ياعمري الله يسخر لك زوجك ويرده لك ردا"جميلا"
إدعي ان الله يجمع بينكم على خير ويرزقكم الذريه الصالحه..وإذا رجعتي غيري أسلوبك 
وترى والله غلطتي يوم خليتي أمك تعتذر واخوك يعتذر لأنكم نفختوا راسه..وإذا هو يدور الزله ووده يطلقك بياخذ هالموقف عذر أني من بنتكم رمتني بالمخده نفسيتي تعبانه ماقدرت انسى الموقف وفعلتها شنيعه حتى أنتوا ياأهلها إعتذرتوا معها على مصيبتها 
ورميتك للمخده أمر تافه جدا..زوجي مع أنه دقيق جدا ومتربي في بيئه الرجل عندهم مقدس استغفرالله وله هيبه ومع ذلك والله أعبر عن غضبي ابكي واتهاوش معه واعصب واسب ومره رميته بالسبحه وهوعصبي مثلي
واحس خلاص تعودنا على بعض ..الحين لي سنه وشوي زواج..وماخذين بعض عن حب..وأول الزواج كان احساسي  ان استحاله نستمر مع بعض وكنت متوقعه الطلاق
وعلاقتنا مهزوزه مثل وضعك مع زوجك وكان يعاقبني ولايلتفت لمشاعري حتى حياتي هم في هم معه والله اذكر مايوديني لأهلي إلا بالشهر مره تقريبا مع أنهم بنفس الحي كرهني بحياتي وبنفسي وكنت مثلك مابي الطلاق وأركض وراه مره نتهاوش مره أعصب أطالب بحقوقي وبسرعه اتراجع وأرمي نفسي عليه وهو ولاهمه
وبعده أنقلبت الآيه ..عزيت نفسي وتغير حالنا اللهم لك الحمد وتعودنا على بعض حتى يوم نتهاوش ترجع المياه لمجاريها بسرعه وانا أحاول اهدي اعصابي واغير اسلوبي..وأطنشه إذا هو الغلطان أما إذا انا الغلطانه والله أتلزق فيه واعبر له عن حبي واعتذاري واني ماكرر خطاي..
تكفين طمنينا عنك
الله يطمن قلبك ويختار لك ماكان خير لك
وإذا طلق لاتزعلين نفسك والله مادمتي مع الله ماراح يخيبك أبد وبتكون خيره لك..

لااله الا الله

حتى لو غلطتي مش للدرجه الموضوووع اللي يخليه يطلق ؟؟؟ معقوووووووووووول ؟؟
ياااااااااااااااارب يجبر قلبك وتطلع ظنووونك خايبه,, بالله انك تطمنينا عنك وتفرحينا برجعتك له

لو كان شخص غريب كان مافرق معي كل اللي يسويه وبيطيح من عيني اكيد لكن للاسف شخص حبيته وتعلقت فيه و وقفت بوجه الدنيا كلها عشان اصير له
وغير تنازلاتي عن اشياء ..... بس قلت فداه دامه معي خلاص اكتفي
وغير التضحيات وغير وغير وغير ....... 
انا للحين مو مستوعبه اللي قاعد يسويه معي 
على الاقل يكلمني ويترك لي مجال اطلع اللي بقلبي
مو يصدمني كذا فجأه !
قبل يومين يقول لي احبك وبعدها يدق على اخوي عشان يعطيه ورقتي ؟!
ليه كذا طيب ؟

الله يكون بعونك أختي تعرفين وش الخطا إللي سويتيه إنك اعتذرتي كثير له ع سالفة المخده ماكان فيه داعي لكل هالإعتذار وتخلين أمك وأخوك بعد يعتذرون ليه شي بينك وبين زوجك المفروض أهلك مايعرفونه أنت بكذا كبرتيها بخاطره وخليتيه يحس انه مظلوم
أختي إذا تبين نصيحتي لا تتصلين عليه هالفتره أبدآ ولا ترسلين له خليه يفكر بينه وبين نفسه صدقيني الرجال مايحبون إللي تلاحقهم أبدآ خفي. عليه عشان يفقدك وصدقيني إذا يحبك بيرجع لك وبيندم على إللي سواه فيك