وشعليك من كلام الناس انتي اللي بتحملين وتربين وشدخلهم عمرك ٤٠ وله ٦٠ عيشي حياتك كآنك ام ٢٠ ولايهمك احد وثانيا شوفي الاجانب والممثلين كلهم ماجابوا عيالهم الا على كبر البشره مجعده وحوامل وصورهم مليانه النت وبكل فخر وهم يعيلون بهالعمر يشووفنه عمر النضج وبالعكس ام ٤٠ صغيره موكبيره من قال !! لصرتي بالستين ضناك بالعشرين شاب وبتعرسينه وانتي بالستين في هالزمن كآنها ام ٤٠ فلا تنظري لكلام الناس وشوفي النبي زكريا اعطاه الله يحيى وهو وزوجته كبار في السن ومذكور في القران ماهو عيب ولا حرام وهذي عطيه رب العالمين جيبي وربي ولايهمك احد يعني الحين اللي تزوجت ام ٣٠ او ٢٠ وحملت واهي عمرها ٤٠ تعتبر سوت شي حرام وغلط وعيب !!!!

حبوبه الكلام اللي كتبتيه سمعتيه فيذا المنتدى ..؟ متأكده انتي ؟
غاليتي كل البنات هنا يساعدون بعض يشهد الله ماعمري شفت وحده متأخره بالحمل وتقدمه في العمر
غير يشجعونها العضوات ويطمنونها واكبر دليل ردود البنات عليك الحين
لكن لو في منتدى ثاني هذا شيء اخر
بالنسبه للعمر .. عمر الاربعين تزيد فرصة الخصوبه عند السيده وتزيد فرصة الحمل بالتوأئم عقبالك يارب
امي حملت توام في عمر 44 ماشاء الله تبارك الله وخالتي حملت وعمرها 50 و وحده اعرفها عز المعرفه عمرها 48 وحملت
والثانيه عمرها 46 ومركبه للولب ماتبي تحمل لو تنزله راح تحمل ماشاء الله
هذا كلام حقيقي .. ماادري مين خليتيه يحبط معنوياتك كذا ..؟

ماقول غير الله لايحرمني منكم ولو ماعندي خوات الله عوضني فيكم قلوب حلوه وفعلا لو خليت خربت ماتتخيلون مرتفعه معنوياتي من امس من بدت الردود من شكيت همي هنا بعد الله الله يجزاكم ألف الف الف خير وعساني منحرم من كل وحده دخلت وكلفت خاطرها وكتبت وعطتني من وقتها عسى ربي بخليكم ويسعدكم ويشرح صدورهم ويحقق لكم كل ماتتمنونه يارب ياكريم ويخليلكم كل غالي صحيح الكلمه الحلوه صدقه مل البسمه في وجه المريض عسى ربكم يجزاكم ألف خير وابيكم تدعولي كل مادخلتم موضوعي أو ذكرتوني دعواتكم يالغالين الله يسعد أيامكم وسنينكم

من قال انك كبيره هذول خوات زوجي الي عمرها 44 و45 وخصوبتهم اقوى مني مو شرط وبعدين كل عمر له رونق وجمال خاص لاتيأسي حبيبتي الارزاق كلها بيد الله واهم شي اهتمي بنفسك السمنه هي الي تاخر الحمل لازم رياضه واكل دايت هذا الكلام للجميع

الله يرزقني واياكم