ليششششش حظ البعض جواهر وحظ البعض الفضيحة ، تعالوا شوفوا<< معدل

ابي اتكلم عن واقع حال بعض البنات هلايام

انا بس ابي افهم ليش الكثير من الاهل يعاملون البنت على انها طفلة حتى لو عمرها 50 سنة ، يعني اذا كانت مو متزوجة يقيدونها في قيودهم و يحبسون على نفسها بحجة الستر و الحماية ، طيب ليش ؟؟

يعني والله اعرف بنات حسرة عليهن يتمشن لحالهم او مع صديقة ، التلفون حسرة عليهن ، مع انهن محتشمات و مستورات و اخلاق و مطيعات ، واهلهن حسب قولهم واثقين كل الوثوق طيب ليش كذا داعسين ع البنت مخلينها جالسة في البيت تعد ايامها و لياليها، اعرف بنات عايشات حياتهن طبه و طلعه، ويروحن السوق، و يتمشن ويزورن صديقاتهن ، و عايشات في عالمهن الخاص و مستورات و ما شاء الله عليهن ، الاهل هلايام من جد صايرين نقمة البنت ، بلاء ، صايرين بس يبون يكسرون البنت، بس يبون يطبقون على نفسها لحد ما توصل لمرحلة تقول الحقووووووووووووووووووووني ابي زوج ابي رجال، وطبعا كالعادة حظك نصيبك يا اما يجي زوج يخاف الله و يعاملها بما يرضي الله ساعتها تكون خلص من القيود المتخلفة الي لا تطابق لا لدين ولا اسلام و لا عرف وشعائر الله ،

او يجيها زوج اضرب من اهلها و يتم الطلاق ، ويرجع كلشي زي اول بس هالمره اكثر من قبل لانها مطلقة ، ما يعاملونها كانثى راشدة ، لها عقل ، لها قيم ، كرامة، لااااااااااااااااا والف لا ، لو تكون ملاك راح يعاملونها على انها طفلة بدون وعي بين ليلة وضحاها يمكن تعمل شي غلط يمكن يبدر منها شي ، يعاملونها كالروبوت لفي يمين لفي شمال ، اجلسي ، اكل ، اشربي ، البسي هذا، حطي هذا، نامي .... الخ

انا بس ابي افهم وش وجودنه في هالحياة اذا حنا حاسات نفسنا مثل العبيد ، تحت تصرف الاهل و اوقات الطامه الكبرى انو الاخ يكون توه طلع من البيضه ولانه ذكر ، تعالي طيعي اوامره ونفذيها ب الحرف لانه هو الرجال الي عنده عقل الفاهم الواعي و العكس صحيح و حنا البنات الي بلا عقل الي ناقصات دين و مانفهم شي ، وعرضه لاي غلط و خطاء

و المصيييييييبة الكبرى انو هذا الشي الي ذكرته كله يتطبق فقط على المؤمنة الخلوقة بنت الحسب و النسب و الجاه و الي ناس كلها تعرفها وتعرف اخلاقها ،

اما البنت عديمة الحياء و الي كل يوم حاطه اهلها في مصيبه وموقف حرج ، هي الي ماخذه حريتها ، واهلها موفريلها سبل الراحة، ومخلينها تعيش كانسسسسسانة وليست عبيدة، ومخلين لها راي و اسم، وجهة نظر ومحترمينها كل الاحترام.

حسبي الله ونعم الوكيل