ليس هنالك مايؤذي اشد من الخيانه الزوجية

"







اخواتي حبيباتي كيفكم 💕

انا نزلت الموضوع اليوم وبهذا الوقت تحديدا لاني دخلت ف نوبه الم وقهر عجزت انام بسببها طول اليوم وضليت اكتب قصتي واختصرهاعشان اشوف رايكم واحتاج راي من حكيم يوقف معي ويكون افضل حل لاني تعبت والله من كثر مافكرت وداخ راسي اش اسوي فمصيبتي الي عجزت احلها ..


يا اخواتي انا تزوجت عن حب انا وزوجي وكنا نحب بعضنا جدا وحاربنا اهلنا عشان ينجح زواجنا لانهم كانو ضدنا و عشان نكون لبعضحاربنا الظروف وسوينا المستحيل وكانت فتره الملكه طويله الي خلتنا نتعلق ف بعض اكثر واكثر وطول اليوم مراسلات وكلام حلو و نشاركبعضنا اتفه التفاصيل حتا وقت ننام مانقفل الاتصال وركزوا على هذي النقطه💔

بس كل الي قلته بدا يختفي بعد ما تزوجنا وحملت لاحضت نفور زوجي مني و صار يحطم فيني ويبعد عني بدون سبب

خلاصه الكلام اني كنت ومازلت اعتبره عيوني الي اشوف فيها و لدرجة اني ما اكلم احد وافضفض الا له حتا اني مع اهلي صرت ما انامولا ارتاح ببيتهم الا ف حضنه بوسط بيتنا وبس 😭

بمجرد ماولدت العلاقه بينا توترت اكثر كنت اشوفه لاهي بدنيته وانا علي مسوؤليه بنتي لدرجة جاني اكتئاب لاني صرت احسه خذلني اولخذلان وهو انه ماوقف معي بولادتي رغم انه مايقصر بالماده بس بالاحساس جدا مقصر وانا هذا الي كان يهمني احس ب وجوده واحتوائهلنا قبل كل شي
ما اخفيكم اننا كلنا صغار وجاهلين حجم المسؤوليه الي احنا فيها من زواج وعلطول طفل ف مرت ايام مضاربات وسوء تفاهم بيننا كانتتزيد العلاقه توتر وبعد

وبالنهايه صرت اجلس معاه احسني غريبه
انتبه لنظرته لي وكانه ينظر ل شي مقزز
احس ب قلبه كلام ماوده يقوله او مايبغا لاني مو جذابه زي اول
احس انه تغير وصار شخص ثاني

والمشكله اني حملت علطول مره ثانيه ومنعني اخذ اي موانع يبغا طفل ثاني و انا بلحضه غباء سمعت كلامه وما اعرف اذا راح اندم او لابالمستقبل على هذي الخطوه لاني اكتشفت اني حامل ب ولد واقول ف بالي ممكن هو الي يعوضني بحياتي بكره :(


المهم لما حملت ثاني مره اكتشفت خياناته لي
كان عنده حسابات سناب يدور من الرخيصات الي تطلع معاه ويعطيها فلوس
و كان عنده تواصل مع كذا وحده بسنابه
كنت اشوف كل فتره شي جديد مثل واقي ذكري بالسياره وانا حامل ولما اكلمه يقولي انه حقنا زمان!!! او انه نسي اني حامل هذي كانتاعذاره!!!!
كل فتره كنت اشوف حجوزات فنادق و اشياء جدااا مريبه ولو وحده غبيه راح تعرف انها تدل على الخيانه
و لكني كنت من شده تعلقي فيه كل مره اواجهه وابكي واطلب الطلاق يعطيني كلام مثل ابره البنج يهديني
وبس يومين ارجع اشوف طامه اكبر من الي قبلهاا واندم اكثر اني ما اخذت موقف حازم وقتها

الي ابغا اقوله
اني احتاج مساعدتكم حقيقي كلمت مستشاريين اسريين نفسانيين ماحد فادني وكل كلامهم حبي نفسك و خليه يطفش ويجيك ولا ترفعيسقف توقعاتك و هذا الشمالي الشرقي وهذا يحب الحمامه الطايره مايحب الدجاجه الي على البيض كله كلام يزيدني هم ويحيرني اكثروانا اساسا تاييه وماعندي احد افضفض له حتا اهالينا يفكروا اننا نعيش اجمل حياه وهو العكس تماما💔

