ليش احنا مغرورين بالغرب

والله انا مايهمني لا عادات وتقاليد .. اهم مايهمني
الدين و عزنا بإسلامنا .. و الغرب فعلا افضل مننا بمراحل
اللي بيقلد الاكل والشكل و الاشياء هذي فهذا يدل
على انه انسان سطحي وتافه ..
اتمنى نكون زيهم ببعض امورهم زي التعليم ، الهندسة
التقنية و مثلا الاعتماد على النفس و حس المسؤولية
عندهم كذلك القانون عندهم مايخلي احد فوق احد
و حفظهم للحقوق المدنية لكل الاشخاص من كل
الاعراق .. المشكلة هذا كله باسلامنا ومن ديننا
ان كل الناس سواسية و مافي فضل عربي على اعجمي
او غير ذلك .. لكن تعالي شوفي مجتمعاتنا العربية
للاسف كل شخص من جنسية ثانية يهين
اخوه المسلم و اساسا تلقين بالبلد الواحد تقسيمات
و طبقات زي عندنا قبيلي خضيري هذا اسمر هذا ابيض
هذا حضري هذا بدوي هذا طرش مدري ايش
وتعصب لكل شي .. لكن ارجع واقول الغرب مو كل شي
عندهم بيرفكت لكنهم افضل منا بكثير اشياء
و سلامتك

انا ماراح ازيد ع كلام الاخت الي فوقي ^^^^^

بس فعــلا الغرب افضل مننا بأشيــاء كثيــــره كالتعليم والتقنيه والاختراعات وغيرررهااا حتى عنصريه عندهم مافي
نحن ماشاء الله تعالي شوفي وطبعا سلامت الطيبين ما اعمم ع الكل ( لا فرق بين عربي و اعجمي الا بالتقــوى )
بس ما اقول اله الحمدلله ع نعمت الاســـلام



لا اله الا انت سبحانك اني كنت من الظالمين ****

اللهـم لـك الحمــد كمــا ينبـغي لجـلال وجهــك وعظمــة سلطــانـك ****

هذا حال الحضارات من زمان الغالب دائما يهزم المغلوب ..

يقول ابن خلدون في مقدمته الشهيرة : (( المغلوب مولع ابدا بالاقتداء بالغالب , في شعاره, وزيه , ونحلته , وعوائده )) .

ويبين ابن خلدون ان الذي يقلد غيره انما هو الضعيف والناقص والمغلوب والجاهل!

فقال : (( ولذلك ترى المغلوب يتشبه ابدا بالغالب في جلسته , ومركبه , وسلاحه , في اتخاذها واشكالها , بل وفي سائر احواله . وانظر ذلك في الابناء مع ابائهم , وكيف تجدهم متشبهين بهم دائماً , وما ذلك الا لاعتقداهم الكمال فيهم , حتى انه اذا كانت امة تجاور اخرى , ولها الغلب عليها , فيسري اليهم من هذا التشبه والاقتداء حظ كبير ))أنتهى
.

بالرغم أن ديننا الأعز والأشرف وأمرنا بالعلم ..لكننا للأسف أصبحنا من المغلوبين!

الاكل واللبس مايهم صراحة كلو يرجع لذوق الشخص
بس فعلا الغرب افضل مننا اتمنى نقدر نوصل للعلم والتطور اللي وصلوله اتمنى نطور تفكيرنا ونسوي جامعات بمعاير عالية ودراسة صح زيهم
واهمممم صفة عامة اتمنى ناخدها من الغرب عدم التدخل في شوؤن الغير وحرية الرأي
طبعا كل مجتمع فيه السيء والجيد بالنسبة ليا المحاسن اككككثر ..المساوىء الاغلب تكون شخصية ودا الشيء مابيعنيلي
المفروض نقتدي بالكويس ونسيب البطال

انا انظر للغرب انهم اقوام لهم عاداتهم وتقالديهم واشكالهم وقالبهم وجنتهم اللي خلقها الله لهم ..
انا انظر للغرب كمسلمه تنظر لهم بنظرة الرحمه والشفقه والدين والسلام اللي ينظر لها كل مسلم لانهم في حياة تفتقر للدين والايمان عزوجل والقيم الانسانيه
خصوصا في مسالة العلاقات والخمور والزنا كل شي عندهم مباح لنضع مسالة اللباس جانبا
يكفي انهم اقوام لايصلون لايذكرون الله لايتطهرون من ذنوبهم لايتبعون الدين الحقيقي وهو الاسلام
نعلم انا هناك مسلمين لايطبقون الدين حرفيا ولكن انهم مسلمون وفيهم ايمان ويقيمون الشعائر وهو الصلاة لانها اهم ركن من اركان الاسلام بدونه يصبح كافر
وهناك من العرب لايطبق الاسلام وانما ينتمي له وذلك لانه لايصلي فيدخل والعياذ باالله بالكفر
وهناك من يدخل الدين له في مداخل ويجعل كل حلال حرام وكل حرام حلال
ولكن لاننكر
انا الغرب عندهم امور تفوقوا بها علينا في مجال التقنيه وفي مجالات اخرى وفيه من الغرب من يتعامل مع الناس افضل من يتعامل مع المسلم مع اخوه المسلم
بس هناك نقطه اكرهها جدا جدا جدا في الغرب انهم ينظرون للمسلمين وخصوصا الغرب بانهم ناس يستبيحون الدماء وارهابين والعكس كذلك نرى انا اكثر من يذبح في الوقت هذا المسلم
الغرب فقط ينقصه الدين الاسلامي هنا يصبح الغرب المشرق بدل ان يكون الغرب المستشرق
انتهى ....