بالنسبة للي يقولون له الحق في ابوه سبحان الله ماصار الحق غير لما ابوه تزوج وين هالحق لما الاب كان عزابي وحر ومو مرتبط باحد وكان مافي عنده مسؤولية غير الولد
واحلى شي الأم ماتبيه مو غصب مرة الاب غصب وهي مالها علاقة فيه بس الام بكيفها مو غص
ولا لما الاب يكون عند اهله يكون طليقته لا م تربي الولد امه جدته وعماته مالهم شغل ولما يتزوج يصير هو المسؤول وزوجته لازم تتحمل ما احد قالها تاخذ مطلق
هي تزوجت الاب وابنه مو عنده لو عنده ومسؤول عنه وهو اللي يشوفه ويهتم فيه كان ايه بس تزوجته وهو مو عنده
من كم تجربة حولي لحريم تزوجو مطلقين وعندهم عيال لما الطليقة تكون بنت حلال يكونون العيال تمام لما عكس يكونو العيال عكس
في واحدة تزوجت مطلق وعنده عيال وهي جابت عيال ام عياله توصيهم على ابوهم وزوجته والعيال تقولهم اهتمو بباخوانكم ساعدو خالتكم فيهم لما تروح السوق تجيب لعيالها شي تاخذ قطعة او لعبة لاخوهم من ابوهم والعيال مؤدبين والاب والزوجة والطليقة عايشين بسلام وحبون خالتهم حب من كل قلبهم وهي تحبهم وتهتم فيهم ومرات بالليل ينامون عندهم بالسرير جمب ابوهم مع انهم مو صغار بالابتدائي
وفي ناس طليقاتهم اعوذ بالله منهم شريرات ومكيودات والعيال مثلهم قليلين ادب وعايشين بمشاكل الزوج والزوجة والطليقة العيال وكل المعروف راح حتى في واحد تربى كل عمره عند مرة ابوه ولما كبر درس بره راتبها وراتب ابوه تصرف وتعلم وتربي وبالاخير انكرها وعاداها ورجع لامه
فهي بصراحة مو مجلورة تضغط على نفسها عشان أحد اللي خربه مسؤول عنه يرجع يربيه له اربع سنين عند امه خربته وتجي هي تربي مو مسوولة عنه بشي عليها تخاف الله فيه وما تظلمة وبس مو مجبورة لاتدرسه ولا تنظف وراه ولا شي ولو سوت احتساب للاجر فهاذا راجع لها
وعموما هذا رايي الشخصي اكيد في ناس يختلفون معي فيه
انا من ناحيتي ما جربت لا عندي عيال ولاتزوجت واحد عنده عيال
لكن الامهات مرات ينفذ صبرهم من عيالهم وهم من لحمهم ودمهم
لازم نعذر اللي ماتقدر تتحمل عيال مو منها وامهم مسؤولة عنهم

مثل ماقلتلك بالردالاول حااااااوريه ناقشييييه اغريييه بالهدايا والمكافأت علميه الخطأ والصح
فهميه ان الله يسمع ويشوف كل شي ويعرف وش تفكر
امدحيه واثني عليه وانت رجال البيت وتنتبه علينا
انفخخخخخيه شوي بالمدح
وفهميه ان الرجال القوي هو اللي يحترم الناس ومايأذيهم ويحب اهله ويرحمهم
ومايضرب اخواته
ويسمع النصيحه
وباذن الله مع مدحك له وحواراتك معه بيهدا

طيب ي اختي مدام الولد اعترف لك بكل شي معناته على نياته والله لو فيه خبث وعارف كيد الحريم كان خبى عليك وماتكلم على امه كذا
هو ممكن تربى خطأ انصحك تصفي نيتك عليه وطولي بالك وارجعي عليمه الصح من الغلط و العبي معاه وقولي لابوه ان زيارته لامه تخربه يعني لا يزورها كثير واذا زارها ورجع اجلسي معاه وخليه يفضفض اش قالت له امه وصححي المعلومات قولي خطأ وعيب وكيذا
الله يعينك..

الولد كيااااااد واليوم جمعه عساني اظلم نفسي اذا ظلمته وخبيث اصلا يطلع من عندي يقول لابوه خالتي سوت وفعلت وقالت لي وكلام وسخ وصرت حياتي على اهبة الاستعداد بس ماعندي شغل غير ابرر وادافع عن نفسي والله صحتي راحت ووجهي ذبل حسبي الله فيهم كلهم والهدايا والله ماقصرت والنفخ انفخه وامدحه واطيره السما وفي الاخير كاني نثرت مويه في رمله ولا مبين فيه امه حشيته حشي مضبووووووط وحتى ابوه يوم اكتشفت على حقيقة يقول سبحان الله دجاجه وفرخه ولده نسختها بالافعال والكيد والله كسر بيتي وخرب غرفة الضيوف حقتي والله بيتي كله صار عدم بس من جاني كوالين الابواب العاب بناتي اللمبات الاسره المكاتب حتى المطبخ تلبش فيه واضحه مقصوووووووده ولا جيت تهاوشيه يايزغر بعيونه ويشد نظره فيك يا يسوي سالي ولا فضه قلبها ابيض والمشكله كاااالرهني انا وبناتي وحتى ابوه عارف طيب وديه لامه يقوله فاسده طيب اقطعه من زيارتها يقول نفسيت وولدي اي ولد الي والله كانه رجال بنظراته شي يخوف ودايم ابوه يقول عنه فحل مو طفل لانه شايف بعينه طيب ايش ذنبي والله كرهت بيتي وزوجي والسبب ولده

كثىرررررررررري ياقلبي الاستغفار وبإذن والله راح تفرج
الله يعينك وييسر أمرك يا غلاتي ويفرج كربك ويزيل همك ويطعمك من خير الولد ويكفيك شره إن كان فيه شر