ليش الأم تعامل البنت الكبيره كذا

مادري امي انا بنتها او عدوتها
تخيلو
ضرسي متكسر ويوجعني لما رحت
اشوف وش احتاج قالو لي لازم عمليه وجراحه
يكلف فوق ١٠٠٠ رفضت امي وقالت خوذي مسكن
او دبري من وين ادبر وأنا الوظيفه ولا شي !!
والمصيبة ترفض ان أبوي يدفع لي شي
بالمقابل بطاقة أبوي ٢٤ ساعه مع خواتي الصغار
اللي تسوي تنظيف وليزر وبروتين شعر
وجوالات اخر الأنواع بتقولون تكلمي مع أبوي
أبوي ماله شخصيه امي مسيطره عليه
اللي تقوله امي يمشي لو فيه ظلم لي
يعني انا حتى الشي المحتاجته ماتغطيني
وهو مدلعتهم اخر دلع
غير كذا البيت يصير وصخ ومتعودين ماينظف غيري
يعني تخيلو المطبخ يتملي مواعين وصخ واجلس ساعات انظفه وهم جالسين لما ارفض
أصير طالعه او شي أقول ماراح انظف المطبخ تصير مناحه وهو إش وسب وتنمو من امي علي
كاني شغاله عندها وكأني مجبوره انظف لها ولعيالها وبناتها بتقولون خواتك صغار
خواتي كلهم بالكليه ووحده بتخرج
بس مايعطون امي وجه وقويات انا ضعيفه
ورحوم يوم كنت بزر وامي لعبت بي عشان شخصيتي كذا
صرت اسوي الشي حتى لو رافضه عشان اسلم بس من من المناقره مع امي والتحطيم والكلام والسب
غير كذا امي لما خواتي يرفضون طلعه تقول كيفهم
دام مايبون كيفهم على راحتهم
تهمها راحتهم انا تضغظ علي لو رفضت قامت تسب وتلعن
وهالعجوز مثل تصرفات البزر تقولي
حاطتني عجوز عمري ٧٠ سنه وأنا ٣٠
احسها تغار مني يابنات دايم تبيني نفسها تبي تدخل
بحياتي تحب تكبتني تستمتع إذا دعست علي
وحرمتني أشياء احس تحس بلذه زي اقول امس
بجمع فلوس الجمعية واشتري سياره
انجنت جنون علي لا ماتسوفين من زين سواقتك
تناظرين اللي يعرفون تغارين يوم شفتي فلانه تسوق
تبين زيها يعني تبي تحرمني حتى من حقوقي
مع انها ماراح تدفع لي ريال بس لعانه علي
والمصيبة انها مع القيادة وتنبسط إذا شافت
قريباتي يسوقون واشترى سيارات تبارك لهم وتتمنى الخير وتقول كفو
طيب انا ليش كذا؟
تعاملني
هل فيها عقد تطلعها فيني؟
ولا لان يوم كانت صغيره مكبوته ومدعوس عليها
وتبيي أعيش نفس عيشتها
المصيبة لو تعامل خواتي مثلي
ماتكلمت لكن بس انا اللي تعاملني كذا
حتى خواتي لما يروحو ويسهرو عند صديقاتهم
تروح امي تصحي اخواني عشان يجيبونهم الفجر
انا لو بقولها بجلس لين ١٢انجنت من بيرجعك
وعيالي مو فاضين لك ينامون انطقي اقول بالبيت
وفيها مشكله علي بس تقارن بين البنات الآي بعمري وبيننا
يعني هذي تزوجت تجلس تتمسخر علي وغصب تبيني أصير ابي اتزوج اي احد مثلها
هذي ماتحب السفر تجلس تسبني وتقول شوفي
الناس وشلون مو مثلك
هذي مالها صديقات تبيني مثلها
يعني شغاله مقارنات علي بس تبيني بدون اس شخصيه
تبيني كل يوم بشخصيه مره شافت وحده مثلا
تزوجت شخص انا مستحيل اقبل فهي
تبني زيها
مره شافت وحده ماتحب لبس معين وأنا احي
هالبس تجي تقول شوفي يالعجوز مو انتي
وأنا نايمه أما اصحى تحصلها مقطعه جلدي
عند خواتي بالحش بدون سبب تطلع حرتها فيني
اي مشكله تصير لها انا بالوجه انا اللي تجلس تطلع كل نفسيتها فيني
لدرجه انفجرت صرت ماتحمل امي
حتى لما تحاول تكلمني بأسلوب مقبول ماتقبلها
هدمت شخصيتي كرهتني نفسي صح اندم وابكي وأروح أراضيها لكن من بكرا ارجع ازفت من قبل
لاحظت دايم الأمهات أما تدلع الكبيره
او تطلع عقدها فيها وتبيها نفس حياتها قبل
تبي تحرمها من كل شي وتتحكم فيها
بفهم ليش
قسم كرهت أني البنت الكبيره عشان هالشي