انا سويتها في مركز النخبة عند د/ عبدالاله الطويرقي من سنتين والحمدلله ارتحت من النظارة لكن لا تنسين تستخيرين قبل تعملينها والعملية بسيطة وسهله وسريعه

مستشفى الحمادي عند الدكتور متعب السبيعي روعه

انا والله زوجي سواهاعند ابن رشد في الرياض على طريق الملك فهد جنب السيفوي..
واحيانا يكون مايناسبك الليزر (اذا صار عندك اظن انحراف فماينفع)..
ومااذكر اسم الدكتور وزوجي نايم.. ما اقدر اسأله بس اظن ماعندهم الا دكتور واحد يسوي ليزر والحمدلله ناجحه عملية الليزر 100%(ماشالله تبارك الله)..وسعرها اظن 7000ريال.
وبالنسبة للعسكري ماعندي اي فكرة عنهم بس اكيد اكيد يسوون..

وانصحك في دكتور اسمه الطويرقي مرررره مشهور وهو في مركز النخبة..
موفقة

العسكري ما عندهم ليزر

انا سويتها في مستشفى الحرس عند الدكتور الحواس

الحمد لله العملية سريعة وهم يمدحونه

ولا تعبت بعدها ابدا

وانا سويتها في شهر سته بس الى الآن وانا عندي جفاف وامشي بقطرات الجفاف

الدكتور شاطر .. بس انا عندي ملاحظه عليه انه يحب الفلوس

لان العملية سويتها ب6000 ريال
وثاني يوم من العملية يشوفك
وبعد شهر من العملية وهذا كله شامل الــ 6000

طبعا لما رحت الموعد بعد شهر قال انتي عندك جفاف شديد
واعطاني موعد بعد شهر ولا قال لي انه بفلوس

والله اني جاية من خارج الرياض مباشرة على المستشفى وفي النهاية قال ما ادخلك لين تدفعين

سألته ايش سبب الجفاف قال الافضل انك تسوينها في الشتاء او على دخول الشتاء
لان الجو الحار يساعد على الجفاف
يعني يمكن لو علمني بهذا قبل ما اسويها كان اجلتها شوي
لاني اعرف عيوني فيها شوي جفاف مع انه اختبر الجفاف ومع هذا سواها

بس الحمد لله قدر الله وما شاء فعل

فحصت النظر في مستشفى العسكري قالوا ستة على ستة تقريبا
بس انا احس بغباش وقالوا انه من الجفاف
يعني ما اشوف الصورة صافية


والحمد لله في الاولى والآخرة

ادعيلي وانا اختك ربي يعافيني من هالجفاف