ليش 💔

ليش اذا زوجة الولد كانت طيبه ويدها بيد اهل زوجها ماحد يعبرها ويحترمها بس اذا جت قويه وساحبه عليهم يحسبون لها الف حساب ،،
اذا الزوج كان يحب زوجته وطاير فيها ومايرضى عليها اهله يخافون على زعلها ،، بس اذا الزوج مو معبر زوجته لو تنهان قدامه من اهله ماسوى شي ذي اهله مايحترموها ابدا ،،
ليش المعامله ماتكون بالمثل يعني الزوجه الطيبه يحترموها واللي ساحبه يسحبو عليها ،،
يعني وش ذنب البنت المحترمه اذا زوجها مايحبها واخر همه هي ؟
وربي اشوف هالشي في كل بيت حتى بيت اهلي زوجة اخوي اللي مو معبرها امي ماتحبها وتغلط عليها كثير اما زوجة اخوي الثانيه تخجل منها وماتسترجي تقول لها شي لان اخوي يحبها ،،وبالمقابل اللي امي ماتحبها تطبخ وتنزل باستمرار اما الثانيه تروح لاهلي فين وفيت ويادوب تسوي كيكه او تجيب جاهز ،،
ليش امي واغلب امهات الزوج مايعاملون كل وحده على حسب عطائها ،،
انا وسلفتي ازواجنا ماخافو الله فينا وام زوجي مو عاطيتنا ذرة احترام اما سيلفتنا الثالثه وربي بس يجيها خبر انها بتجي تجيها كهربه وتقوم تبخر وتمد السفره وانا وسلفتي نطالع في بعض كذا 😐 لا وجايبين قهوتنا معانا امحق قهوه ،،
زوجة عم زوجي قايمه بأمه من سنين وربي ان عمتها تعاملها معاملة الخدامه تتلفظ عليها قدامنا وزوجها يلعنها ويسبها ونسمعه !!! طيب ليش ماقدرو تعبها وخدمتها وشوي الا وسلفاتها جايين ولو تشوفون ام زوجها كيف شوي وتبوس رجلهم ،،
وهالشي موجود في اغلب البيوت الكل يشكي 💔
والا اذا الوحده قررت تسوي معروف لهم يصير فرض وغصب وترجع تلعن الساعه اللي سوت فيها خير ،،
يعني لازم الوحده تخالف طبيعتها وتتصنع وتصير قويه عشان لاحد يغلط عليها وتعيش محترمه بينهم !!!