ليش أنا كذا ؟؟ :( تعالي يا اختي خليني افضفض لك محتاجه لك

السلام عليكم

جيت افضفض يا بنات و ابغى وقفتكم معاااي..
و ابغى اعرف كمان مين من البنات مثل حالتي ؟؟ :icon33:
انا يا بنات ما احس بطعم للحياه ابغى اعيش و ما ابغى اعيش
يعني كدا من الاخر احس انو فيا اكتئاب بس مو متأكده
عشت من صغري في بيت كله مشاكل و احس انها أثرت فيا كتير
ابغى اتزوج مثل كل البنات و احيانا تجيني حاله انو مافيا اتزوج نهائياً
تقدمولي اكثر من 8 عرسان و رديتهم كلهم :44:
عمري الان 25 سنه و احس اني ما عشت حياتي مثل كل البنات
ما اخرج من البيت الا فين و فين
ما اروح السوق الا بطلعة الروح
ما اختلط مع الناس لان ابونا حارمنا نختلط مع الناس
كله من تحت راس امه و اخواته
حسبي الله و نعم الوكيل // كرهت شي اسمه زوااااج
نفسي اسكن في بيت لوحدي و اجيب زي دا الامور >> :04:
و اعيش مع زوج خلوق يحبني>> بس خوفي من الزواج يمنعني
لا تلوموني يا بنات اللي شفته من عماتي مو شوي :(

مشكلتي الحين زادت اكثر و اكثر

من يوم ما اصحى من نومي و انا بس افكررررررررررررررررررررر
اهملت شغل البيت و ما صرت اساعد زي اول :44:
و أمي مسكينه تحملتني كثييير بس مو بيدي
صرت عصبيه و ما اقوم في البيت زي اول و امي تزعل
و السبب قولوني متعبني و صابني كسل و خمووووول
وزني صار 87 بعد ما كان في الخمسين
ماعندي لبس اطلع فيه للناس و انا من يومي ما اروح السوق الا مره في السنه
خالتي ساكنه في الرياض جات تزورنا قبل 4 شهور لما شافتني جلست تعلق فشكلي
تقول كاني في الثلاثينات لييييش كدا يا بنتي و حسيت انها رحمتني
جابت لي كم لبس ماركة و شنطه ربي يسعدها
ما انسى ذاك اليوم قبل لا ترجع الرياض قالت لي لازم تهتمي في نفسك
انتي امورة بس يبغالك شوية اهتمام انتي لسة صغييره البسي و سوي شعرك زي البنات الخ الخ
انا انجرحت مررره من كلامها بس عارفه في قرارة نفسي انو كلامها مو تجريح عشان مصلحتي على قولتها
بعد ما رجعت و انا بس اصييييييييييح ليش انا كذا ؟؟؟
لي خمس سنوات ما طلعت عن احد عشان ما يعلقوا في لبسي اللي كانه حق امي
او ستايلي البايخ كلو من بابا ما يشتري لي الا برخيييص و اذا دخلت دكان لازم اقش كل اغراضي من نفس الدكان
و بكذا لوكي يصير بايخ و مافيه تنسيق
نفسيتي الان عدم ما احب اشوف احد و لا ابغى اتزوج شايله هم كيف اطلب من زوجي عمري ما طلبت من احد
امي انسانه سلبيه الله يسامحها ما كانت تطلب من ابوي حتى الفوط الصحيه ما كنت اشوفها تطلبها
مدري كيف كانت تدبر نفسها لما تجيها الدورة
ما تحبتطلب من بابا تقول لي ما ابغى اتمشكل معاه
طيب يا ماما انا بنتك لازم احتاج كذا كذا كذا >>اذن من طين اذن من عجين
اروح الجامعه من غير مصروف حتى لو ريال مافيه نفس الشي يوم كنت في المدرسه زمااان
مع انو راتب بابا 20 الف و هذا اللي مجنني
اذا صار لقرايبنا زواج امشي و انا لابسه تنوره طويله و بلوزه كاني رايحه المسجد :44:
المهم يا بنات بعد شهرين بنت خالتي اللي في الرياض بتتزوج مدري كيف بروح و ايش راح البس مررره شايله هم
اذا ما حضرت بتزعل خالتي و بناتها كلهم ستاااايل حاسه لو شافو شكلي بايخ راح يتضايقو من وجودي
<< الناس ما ترحم يا بنات اللي ما تلبس ماحد يقرب عندها

آآآآآآآآآه يا بنات

نفسي اموووت و ارتاح ولا انو احد يشوفني بالحاله دي
يأست من حياتي استغفر الله بس:icon33:
شكلي مرره مو بنت 25 مع اني حلوة
ما احب اطلب من احد فلوس حتى لو من ابوي

بنااااات الله يسعدكم ساعدوني
قولو لي ايش اسوي كيف اتغير و كيف اعدل من تفكيري و شخصيتي و شكلي
نفسي اتغير 180 درجه بس مو عارفه من فين أبدا
ابغي انحف
ابغي اتزوج
ابغي بيت و نونو
ابغي البس
ابغي اخرج
ابغي اختلط مع الناس من غير خوف و قلق
ابغى احب نفسي
قلبي يعورني عالعرسان اللي رديتهم بس مو بيدي
انا وحده ما اتحمل مشاكل اللي شفته مو شوي
مو ناقصه اتزوج و اجيب لنفسي الضغط و السكر
بس ايش اسوي خايف على نفسي ..