ليت وحده تعطيني الحل الي يجبر خاطري 💔

صباح الخير .. يابنات بدخل بموضوعي بغير مقدمات انا مطلقه عمري 36 وعندي بنت 14 سنه صار لي مده من تطلقت يمكن 10 سنوات اتعب وما احب الجلسه في البيت ان جلست في البيت ماغير اكل وقهوه وحلويات واسمن وفوقها النفسيه تصيرررر زيرو والنوم ارررق والمعده والارتجاع يزيدون معي … اشغلت نفسي بالنادي وانا من صغري احببب الرياااضه هوايه عندي واحس كل شي فيني يرتااااح خاصه ان ماعندي وظيفه ومو لاقيه اي وظيفه وارح نادي واجي بعيد شوي عن مكان سكني المهم السيارات توصل عادي مشكلتي ( ابوي ) قاعد لي متزوج على امي وزوجته تغويه علي وتشحن راسه بي افكار مدري من وين تجيبها وتقوله لا تروح للنادي ترا اطلع مع صديقاتها مقاهي ويدخنون ومدري كيف ولا تروح مع السواق فيه اغتصاب ومصايب في الحياه ويجي يقوم علي مافي نادي ولا يوصلك سواق … قلت طيب اخلي احد من اخواني يوصلني وحمدالله لقيت قعد لي لا ماتروحين الا معك بنتك ولا امك ( مدري يشك فيني ولا مافيه ثقه ) يابنات انا مو صغيره وام وعقلي مهو ناقص واخاااااف الله واعرف الحلال من الحرام وحتى في النادي علاقاتي محدوده ولا اتعمق فيها .. لاكن تفكيره قديييم والي تغويه ماخلتنا في حالنا والبيئه الي انا فيها لا نزور احد ولا نطلع ولا نتمشى يعني النادي بالنسبه لي اكبر سعاده اشوف ناس استفيد في صحتي ونفسيتي وجسمي / غير كذا كل مايجي شخص يتقدم لي يرده اخر واحد بسبب انه ساكن في منطقه غير منطقتنا عمري راح نفسيتي تعبت / حتى شقه في نفس عمارتنا مهو راضي يعطيني انا وبنتي لا خصوصيه ولا غرفه خاصه فيني انا وبنتي حياتي فوضى وحقوقي كلها مسلوبه مني … صرت من القهر ادعي عليه واطلع واروح النادي غصب ومو مع اي احد لا اخوي يوديني ويرجعني لانه هو الشي الي معطيني السعاده ويخفف الافكار والضغط الي عايشته … اش رايكم اقسم بالله حتى السواقه شي مصيبه لو اتعلمت ولا فكرت اسوق ومعاملته لي كاني طفل عمره سنتين ما كاني ام ومسوله ومربيه اجيال ،،، حطو نفسكم مكاني حاولت بشتى الطرق اتفاهم معاه مافي اي فايده يبغا يمشي كلمته .