ليت الزمن يرجع واسألها ليش ؟؟؟....قصه حقيقيه

كنت طالبه حبيبه ومالي في المشاكل نقلت لمدرسه
جديده. بحكم السكن ..
طحت في معلمة لغه عربيه تسلطت علي وش السالفه
وش العلم ما هنا علم.. لكل ماشافت خشتي جلدتني
المشكله احب مادتها العربي بس ماخلت فيها
عربي حسيت لغه صينيه من كثر ضربها لي
يوم من الايام حليت واجبي وفرحانه في نفسي بس
فيه كلمة صغيره كتبتها بقلم الرصاص عشان استفسر منها عن حلي صحيح او لا
وكان عقلي يصور لي ان المعلمة بتشجعني وتنبسط مني اني استفسر واتناقش معها ومهتمه
جات معصبه فين الواجب انتم ماحليتو افتحو دفاتركم... وبكل فخر حطيته على الطاوله وفتحت الواجب والابتسامه يتخللها نشوت الدفاره ..
ثلاثة ارباع الفصل ماحلو الواجب وجات عندي تجمح جمحا قويا ...هو فين الواقب طلعيه وتلوح بالعصا في وجهي بينما عيوني تزورق فيه يميناً وشمال لا اعلم في اي بقعه من جسدي سيقع المه
اخذت تقلب الاورق وتعود ثم تعود لم يصدق علقها حلي تريد خطئ ..اخيرا صاد الثعلب المكر فريسه ليعبث معها لاياكلها ولا يتركها ..
قالت انت كتبه بألم الرصاص ليه هو دا حل اوبتلعبي
افتحي ايدي بسرعه ..
لما اكمل نطقي حتى هوت بالعصا ضرب ثم ضرب ثم ضرب ثم شطبت عليها وعملت لها لمسات اخيره
فأكملت نطقي داخل قلبي وشهقت مع كل أاااااه دمه ثم دمه ثم مسحتها بطرف كمي واشخصت بصري فيها وهي تكلم زميلتي التي بقربي انت وقفه ليه؟؟
قالت ماحلت الواجب ..قال لا انتي حليتي الواقب بس نسيتي الدفتر في البيت ..قال لا ماحلتي الواجب ولا جبت الدفتر ...قالت بصي انتي حليتي الواقب مش كدا بست نستي الدفتر في البيت
قبل ان ترد عليها زميلتي بكلمه قالت اعدي خلاص.. ونظرت لي يعني موتي حره
ونظرت اليها موعدنا يوم الحساب
وذهبت تشرح الدرس ومازالت دموعي تنهمر وامسحها بطرف كمي وهي تنظر لي ثم تعطيني مقفاها وتشرح الدرس ..يعني ماهميتيني ولا حركت دموع ساكن
وتمر الايام ادرس يوم واتغيب يومين وتبحث عني في الطابور المدرسي وتنادي المشرفات
بصو بصو دي غيبه يومين وكمان تضحك على خبيتها.. اكتم الضحكه وابلع العافيه اعرف وراي جلد في الفصل
اول ما نجلس على الكراسي تجي تطربق طربقت بعير هايج وتاشر علي من بعيد .. اموي فزي سمعي القاعده ..توني ابي اقول اي قاعده.. ردت طبعا غايبه ومنتيش فهمه حاقه ..بصي على الحيطه.. شفت الوحه دي هي القعده خليك كدا باصه واعدي احفظيها الي نهاية ال*** ..
وتخليني واقفه ووجهي على الجدار
اطالع الوحه ( الوسيله)
وتضحك وتعلق والطالبات يضحكو خوفا منها ونظراتهم رحمه لي ..
الاهانه موجعه ونهمرت دموعي ولا ابي التفت عليها تشوف دموعي وتتفرح علي زود ..
