ليس بالزواج وحدة يحيى الإنسان .. غلطانة أنا ؟؟؟؟؟

السلام عليكم ورحمة الله وبركاتة


طاقة نفسي أبي أفضفض .. زهقت من نظرت الإزدراء والإتهام بـ خفة العقل :laugh2:


قبل شوي صار نقاش حاد بيني وبين أهلي وحسسوني أني مجنونة وغريبة الأطوار :icon31: فجيت أشارككم الرأي لعل أحد يوافقني الرأي

البداية أنا عمري 29 سنة و ماتزوجت الحمد لله وإذا جا عريس تجيني ضيقة الدنيا و أكرة نفسي :icon31:

مافيني عين ولا حسد الحمد لله .. كل مافي الأمر إني أرى الزواج نوع من العبودية .. رجال يامر وينهي ويغلط وأنتي الجارية المسكينة اللي مطلوب منك تتحملين عشان تسيرين بدفة الحياة وتحافظين على بيتك
يضربك .. تحملي
يصارخ عليك .. أسكتي لين يهدا حضرته

وفوق هذا بعد أخدميه وتحملي أهله وتوددي له
أذبحي نفسك أكشخي ونوعي وتعطري وسوي وسوي عشان تملين عينه
غيري نظام حياتك كله عشان تتوافقين معه .. حتى أمورك الشخصية اللبس والعطورات تتحدد وفق مزاجه هو وش يحب وش يكره

طبعاً أنا أتكلم عن معنى الزواج عندنا في مجتمعنا .. ولا في الإسلام المرأة لها حقوق بس إجتماعياً عندنا ما تطبق
أبسط شي .. لما يضغط عليها تبيع كل ذهبها عشان تسدد ديونة وهذي صارت عند كل اللي أعرفهم .. ولا إذا موظفة لازم تساهم معه غصبن عنها هذا إذا ما أخذ راتبها كله ..


معن في الإسلام هي لها الحق تتصرف بمالها كيف ماتشاء وهو المجبور ينفق عليها



الشق الثاني

أنا صراحة إنسانة أكرة البزران :icon20: ..
لأنهم مصدر الأوساخ والإزعاج في الحياة ..

مستحيل أتحمل بزر عشر دقايق على بعضها .. وعيال عايلتنا مافيهم واحد يحبني لأاني أنا أصلن ما أحبهم :icon20:

في بنات كثير يحنون على الزواج عشان يبون عيال .. بس أنا ما أحب الأطفال .. أقسم بالله ما أحبهم :laugh2:

أسعد يوم عندي لما ما أشوف بزر هههههههه .. تصدقون وصل عمري 29 وأنا عمري كلة ما وغيرت حفاظة بزر ولا أكلته

مرة عطوني بزر وقالوا لي غسلي له وجاهم المقسوم :icon20: .. وعقبها صار ما حد يطلب مني هالطلب


بصراحة بصراحة بصراحة ..

طموحي في هالحياة أعبد ربي أولاً ثم أعيش لنفسي .. وأخدم مجتمعي بأعمال تطوعية .. بكفالة مالية للأيتام

ودي أتوظف عشان اعيش من راتبي وما أكون عالة على أحد ..

الزواج وتكوين الأسرة مو موجودين بأجندتي أبداً :icon20:


حتى لما أحضر زواج أشوف البنات اللي في سني وماتزوجوا كل وحدة شوي وتنفجر صياح :06:
وأنا فالتها أضحك وأرقص عادي


أمي تقول لي بكرا إذا كبرتي تتمنين عيالك حولك .. قلت لها يا ميمتي شوفي العقوق وش كثرة هالأيام :(

يعني هاللي عيالهم عاقين فيهم كلهم هم كانوا عاقين في أهلهم ؟

كلهم قصروا مع عيالهم في صغرهم ... ربوهم وكبروهم ويوم كبروا تخلوا عنهم




صراحة ودي أعيش حرة نفسي .. ما أتحمل مسؤولية أي شخص غير نفسي

ودي أفضى أحقق طموحي .. ما بي أعيش مكينة أغسل وأكنس وأطبخ وأدرّس ومايجي آخر اليوم إلا مهدود حيلي

أنا الحمد لله حافظة 4 أجزاء من القرآن ودي أكمل وأدرس في نفس المركز
ماراح أحقق حتى هذا الحلم إذا أنا عندي عيال ورجال طلباتهم ومسؤلياتهم ماتخلص + ماعندي أستعداد أبداً أبداً أبداً أتحمل غثى رجال ووصخ بزران



أنتوا شرايكم ؟

غلطانة أنا لما أفكر بالطريقة ذي ؟ ..