المهندسة أم الريما

أنا تقريبا لي سنه وشوي راجعه..

لييييييييييييش ماتبين عرب(العرب أكثرهم سعوديين وخليجيين وليبيين) والله لو تعيشين بين الأنجليز بس أن يجيك الهم والغم و÷ذا كلام البنات اللي جربو مدن مافيها مسلمين بس أذا تبين حي اللي فيه عرب ومسلمين قليل عندكOadby وHamilton طبعا محلات الحلال بعيده عن الحيين هذولا لازم سيارات والمساجد بعيده اعتقد في مسجد بOadby ,بالنسبه للمواصلات الباصات مغطيه كل المددينه, الحيين اللي ذكرتهم فيهم سوبرماركات كبيره..



لاياعمري كل اللي قلتي متوفرررررره بعدين ترا التدفيئه داخل البيوت ممتازه جدا يعني تلبسين داخل البيت ملابس خفيفه..

بسن بنتك مافي الا برايفت نيرسي وأسعارهم غاليه أنا صراحه ماعندي فكره عنهم لان عيالي كبار أذا وصلتي ان شاء الله وسكنتم دوري في الروضات اللي حول سكنك..


الغالبيه يسكنون بيوت قله جدا اللي يسكنون شقه ترى بيوتهم كبر شققنا وهي أشرح والديره آآآآآآآآآآمان بالنبه للأحياء شوفي:
Evingtonهذا قريب موبعيد عن الجامعه(طبعا بالسياره) الغالبيه مسلمين وهنودغير مسلمين ,الانجليزقله, فيه مساجد تسمعين صوت الاذن خاصه أذا كنتي مو بعيده عن الجامع محلات الحلال كلها فيه بالنسبه للمدارس فيه مدرستين ممتازه هي مايفلور برايمر سكول ولندن سكول خاصه لبنتك الكبيره حيث تقبل في النيرسي لان من سن 3 سنوات يقبل الأطفال في المدارس الحكوميه بس ترى النيرسي هاف تايم ..
Oadby وHamilton أرقى من Evington بس انهم مافي المحلات الحلال والثاني مافي مساجد,, اودبي فيها شوي سعوديين أما هاملتون اظن فيها عائله او ثنتين
البيوت في الحيين أفضل من أيفنقتون وأرخص لان Evington عليها أقبال من المسلمين.
Oadby وHamilton أبعد من ايفنقتون بالنسبه للجامعه
باقي الاحياء ماعندي فكره عنهم بس الافضل لك واحد من الثلاثه اللي ذكرتهم فوق


الافضل لك معهد وافضل معهد(نسيت اسمه معني كنت ادرس فيه بس أذا جاء زوجي أسأله) بس ترى بعيد يعني تقربيا ساعه بالباص لانك تغيرين الباص والباص يوقف أكثر من مره.
بناتك البنات اللي عندهم بسن بناتك أشوفهم يتعاملون مع الحاضنات اللي بالبيوت..

يعطيك العافية استبرق... خلاص بدور بأودبي ، أظن هو الأنسب من خلال كلامك.. وأنا ما أعرف طبايع العرب الي هناك أخاف أطيح بجيران كل شوي طاقين الباب ولا ملاقيف جالسين بالشباك يراقبون تحركاتنا :) <<<<أمزح شوي ----أهم شي مانطيح بحي هنود سيخ!!!مدري ليه بس أستاحش منهم!!

يله منار أنا على كذا بروح قبلك، بدورلك بيت جنبي بس لا تقولين بيتكم أحسن من بيتنا!! وبالمرة نودي بناتنا نفس الحضانة (وإذا ماعليك كلافة تمرين بنتي تاخذينها على طريقك الصبح وبعد الظهر!!!:) )<<<<قطت وجه...
أو أنا أوديهم وانتي ترجعينهم<<<كذا عدل

س/ اللي مابعد تأكدنا منه سالفة الحجز---لازم عن طريق الطيار أو عادي الخطوط السعودية أو ممكن نروح على خطوط ثانية ويعوضونا؟ إذا أحد عنده فكرة يعلمني لأن أوراقي مابعد طلعت وشكلهم ينتظرون ليلة السفر!! :"(

أختي بالنسبه للحجز

اذا انتي مبتعثه او زوجك من التعليم العالي تكون التذاكر من عندهم عن طريق مكتب الطيار ((هو المسؤول عن تذاكر المبتعثين ))


واذا كان الابتعاث عن طريق العمل

هم اللي يعطونك تذاكر السفر الى بريطانيا في البدايه فقط وبعدين الملحقيه هي اللي تعطيكم تذكره واحده رايح جاي في السنه


والأفضل تحجزون بدري اذا انكم جايين بداية السنه الدراسيه في سبتمبر

والله ييسر اموركم

شكرا عزيزتي شمالية ماتصدقين وش كثر احتست على هالمعلومة الكل يعطيني اجابات حتى المسئولين لكن بدون ثقة (أظن كذا...وكذا...)<<<ماادري ليه ماتثقيف إداري للواحد لما يمسك منصب جديد!!
واحنا فعلا نبي نحجز عشان كذا مستعجلين نبي نتأكد من وين.. وماتخيلت مافيه رحلات مباشرة بأول سبتمبر كلها محجوزة!!! ياكثركم ياسعوديين ببريطانيا ومادرينا :)

اختي الاستبرق ماشاء الله عليك الله يعطيك العافية اعطيتيني تصور شافي جزاك الله خير:)

اما انتي ياأم الريما تعالي هنا الله الله:42: تبي تروحين قبلي وتختارين البيت الزين وبتخلين هم البزارين علي وين العدل اوخيتي:09:
تدرين مايهمك حبيبتي انتي وبنتك بعيوني مالنا غناة عن بعضنا:2thmup: