ليت قلوبنا مثل الحجر قاسي لايحس ولايتألم ولاينجرح

بنات تعبنا من الهموم من نصبح ولانمسي الاهم جايك :44:دنيا مافيها خير
تعبنا وتحفنا وشحبنا قسم بالله مادري وش نسوي مانبي ضعف نبي قوة نبي نقول لاي مصيبه

الحمدلله الحمدلله الحمدلله .. ونصبر ونصبر

ابي لـ حد مات اقول (ان لله وان اليه راجعون ) يوم احزن يومين ثم اقول الحمدلله وانسى مهب اجلس سنين ابكي


ولااكل ولااشرب اه ياذلقلب


ابي لـ نطعت من ناس ماهتم فيهم ابي اقول من هم اخرتهم من طين مابي افكر فيهم اه ياذالقلب

ابي لـ شفت وحدة منزله موضوع حزين اقول الحمدلله وادعي لها واعيش حياتي اضحك وانبسط مهب اجلس افكر

فيها لين نفسيتتي تتعب وتتاثر باللي حولي

وكثير وكثير في حياتنا هموم ليه مانتحملها وننساها ونعيش يومنا

ليش مانكون مثل ام موسى عندما القت ابنها بالبحر نصبر مثلها

ليش مانعيش مثل عيشة الصحابه رضى الله عنهم ونقتدي فيهم

قسم احيان ودي انزع قلبي من صدري من الضيق

نفسى مأحس ولا الاحساس نعمه

والله الواحد معاد يدري وش يبي ان قال نبي احساس حسينا وتعبنا ونقصت اوزننا ونفسية زفت وتعب ومستشفيات

واكتئاب وحبوب ظغط

وان قالنا مانبي احساس قالو ماعندها حس ولاقلب ولاترحم

تتوقعون هالزمن وش اللي يبي ؟

ولا انا مكبره الموضوع لو مكبره الموضوع ماشفت قسم حياه سعيده اقصد تعيسه كله هموم واللي تبي تموت

عشان زوجها واللي ماتبي اعيالها عشانهم مرضى ويفشلون واللي تبي تتزوج واللي تبي اولاد واللي مسحورين

ليه مانتغلب على كل ذي المشــــــــــــــــــــــــــــــــــــــــاكل فهموني ليه هي تغلبنا:44:ليه ننهزم لها

ليه احنا ضعيفين عند اقل مشكله :icon33:ويجينا ارهاق وتعب وبكاء

بنات رجاء لوحده تجي وتقول اقري قران ولا صلى ولا الاذكار للي مثلنا

هذا كلها موجودة قران نقراء بكثرة وصلاة بوقتها وصوم وصدقات المشكلة بالقلب ليه ضعيف ليه

المشكله هو القلب قلوبنا ضعيفه حيل ماتتحمل

المهم مابي اطول عليكم وان شاء الله فهمتُ قرقرتي هههههههه ابي لي وللي مثلي

تحفيز او دورات او كتب او اي شي يقوي ذا القلب هههههه :)

يالله انطلقو اتحفونا بارائكم ...