موضي --- هلا بعروستنا العنود كيف حالك عسى اخوي زين معك

العنود--اييه الحمد لله

موضي -- يا حليلهم خالد ونوره وسروره فديتهم ابوهم يمووووت عليهم


العنود وهي متملله -- ايييه صاااادقه

موضي -- يا بعدي يا ساره عاد هذي هي القمر شبه امها الله يرحمها

نفس الفم والشعر والعيون يا سبحان الله


العنود -- تفضلي تقهوي يا موضي قهوتك بردت


موضي -- الا ابو خالد مطول ودي اشوفه عساه يجي بدري


العنود -- اصبري يجي الحين ما يتاخر





ابو خالد -- هلا بموضي وانا اقول البيت منور

موضي -- هذا نورك يا اخوي

ابو خالد -- يالعنود تكفين زهبي الغداء حدي جوعان

العنود -- بس خالد لسه ما جاء من المدرسه

ابو خالد -- وليه تاخر هالولد بطيء بيذبحني

اجل نستنا خالد


موضي -- الله يهديك يا ابو خالد تجوعنا كلنا وتجوع العنود اللي من الصبح وهي تزين الغدا لك

كله عشان خالد تاخر يا حليلك يا خوي شكل اللقمه ما تهنا لك الا بخالد


ابو خالد -- مسكين خالد هو بعد ضعيف وينرحم



العنود تغير شكلها وصارت جالسه وتهز في رجولها قلقانه وتفكر بكلام موضي





بعد الغداء دخل خالد يذاكر واخواته كالعاده معاه

وموضي تغدت وعلى بيت ابوها بعد ما ولعت اول شراره من نار حقدها





تمدد ابو خالد بيرتاح تجي ساره تلاعب دقن ابوها

وشعره


العنود بكل ترقب --- ابو خالد مين تحب اكثر نوره والا ساره

ابو خالد -- كلهن بناتي واحبهن كلهن

العنود-- طيب انا اقصد منهي احسن عندك

ابو خالد -- يمكن ساره لانها هاديه نوره بعد شحليلها بس انها عصبيه شويه وزعوله


العنود تقول في نفسها -- ااايه اكيد بيقول ساره لانها شبه حرمته طلعت منت هين يا ابو خالد


ابو خالد -- وشفيك سارحه

العنود -- تعبانه وابيي ارتاح وساره مزعجتني ودي انام لي شويه

ابو خالد -- ساره بنيتي روحي عند نوره وخالد خاله العنود تعبانه وبتنام



تخرج ساره من الغرفه وتسكر العنود الباب وهي تخزززز ساره بنظره غريبه

صعب لطفله في عمر ساره انها تفهمها او تفهم سببها

تبدأ الغيييره عند العنود

وصارت تبغى الاهتمام من ابو خالد لها هي وبس

وصارت العنود مثل الحاااااااااااائط بين ابو خالد وخالد ونوره وساره


ساره اكثر وحده عانت من العنود

بسبب الشبه اللي بينها وبين امها

صارت العنود تكرهها وتعاملها بجفاء وما تخليها تقرب من ابوها


العنود تقول في نفسها --- يووه قربت جيت ابو خالد ابروح انييم ساره وعساها ما تعذبني وتنام بسرعه

العنود -- تعالي يا ساره يلا نوووم

نوره -- ليه نوووم ما بعد جاء الليل بعدنا العصر

العنود -- انتي مالك شغل يا ام لسانين يالا ساره تعالي نامي

ساره -- لا ما ابييي ما ابييي

العنود -- طيييب وتشد ساره من يدها وتسحبها بالغصب للحجره

العنود-- سوير ان ما نمتي الحين وما تغطيتي بالبطانيه زين يجيك العوووه ويا كلك

ساره -- لا ما فيه عوووه العوووه بعيد

العنود -- الا فيييه هنا في البيت انا شفته عيونه حمرا واسنانه كبيييييره وياكل البنات اللي مثلك