انتهت الح ص ة وجلست مكسوره ..ونطلق الطالبات علمي امك ليش ساكته ماعندك ام
..عندي ام ولكن مريضه وحزينه اخذت المشاكله منها صحتها كيف اشكي لها وهي تريد ان تشكي همها
وتمر الايام ثقيله وفي يوم ماطر
كنت امشي مع اختي للمدرسه
احمل كتبي ومع كل كتاب دفترين واحد للتحضير ( دفتر الفصل) والاخر واجب
تحمل ثقله كتفي ..ولم تتحمل ثقله شنطتي ..انشقت وتناثرت الكتب في الشارع مافيه مجال ارجع البيت
احط كتبي في شنطه ثانيه بتاخر على المدرسه...قالت اختي حطيها مع كتبي في شنطتي وبتحمل شيلتها وتعالي خذيها قبل ادخل فصلي
مع مسيرت الطابور المدرستي
اختفت اختي ودخلت فصلها
ودخلت فصلي ..جلست على الكرسي وجلس الثعلب المكار في وجهي يتفحص خطئي
ياربي كيف اقول كتبي في شنطت اختي احاول ان انطق فيرفض لساني ان ينطق حرفي.. وتهيم الحروف والكلمات داخل عقلي ..استجمع شجاعتي واقف
معلمتي ..نعم عوزه ايه ..لوسمحتي ابي اروح اخذ كتبي من عند اختي.. وايه الي قاب كتبك عند اختك ..شنطتي انشقت ووووو. .... خدي تعالي هنا فتحي
ايدك وضربتني ضرب شديد ماعاد قدرت بعدها اقفل كفي على بعض الم وتورم واحمرار ....سلامات ياست الهانم تتسلين على يدي بضرب
موعدنا يوم الحساب....طيب خليني اكمل يا ادميه ثم اجلديني انا كذا كذا مجلوده
رحت اخذت الكتب من عند اختي دخلت عليها وانا فاتحه كفوفي وقلت لها لا تحطين الكتب عليها تعورني وحطتها على يديني وضميتها على صدري عشان ماتطيح
..ضاق صدر اختي على حالي
دخلت الفصل واول ماشافتني المعلمه تتهكم وتبتسم ادخلي ياختي
دخلت وجلست وزميلتي نزلت الكتب من على يدي ودخلتها لي في الدرج وفتح الكتاب على درس اليوم ..حطيت يدي تحت الطاوله ونزلت راسي ما ابي اشوفها لين انتهت الح ص ه
غبت بعدها كم يوم وحضرت نفس الموال... اخيرا جاني الفرج
كانت حامل وولدت وطست عن وجهي مدة النفاس
كانت من اجمل الايام
وجاء وقت الاختبارات وانا منهمكه احل الاختبار دخلت علينا تراقب مع مراقبه اخر حسيت اليل اظلم وتوني بعز النهار
بس داخلي مرتاح خلاص اخر سنه وبنتخرج واطلع من المدرسه وارتاح من ظلمها
نادتني بصوت حنون يافلان حليتي كويس ماتستعجليش في الحل وخذي راتحك ربنا يوفئك
يارب اللي يكلمني جني او انسي
معقوله هي اللي تقول هذا الكلام ابتسمت مدر ليش..
وقفت الكتابه اتفكر في الكلام طالع منها او جرا في عقلها شي.. من كثر كرهها لي جاها فصام ..والطالبات وقفو الكتابه وجلسو يطالعوني ويطالعونها وصرت عليهم ..ايه مالكم.. محدش يبص عليها سبوها تحل الاسئله ..لا الدعوه فيها ان ولاكن ومدري ان ؟؟
كملت حلي وطلعت وهي تقول رقعتي كويس
كلامك الزين راح وقته ولا يشفي جروحي
في نفس اليوم صححت ورقتي وجات تركض تدورني في ساحت المدرسه مبروووك نقحتي في هذي الماده ..وانا اهز راسي طيب وبعدين..فهميني وش جرا لك ..وش هذا التحول الصاروخي
شكل الحرمه متوحمه علي والله اعلم يوم ولدت رجع لها عقلها
او تعسرت ولادتها وتذكرت ظلمها لي ..خلصنا الاختبارات كلها وطلعت النتيجه وتخرجت وخذيت ملفي لمدرسه جديده
وللي ماتتسماش تلاحقني مع السلامه وربي يوفئك
بعدها جاتني عقده كل سنه ارسب في مادتها في جميع المراحل الي الجامعه واعيد ترم ثاني وانجح
الظلم ظلمات يوم القيامه
انتبهو من ظلم احد قريب او من بعيد
لو اخطيتو اعتذرو ولا تخلونهم يدعون عليكم
العمر كله ويأثر ظلمكم في مستقبلهم
انتهى