صبحكم الله بالخير
يابنات انا ودي اعرف ليش اتغير لما اروح لاهل زوجي!
انا بطبيعتي اجتماعية /هادية /بسيطة /كلامي بسيط و قليل / استمع اكثر مما اتكلم زين،،؟
ولما انزل لاهل زوجي مدري شيصير فيني احس ماعرف اسولف!
ماادري يمكن لان سلفاتي 3 و كلهم خوات ماشاء الله وحدة اجمل من الثانية ماشاء الله تبارك الرحمن
ماادري هل احس بالنقص لما اشوفهم و اتغير و يصعب علي اخذ واعطي معهم او مدري شيصير فيني!
وام زوجي تمووووت فيهم خصوصا الكبيرة و الباقيات دايم تمدح بجمالهن قدامي!
ومرة تلمح قالت احنا نحب الانسان المرح مو الكاتم! وانا والله هذي شخصيتي مرحة و بسيطة لكن يمكن تبيني مثل باقي السلايف لكن مدري شيصير فيني اذا جيتهم حتى ام زوجي معرف اسولف معها الا اذا سولفت ارد على قد السؤال!
مع اني ماانزل لهم الا لبسي مرتب و ميك اب خفيف و بنتي كاشخة🌺
وهي تحب عياالهم و تخمخمهم و بنتي تكسر خاطري احس فيه فجوة بينها وبين جدتها مدري ليش😒
سامحوني كلامي مبعثر
#مجرد_فضفضة
اللهم صل على محمد صلى الله عليه و سلم
قمورة 3 @kmor_3_1
عضوة فعالة
يلزم عليك تسجيل الدخول أولًا لكتابة تعليق.
قمورة 3
•
استغفر الله و اتووووب اليه
قمورة 3
•
وانا غالبا ماانزل الا معي حلا و انزله لهم نتقهوى عليه واحاول نفلها و نسولف لكن احس مازال تعاملهم معي غير عن الباقي!
مريم يحي
•
فديتك يا قموره ما عليك مع الأيام بتزيد العشره بينكم وتتغير علاقتكم ببعض بس لاتسمحي للشيطااان يدخل بينكم أن مايحبوني ولا يحبوا بنتي ولا هالافكار لاتخلينها تطري على بالك والله مع الأيام بترتاحييييي مره معهم
اقولك شيء ، صدقيني كذا احسن. لو زاد كلامك يمكن تصير مشاكل او حساسيه بينكم. خلى كلامك بسيط وذوق. بدل الكلام الزايد اللي ما منهه غير مشاكل. شوفي كثير من العضوات يشتكون من اهل ازواجهم وتعاملهم معاهم. واتبعي المثل اللي يقول من خاف سلم. ي زين البنت إذا كانت بسيطه وكلامها قليل احسن من الثرثره. طبعا انتي شاركيهم بالكلام القليل والمفيد. اما بالنسبه لبنتك اشتري لها هدايا وخليها تعطيها الجده ،، او مثلأ إذا دخلت وسلمتي وجلستي قولي لبنتك روحي بحظن جدتك سلمي عليها. بس نصيحه طبعا مره حلو. لا تغيرنه خليك كذا.
ماادري هل انتي صادقه بموضوعك او قاعده تالفين عموما برد عليك
الحين معرفك قموره وتقولين اقلهم جمال !!!! كيف تجي ذي
عموما كيف حكمتي انك مو جميله وانهن سلفاتك احلى منك كان كاتب الموضوع اهل زوجك او خواته وهن السمر المروحات وانت السندريلا بينهم والبيضاء والشقحاء
عموما لو كان صحيح ماقلتيه ليه حكمتي انك اجمل منهم؟؟؟؟؟ وايضا ليه حاطه في بالك ام زوجك تمدحهم لانها معجبه باشكالهن ؟؟ يمكن معجبه بالدراهم اللي بيدهن او لها مصلحه معهن او منفعه ....
انا بعلمك شي الجمال لايقدم ولاياخر انا جميله مقرود حظي ومطلقه ومريضه جدا وعندي عيال
لاتحسبين انه الجمال هو اهم شي بالدنيا((( الصحه اهم والعافيه )))
والشي انتي منبهره بسلفاتك لانه ام زوجك تمدحهم ودائما غالبا الوحده لو هي قمر بس ماعندها ثقه بنفسها تحس نفسها الشينه واللي حولها اجمل منها او بسبب مثلا بعضهن تحطيم اهلها وكرههم لها واخوانها انتي شينه لو هي جميله كجمال يوسف وماخذه الجمال الباهر
الحين معرفك قموره وتقولين اقلهم جمال !!!! كيف تجي ذي
عموما كيف حكمتي انك مو جميله وانهن سلفاتك احلى منك كان كاتب الموضوع اهل زوجك او خواته وهن السمر المروحات وانت السندريلا بينهم والبيضاء والشقحاء
عموما لو كان صحيح ماقلتيه ليه حكمتي انك اجمل منهم؟؟؟؟؟ وايضا ليه حاطه في بالك ام زوجك تمدحهم لانها معجبه باشكالهن ؟؟ يمكن معجبه بالدراهم اللي بيدهن او لها مصلحه معهن او منفعه ....
انا بعلمك شي الجمال لايقدم ولاياخر انا جميله مقرود حظي ومطلقه ومريضه جدا وعندي عيال
لاتحسبين انه الجمال هو اهم شي بالدنيا((( الصحه اهم والعافيه )))
والشي انتي منبهره بسلفاتك لانه ام زوجك تمدحهم ودائما غالبا الوحده لو هي قمر بس ماعندها ثقه بنفسها تحس نفسها الشينه واللي حولها اجمل منها او بسبب مثلا بعضهن تحطيم اهلها وكرههم لها واخوانها انتي شينه لو هي جميله كجمال يوسف وماخذه الجمال الباهر
الصفحة الأخيرة