عندي زوج يرفع الضغط بكل صفاته، اللي منها صفة تجلط من تزوجته وهو على هالحال إذا مرضنا قلت له ودنا مستشفى يقول ليش وش بيعطوكم يعني لكن تتصل اخته تعطس ودني مستشفى على طول يطير حتى الفجر عادي اما انا يصارخ علي ويقول طفلي مافي شيء وهذا شيء يقهر اي وحدة انا ماقارن بيننا لان مافي وجه للمقارنه اصلا لكن من حقي انه مسؤول عنا مرة حرارتي ٤٠ واقول له بنروح الدكتور مطنشني وانا ماحجز عن بعد لان مجربة مايعطوني علاج دائم يقولو تعالي اكشفي وهو مايبغى يجيبنا .
حتى لو طفل عندي بمرض حرارته ٣٩ يقول يعني وش بيعطوه الدكتور لين جلست في البيت اعطيه ادوية لين مانفع ولما وديته دكتور قالت لي بسسرعه يحتاج تنويم نبضه صار سريع وانا تعبانه مافيني حيل اتنوم وتنوم معنا وهو معصب وانا قلت له روح البيت ماهو راضي لازق وانا تعبانه مافيني اتحمل طفل يبكي وزوج يتحلطم بدل مايساعد كل شوي يقولي بيرمي ولدي من الدريشة إذا ماسكت حتى الممرضة سمعت صوته جت تسال وش في ؟ قلت لها مافي شيء وانا باقي شوي ارمي نفسي من بناية المستشفى منه بدل مايكون لي عون صار فرعون حتى في التنويم وانا بعد مانمت بس احنا الامهات مجبورين نسهر ولكن مانجبر احد نفسية يسهر معنا يقلقنا زيادة.
المهم الازمة انه لما مرة قلت له خلاص بخلي اهلي يودونا ماشفت الا انجن يقول لا مايصير ممنوع اروح دون اذنه يعني لاهو اللي بيعالجنا ولانشوف حل لنفسنا لاحول ولاقوة الا بالله كل مرة يزهقني بالنقاش والجدل عشان روحة مستشفى قالت لي الدكتورة مرة لاتخلي الطفل في البيت وحرارته عالية وانا احاول اخفضها ماتنخفض والزوج يقول عادي مايخالف يجيب الجرب بالغصب نروح دكتور كانوا عايشين في الصحراء حتى اللي في الصحراء يمكن اهون بعد يارب تشفي مرضانا ومرضى المسلمين.
يروح يقول لاهله ان احنا مريضين واهله يقولو ترى مافيه شيء وهو عقله صغير مايستوعب كلامي ولاحتى كلام دكتورة اهله هم الصح يقولو ماهو كل شيء مستشفى وياخذو ادوية وهم لو يعطسو راحو الاسعاف حسبي الله ونعم الوكيل.