ليش الأخوات تغيروا

السلام عليكم ..توني يابنات اصدقكم لما شفت بعيني كيف الأخوات يتغيرون على اختهم كنت اقرى هنا وماكنت أصدق كنت أقول كيف أخت تتغير على أختها ... المهم اللي صار اني جلست عند أهلي من بداية رمضان عشان زوجي مسافر والله يابنات اني اشتغل مع خواتي واصرف واتصل ع البقاله واجيب لهم وأقوم الظهر بدري قبلهم أفطر عيالي عشان اذا قامن مايشغلوني عيالي ويخلوني اشتغل ويروحن يصلن التراويح وأقوم انظف البيت وأي شي عيالي يخربونه ازينه والله اني أقوم من اكلي وأصلح الشي اللي خربوه وارجع يعني أبد مافي سبب أنهن مايجلسن معاي ولا يكلمني واذا سألت وحده منهن تجاوب بهواش والله انه يحز بخاطري ليش ابي أفهم وعندي ولدي صغير يجي يقرب من وحده منهن يبيها تلاعبه والله والله يابنات اني سمعتها تقوله انقلع عني وتدخل غرفتها وتسكر الباب بوجهه واذا صاح محد يروح يشوفه أكون مشغوله مع الباقين أو بشغله ومره كان يصيح قالت امي قومي شوفيه يافلانه قالت خليه يبكي عادي مدري ليش أحس اني انا وعيالي ثقيله عليهن بالمقابل زوجه اخوي وعيالها تسمعين الضحك والسوالف والقهوة والحلى ... وما خفي أعظم لاتقولون لي حساسه والله يابنات انه شي قدام عيني يصير ابوي يتضايق من عيالي ولاحتى يسلم عليهم طيب عشان خاطر بنتك جامل وبس مع عيالي تعالي شوفيه مع عيال اخوي أو اقاربنا أو بنات عمي شخص ثاني. . انا شايله هم العيد زوجي بيسافر ولاراح ياخذني معاه يقولي إجلسي عند أهلك مدري وش أقوله صعبه أقوله انا ماارتاح ابي اجلس ببيتي أهله وش بيقولون وهو وش راح يقول ماتبي أهلها
أستغفر الله العظيم وأتوب إليه وربي ضايقه بي الوسيعه بس افكر