ليت حزني مثل حزن البشر واكتبه: وليت دمعي مثل دمع العيون ويسيل

مادري كيف اكتب ولا اعرف ايش اكتب أول مره اكتب عن همي عن وحدتي عن غربتي وحزني، انا انسانه صبوره وكتومه ماظهر مشاعري ولا أحب اتشكى ولا اشغل الناس بهمي دايما اقول انو الناس عندها ماكفيها ومافي احد خالي بس اليوم انا مخنوقه وحاسه كل الدنيا ظلام قدامي محتاجه افضفض اتكلم ادري ان في كثير يعاون نفس معاناتي واكيد هم اكثر ناس راح يحسون فيني، من ست سنوات وانا احلم بطفل يملى حياتي ويونس وحدتي ويحسسني بالأمه مليت من الهدوء ومن الصمت ومن البرود اللي مخيم ع البيت ، صار بيتي اشبه بالمقبره موت بطيء واحساس مميت ادري بعضكم بيقول الاطفال مو كل شي بس بالنسبه لي وللي اي وحده في وضعي هم كل شي الا هم الحياه نفسها ماعترض ع حكمة الله بس في الاخر انا انسانه لابد مايجي يوم واضعف، العمر يمشي نفسي اخلف وانا بشبابي وصحتي يكون عندي وقت اربيهم وافرح فيهم واكبر معاهم يوم ورى يوم وشهر ورى شهر،حاولت اشغل نفسي بس ماقدرت مهما حاولت لانو تذكرني ضحكت طفل شقاوتو، صراخه ، كلامي مخربط ومو مرتب بس اعتبروها فضفضه يمكن تخف كآبتي يمكن تهدى نفسيتي وفي الآخر مابغى الا الدعاء يمكن تكون دعواتكم مستجابه