....ليت ربي يفكنا من بعض الأقارب ....

صراحة مدري من وين أبداء لكن صار لي مواقف كثيرة مع وحدة من قريباتي وزوجها صديق زوجي مابينهم أي قرابة لكن علاقتهم مرة كويسة عكسي أنا وياها وهي ساكنة جنبي والله أني طيبة معها لكن مدري وش هالطينة من الناس فيهم قلة ادب بشكل غير طبيعي وبقولكم كم موقف وأحكموا لأني عندي مناسبة قريبة لوحدة عزيزة علي ومدري أعزمها وألا أطنشها ........

الموقف الأول : ولدي توه دخل المدرسة وولدها ماشاء الله كبير وأول مادخل ولدي المدرسة وصيت على ولدها أنتبه لولدي لأنه صغير وماعنده أحد يعرفة غيرك تفاجأت بعد فترة طويلة ولدي يشكي منه يقول ضربني قلت خلاص أبعد عنه ولاعاد تقرب عليه جاني مرة ثانية قال ضربني قلت لأمه ولدي كل شوي يشكي من ولدك لا يضربة ولا يقرب منه قالت والله ماعندك سالفة أنتي وزوجك كل شوي تتدخلون في الأطفال خلوهم شوي ويتصالحون ولا تدخلون نفسكم بينهم قلت ولدي صغير عن ولدك كثير مايصير كل يوم والثاني يضربه قامت نادت ولدها قالت شفت هذا لا تقرب منه ولا تلعب معه ولا كأنك تعرفه مشيتها لها وألا كان المفروض تقول هذا صغير لا تضربه صح والا لا ...

الموقف الثاني : عندي جمعة حريم وكم مرة أعزمها وتجي وحتى لوكانت جمعة بسيطة أعزمها لأنها قريبة صعب أتركها لكن هي ماعمرها عزمتني ولا تعزم أحد ... وأذا جات خلت عيالها على راحتهم ماتقول عيب أجلسوا ويسببون فوضى وأزعاج وأنا استحي من الضيوف من كثر الأزعاج مع أني أسكت فيهم لكن ماهمهم امهم راضية ...



صراحة مواقف كثيرة مليت من تصرفاتها من جد وكله كوم وأذا جيت أنصحها بشي في الدين قامت تتفلسف وتقول أنتي معقدة مثلا النمص حرام قالت لا والله لازم أكون حلوه عشان زوجي مو مثلك ماتهتمين بحواجبك قلت الحمد لله ما أغضب ربي عشان رضا زوجي وبعدين زوجي راضي قالت والله مصيرك تتندمي أذا راح زوجك .. ( طبعا الحمد لله أنا وزوجي متفقين جدا)



قريتوا وأنصحوني أعزمها وألا أتركها وللعلم الباب بالباب وأنا متأكدة أني لو أتركها بتسوي سالفة وماراح تترك أحد ألا وتشكي له وأنا ماودي بما أنا أقارب تطلع مشاكلنا للغرب فهمتوا علي بالمقابل هي ماهمها القرابة وصراحة أنا حاسة منها الأستهتار بالآخرين كل يوم أعزميني وأنا لا .. واذا تركتيني بزعل ... فمحتارة ...