الزوجة الحنون
الله يسعد قلبك متابعه بصمت وكل شوي أشيك إذا فيه بارت جديد بذا الجوال
دانه سعوديه
دانه سعوديه
العنود -- هاه يا ابو خالد بكره اخر يوم في المدارس عساك كلمت خالد عن خواله

ابو خالد -- لا ما كلمته وانتي ليييه كلش مستعجله

العنود ---يوووه يا ابو خالد قلتلك تعبانه وابيي ارتاح احنا لنا اربع سنين من تزوجنا وما صدقت اني حملت اخيرا

وانت تبي تغثني السالفه ما يبيلها كل هذا قول للولد وفكنا


ابو خالد --- ايييييه اييييه بقولك بس انتي اسكتي لا تزنين مثل النحله على راسي





خالد يسارع الخطى للبيت والشهاده في يده وناااااااااااااااجح مكتوبه بخط عريض وكبير

خالد صار عمره 12 سنه زاد طوله شبر

وعيونه الوسيعه بلون العسل زادت اتقاااد ونور

وهو في طريقه للبيت يمر دكان عم ياسين وبابتسامه كبييره يخرج خالد 3 قروش اللي صارله يجمعهم اسبوعين من مصروفه

ويشتري فيها حلاو ملووون


وبكل فخر يدخل خالد البيت ويشوف ابوه متكي على المسند ويشرب قهوته


خالد --- يبه يبه انا نجحت وخلاص غلقت الابتدائيه وبروح المتوسط

يبه استاذ فيصل يقول المتوسطه صعبه تراها مب زي الابتدائي

يببه انا اشتريت

العنود مقاطعه خالد ----خااااااااااالد وش فيك ابلع ريقك ازعجتنا يبه ويبه

يالا يا ابو خالد هذا هو شرف قوللله وخلصنا



يخرج خالد يدينه من جيبه بعد ما دخلها يبي يطلع الحلاو الملون

ونظراته بين ابوه وبين العنود

وشعور غريب سرى في عروقه لما شاف ابوه يعدل في جلسته وعيونه في الارض




ابو خالد --- اتركينا انتي وخلينا بروحنا انا وخالد

العنود -- ايييه اروح ازهب الغدا ابرك لي


ابو خالد --- اسمعني زين يا خالد انت الحين رجال ما عدت صغير واخواتك بعد كبرن وانا عندي شغلي

ما اقدر على مقابلكم طول اليوم والعنود تعبانه ووراها ولاده وبزر بتربيه

خالد يا وليدي بوديك انت وخواتك عند خوالكم بس كم شهر او سنه بالكثير الين ما تزبط

امورنا ويكبر شغلنا واقدر ابني لكم بيت كبييير

جزء منه بس لك ولخواتك

والباقي للعنود واخوانك الجايين ان شاء الله


هاه وش قلت يا خالد




خالد --- مذهوووول

ابو خالد --- لا تسكت كذا انا ابوك وانا ادرى بمصلحتك ومصلحت خواتك

المهم خبر نوره وساره وزهبوا اغراضكم بكره بنمر نسلم على جدانك واعمامك

وعقبها بيوم او يومين نسافر لخوالك






يرجع خالد لغرفته ويرمي جسده المتعب عل فراشه

وينااااااااااااااام

نوم بلا طعم نوم الهارب الذي يستجدي الحب

يستجدي الحنان


نام خالد والحلاو الملون تبعثر حوالينه

وفرحة النجاح تبعثرت

واختلط في طعمها مرارة

الغدر
رووحى كول*
رووحى كول*
القصه حزينه مرة بس اتوقع اذاكبروا حتتغير حياتهم للافضل :)
أم لمووش
أم لمووش
القصه حزينه مرة بس اتوقع اذاكبروا حتتغير حياتهم للافضل :)
ليت لو تحطي اجزاء اكثر يادندونه
شموخ وطموح
شموخ وطموح
ننتظر الجزء التالي
شاكرة لك