ليش أنا لاء ليششش

اول شئ موضوعي مافي اعتراض على القضاء والنصيب

بس ابي افضفض .. انتم عارفين مجتمع شرقي وتحكمه العادات والتقاليد فطبيعي يكون عيب اني اتكلم هالكلام لامي او اختي او حتى صاحبتي


اللي حرك شجوني بها الموضوع ان الناس والدنيا والعالم تتحرك وانا مكانك سر

اللهم لا اعتراض

طبعا اقصد موضوع الزواج

يعني انا بنت وعمري قرب للـ 30 وما تزوجت ولا حتى انخطبت .. اتركوا الزواج على جنب .. بس ليش محد يخطبني .. بكون صريحة وبطلع كل اللي جواتي

انا وش فيني ليه محد يفكر يخطبني

مابي اقول انا حلوة وانا نسب وانا جاه لان هالكلام مايقدم ولا ياخر

الظاهر الحين تغيرت النظرات

قبل فترة وحده تقرب لي تطلقت ومعاها اولاد ماشاء الله 5 .. كلمت امي تقول خطبوني 4 وكلهم مو متزوجين بس انا مابي ابغى اربي عيالي

ياحسرتي على نفسي .. انا ما احسدها حاشا لله الله يكتب لها الخير والتوفيق لكن انظر بنظرة شفقة لنفسي

ووحده ثانية برضوة تقرب لنا وارملة وعندها اولاد والاسبوع اللي راح تزوجت زوج كفوؤ وبسنها

ليه انا لا .؟
انا فيني شئ ؟

والله لو حنا من عائلة يكثر فيها السحر قلت يمكن مسحورة لكن ولله الحمد قرايبنا ناس طيبين وانا سبق وقريت عند اكثر من شيخ ومافيني شئ طبيعية

لاتجي وحده تقول لي اشغلي نفسك بشئ والتهي عن الزواج انا صار لي سنين اشغل نفسي واعطيها أمل اني قريب بتزوج والتهي لكن ..الله يعين ويصبرني

والله انا مايذبحني الا نظرة الناس .. اكيد نظرة الناس تهمني لاني عايشة بوسطهم .. وبصراحةما الوم احد لما يسئل ليه ماتزوجت للحين

لانه امر محير فعلا .. انا ما انخطب .. محد يطق بابي .. الوحيده من خواتي وبنات خالاتي اللي وصلت هالسن وماتزوجت

صديقاتي .. قريباتي ...اللي قدي واللي اصغر مني عيالهم يدرسون بالمدارس

وانا اشوف نفسي يوم بعد يوم اذبل ومابيدي شئ

قريباتي الصغيرات يقولون لي ببراءة .. انتي متى بتتزوجين ؟ انتي ليه ماتتزوجين

ما الاقي رد ..

لكن .. الله كريم


دعواتكم دعواتكم دعواتكم