يابنات او بالاصح يا اخواتي انا اليوم ماجيت اشتكي لكم من كميه الخيانات والنغزات الي شفتها
اليوم انا شفت له علاقه مع بنت يكلمها ليل نهار صباح مساء على حسابه الشخصي دخلت حياته خلاص
و صار يرسل لها سنابات حتا لدرجه يصور اخواته وبنتي ويوريها كل شي وانا مثل الي اراقب من بعيد واكتم💔
طبعا لاتسالوني كيف اعرف لكني اشعر واشوف ضحكته على الجوال كافي انه يغير كل كلمات السر عني و يدس الجوال

والكارثه الكبرى انه لا دخلت السياره يرتبك ويخبي الجوال واكتشفت انه يخليها معانا عالخط تسمع كلامنا 😭😭😭😭 متقصد ومتعمديسويها لانه يترك السماعات ف الجوال ويخليه قريب من ناحيتي
طبعا اول مره شفت كذا انا وقتها قمت اتدلع عليه واقوله كلام متزوجين عشان اغيضها واتاكد ان الي معانا يتجسس بنت
وفعلا هو وجهه قلب الوان وصار مصدوم اني فجاه اقول كلام كذا بغير عادتي
وكل فتره تجيه رغبه شديده وقت النوم كانه يستثار لما يفكر ف حاجه وبس نصحى مايبغا جنس ولا شي
وكمان دايما يصور على اغاني حب و ينسى اغانينا حقت ايامنا

يابنات كم مره اواجهه و يقولي وسط الكلام سامحيني
و انا لو تخبطت ارجع لك
وانتي الاساس الي اموت ولا اتخلى عنك وانا مستحيل اخونك بالحرام لو اش ماكان
وانا متاكده انه الي صارت ف حياته مملك عليها او بيتزوجها و المشكله اسمها الاردني في سنابه وهذا الي اثبت لي اشياء كثير اليوم.. والقصه هي انه:
قبل فتره قالي انه عنده شغل ضروري جهة تبوك لازم يسافر هناك بالسياره على الحدود وضروري تكون السفره بالفتره الي انا حولد فيهاكانها صدفه و قالها يضحك انو كيف سبحان الله بوقت ولادتك 💔


وانا اليوم فيه شي صحصحني لما فكيت الخريطه اكتشفت ان الاردن هناك وهذا قصده يروح لها في نفاسي واتوقع يقعد شهر هناك!!! واظنه شهر العسل الي يحلم فيه من فتره
كيف الوحده تشوف الظلم وتسكت؟؟؟ يا اخواتي
كيف تشوف زوجها يعيش حياه بالخفاء و عايش الحب مع وحده نجسه مثله وتسكت!!!
انا اكثر انسانه نقيه معاه ونيتي شفافه ويعلم الله اني ما احب الف وادور ولو فراسي ضرر لاحد اجي اقوله اخاف من عذاب ربي
والمشكله انه ياخذ وضعيه الامام الخطيب قدام الناس و من وراي يلعب ويخذلني و يطعني ويسوي حركات الشيطان ماسواها😞

فيه تفاصيل اكثر لكني والله من كثر ما الموضوع تعبني وانا حامل مو قادره اركز ف اش الي بصالحي واش الي بيضرني صرت ماعرفكذبه من صدقه
صرت للاسف ماعرف احبه ولا اكرهه ولا ازيد تعلق فيه ولا ادعي عليه :(

هل تنصحوني اطلب الطلاق الان ف اصعب وقت لي و اعيش باقي عمري ب كرامتي؟؟
ولا تنصحوني ابقى معاه على الورق عشان بنتي والي ببطني..
ولا تنصحوني اسكت لما يعلنها بالعلن واتطلق

طبعا انا لا يمكن ارضى انه يتزوج علي رغم انه كثير يقول بيتزوج بس اهله مايسووها وكل قرايبه اذا عندهم حركات يروح يسويها بالسرمايسويها بالعلن

انا اليوم بين قرارين صعبه علي💔 واتمنى احد يخفف علي هذا الحمل الثقيل الي احس فيه اني اترك حياتنا تنهدم ولا انا ابقى طول عمريف العذاب الي احس فيه
انتظر ردكم لو كلمه بسيطه اتمنى اقراها وترتب افكاري 😢

وللمعلوميه كل يوم اجي انام اكون بكيت لين جفت دموعي
ولما اصحي كانه قلبي مقطوع احس اني ابغاه يكون حلم ولاصحيت اصدق انه واقع وانغبن زياده 😞 لاقولي حل يابنات قبل اموت منالقهر