متابعتك كملي لا هنتي و يعطيك العافيه:)

الساعه اربع العصر وابو خالد جالس يسوي الشاهي على جزت الفحم في طرف حوشهم الصغير

وخالد جالس يم ابوه ويلعب بالفحم بقشه صغيره

والبنات داخل غرفتهم نايمات



يدق الباب

ابو خالد -- قووم يا ولد افتح الباب غريبه من بيجينا بدري كذا

خالد -- سم يبه يمكن يكون عبادي صاحبي


موضي -- هلا خالد كيف حالك وحشتني يا وليدي

خالد يقول في نفسه اعوذ بالله من الشيطان الرجيم

ابو خالد -- هلا بموضي حياك دشي

موضي -- كيف حالك يا ابو خالد وينك اختفيت وما شفناك لك كم يوم

ابو خالد -- لا بس مشغول بهالدنيا

موضي تكح -- اوووف وش هالريحه يا ابو خالد وش هالغبار

والسخ شكلكم ما نظفتوا البيت عقب ما هجرتوه


ابو خالد -- الا وانا اخوك نظفنا بس على قدنا ما نعرف مثلكن يا لحريم


موضي -- خلاص يا ابو خالد انت خذ خالد وروح السوق قضي للبيت وللبزوره وانا بنظف البيت وبخليه لك

جديد


شربوا الشاهي وخرج ابو خالد وخالد للسوق












بعد المغرب وصل ابو خالد وخالد للبيت

وريحة البخور

والبيت نظيييف ويلمع ومرتب


والبنات يلعبون بالغرفه وهاديات


موضي -- هاه يا ابو خالد وش رايك

ابو خالد --- الله يجزاك خير ايييه كذا احسه بيتي اللي اخبره ايام قبل


ينظر خالد في عيون نوره وانتبه انها منفوخه عرف انها كانت تبكي


نوره ترسل لخالد بنظرات عيونها كلاااااااااااام


قرب خالد منها وهي تنزل راسها

نوره -- امي خلاص ما فيه امي






قاوم خالد الغضب

وعرف ايش تقصد نوره

عرف ان فعلا امهم خلاااااااااااااص خرجت من هالبيت للابد


مشي بخطوات ثقيله على امل ان يكون ظنه غلط

واتجه لحجرة امه فتح الباب



































































كانت خااااااااااااااااااااااااااليه


حس بطعنه قوييه في صدره

حس انه تيتم من جديييييييد

حس انه بلا ظهر بلا سند بلا امااااااااااااان




جاء صوت العمه موضي من وراه



موضي -- اييييه يا قلبي انت امك بح خلاص طااارت


كل اغراضها وخردتها رميتها بعيييييييييد


مسكينه نوره راحت تتمسك بالاغراض وتصيح وتضرب وكان ودي ارميها معاهم بس ايش اقول

بنت اخوي ولازم نتحملها هالمتوحشه الجنيييه





















سكت خالد كالعاده وخرج من الحجرة اللي اصبحت حجرة عاديه

مثلها مثل كل البيت

وقال خالد في نفسه --- ااااااه يا يمممه حتى حجرتك تيتمت من بعدك

ام فهد -- هلا بام يوسف وبموضي يا حياكم الله

موضي -- الله يحييك يا ام فهد

ام يوسف -- هاه يا ام فهد حنا مثل ما قلنالك مستعجلين ولا نبي نطولها وهي قصيره

ام فهد -- اييه يا ام يوسف بس انتي تعرفين هذا زواج مو لعبه وبنتي العنود متردده

موضي -- والله يا ام فهد اخوي رجال ما ينعاب والعنود يا بعدي ما هي صغيره بتطق الثلاثين وبعدها متردده

ما اظن بيجيها عريس عقب اخوي

ام يوسف تدق موضي من كتفها --- يا ام فهد انتي وينك اقنعيها ترا ابو خالد طيب ورجال والنعم فيه


ام فهد بعد ما كشت من موضي --- ان شاء الله خير عطونا كم يوم بعد


موضي -- لا يا ام فهد اليوم نبي الرد احنا قلنالكم مستعجلللللييييين وشهوله المماطله

حشى لو خطبنا بنت الشيخ ما كان تدلعت علينا كذا


ام يوسف --- خلاص يا موضي اسكتي انا بروح اشوف العنود واكلمها بنفسي

موضي -- ايييه روحي كلمي الاميره العنود عساها ترضى علينا وعلى اهالينا وتوافق


ام فهد تقول في نفسها -- اعوذ بالله وش هالحرمه القوييييه يا طول لسانها







بعد اخذ ورد توافق العنود على ابو خالد ويتم الزواج بسررررررعه بعد ما فزعوا الاعمام والجد

وجهزوا المهر وباقي العفش وذبايح الجواز اللي تم في بيت الجد













خالد واخواته ما اهتموا ان ابوهم بيتزوج

اهم شي عندهم انهم يظلون في بيتهم ما يخرجون منه

لهم غرفتهم ومطبخهم وحوشهم الصغير





تم الزواج وجات العروس لبيتها

وكانت الحياة عاديه

يخرج ابو خالد لشغله الصبح بدري

ويروح خالد للمدرسه

وتظل البنات نايمات لقريب الضحى


تصحى نوره وتصحي اختها وتحرص عليها

خالد وصاها من الليل

خالد -- نوره اسمعيني انتي الحين كبيره انتبهي لا تخرجين الشارع

نوره -- طيب

خالد-- نوره انتبهي لساره لا تجوع وكليها اللي تبيي

نوره -- طيب يا خالد انا اعرف اعرف

خالد -- نوره لا تلعبين بقوه ادري فيك دففففشه لا تركضين اخاف تطيحين وانا مو عندك

نوره -- طيب بركض بشويش



وقبل لا يخرج خالد للمدرسه يسوي سندوتشين جبن ويلفهم بكيس

ويحطه جنب مخدة نوره

وان صحت نوره ولقت هالكيس تعرف ان خالد خرج للمدرسه وانهم الحين في الصبااااااااح

العنود طويله ونحيفه ملامحها حاده شويه بس مملوحه


عاديه لا هي طيبه ولا هي شريره

بس فيها ميزه حببت موضي فيها وخلتها تختارها من بين كل البنات اللي اختارتهم لها الخطابه ام يوسف





انها غيوووووووره


كانت العنود معروفه بالغيره


تغار حتى من اخواتها




وموضي اعجبتها هالصفه وقالت في نفسها --- اييييوه هو ذا المطلوووب

اجل تغااااااااااار وانا بلعب على هالغيره لعب

اليييين ما يطيب خاطري ويصير اللي ببالي

بنات اعطوني رايكم بهالاجزاء


قبل لا اكمل الجزء الجاي

وحكاية العنود وموضي مع خالد واخواته