حتى جارتنا ام عيوش تقول ان العوووه اكل بنت اختها

اكل عيونها بالاول

بعدين اكلها كلها

ودوروها ما لقيوها

بس امها شافت العوووه من الشباك يمشي بشويش

ويدور بنت ثانيه ياكلهااااا

ساره عيونها تدمع من الخوف واطرافها ترجف

نوره عند باب الغرفه تدق الباب وتنادي ساره ساره ساره



تخرج العنود من الغرفه --- نوره بس اسكتي سوير نامت يا ويلك تصحينها وانتي يلا روحي من عند الباب


وتدف نوره من كتفها


تسرق نوره النظر للغرفه تلاقي ساره متغطيه ونايمه








ساره تحت اللحاف ترجف صاحيه وتتخيل العوه وتتذكر كلام العنود

العنود -- لا ترفعين الغطا ترا يشوفك العوووه وياكلك



كان كل من يطل على ساره يحسبها نايمه

حتى ابوها ما صار يشوفها

ان جاء من شغله يحسبها نايمه


وهي تحت الغطاء ينسج خيالها الغض الوان القصص الممزوجه بالخوف

وبالظعف

قصه مو بس رائعه الا اكثر من رائعه تسلم دياتك ماشاءالله

روعه كملي الله يعطيك العاافيه ياااخبث هالموضي حقدت عليهااا؟؟؟

تمر الايام وتزيد غيرة العنود على ابو خالد


العنود -- يا ابو خالد انا خلاص ما اقدر اتحمل هالساره والركض وراها

انت تدري يا ابو خالد اني حامل ولازم ارتاح وبنتك شقييييه يبغالها مداراه





وفي يوم ثاني



العنود-- يا ابو خالد شوفلك صرفه في نوره فشلتني مع الجيران بس تتضارب مع بناتهم

حتى الاولاد الصغار يشتكون منه صرت استحي اروح للجارات وانحبست في البيت بسبتها

وانا ودي اطلع من هالسجن






بعد اسبوع


العنود -- يا ابو خالد خالد تراه كبر وانا ودي اخذ راحتي في بيتي

حتى خواتي صارن يستحن يزوروني وخالد كللله مسنتر في البيت

ما يخرج ودي احس اني في بيتي






وتمر الايام وتقرب ولادة العنود ومع الضغط على ابو خالد والزن اللي يفل الحديد

يفكر ابو خالد انه يرجع خالد والبنات عند بيت الاعمام





الجده-- وشفيك يا وليدي يا ابو خالد مهمووم وسارح

ابو خالد -- ما ادري ايش اقولك يمه

الجده-- قول يمه قول

ابو خالد -- العنود ما ودها بخالد وخواته وانا رجال صاحب شغل وتعب وما صدقت لقيت حرمه ترضابي

وماني حمل المشاكل تعرفيني يمه انا اخلاقي ضيييقه وما اتحمل حتي نفسي


الجده -- ليييه هي مو كانت تدري ان عندك بزوره

انا من يوم ما الموضوع دخلت فيه موضي حسيت ان مجايبها مثلها هالحقوده


ابو خالد --- خلينا من موضي الحين وشوفيلي دبره

الجده-- اسمعني يمه انا وابوك كبرنا وما عدنا مثل اول يا وليدي لو فين قوه كان اخذت هالايتام وربيتهم

ولا اعتازوا لا لك ولا لحرمتك بس بزورتك صغار يبيلهم ناس بصحتهم


ابو خالد -- طيب وزوجات اخواني ما فيهم خييير

الجده -- لو الخير كان انت اولى فيه بس وش اقول اذا انت ابوهم تبي الفكه منهم

تبي اخوانك وحريمهم المقاوي يقومون ببزورتك لا يا يوليدي ما احد بيربي بزر ثاني



يتنهد ابو خالد وكان جبل على صدره


الجده--- يا وليدي خلي بزرانك في حظنك ترا ما بيفيدك في تالي عمرك بعد الله الا هم

ولا تسمع لوسواس المخده حرمتك تراها كذا بتظلمهم وبتظلم نفسك



يهز ابو خالد راسه بغير اقتناع


وتجي في باله فكره ونوى انه يطبقها