
وترا الزواج يباله صبر، وكذاب من قالج أنا من عرست لي الحين وأنا مرتاح...