ليش الابواب مقفله بوجهي

مادري وش سويت بحياتي علشان كذا يصير لي
الحمد لله على كل حال
الحمد لله على كل حال
الحمد لله على كل حال




عمري 23 سنه
للاسف فشلت بدراستي الجامعيه كل صديقاتي خلصوا وتخرجوا ومتزوجات الله يوفقهم ويسعدهم
الا انا للحين ادرس وباقي لي بعد سنين علشان اتخرج بسبب حمل المواد
مو كسلانه لكن تخصصي صععب جدا اخطأت في أختياررره
وهالشي متعبني بقووووووووه احس خلاص ابي اترك الجامعه واجلس بالبيت
بس لما اتذكر ان مالي زوج يصرف علي وابوي الله يهديه مايعطيني ولا ريال
اقول لا لازم اتحمل واكمل والله يعيني ويصبرني ويعوضني ( لا تقولون غيري تخصصك لان صعب جدا ابدا من جديد )




ومن ناحية الزواج ولا عمررري انخطبت ولا حسيت اني بنت مرررغوب فيها
مادري وش ينقصني ؟؟؟
مو متشفقه على الزواج الا علشان طفل
ليلي ونهاري افكر بالاطفال ابي اصير ام تعبببت احيانا احس اني خبله اتخيل نفسي حامل !!
أي طفل اشيله ومايكون في احد احضنه واضمه واوبسه واتخيل انه ولدي !!
احب اشوف الاطفال واتأملهم !! لما اشوف ملابس الاطفال اتسائل راح يجي يوم واصير ام واشتري لعيالي من هالملابس !! ا
قول لصديقاتي انا اكره الاطفال وما احب ازعاجهم !! كل هذا علشان ما يشفقون علي وعلشان ما يخافون اني احسسدهم مادروا اني اتشفق عليهم


وفوق كل هذا محجوززه بين 4 جدران لا تمشي لا سفر لا طلعات كل ما قلت يا ناس ابي اطلع اغير جوو ارحومني قالوا اذا اعرستي اطلعي .. جتني حاله نفسيه من السجن اللي انا فيه ياااااااااارب صبرك يااااااب


حتى قروب الواتس صديقاتي شبه مهجوور وانا ما الومهم كل وحده مشغوله ب بيتها و ولدها


لكن انا وش انشغل فيه ؟؟؟؟؟ في التفكير ولا في البكي ولا في التحسر على الحال ياررربي لك الحمد


أحس بضياع أحس بوحده أحس بألم أحس بحرمان والله ما انام الليل الا ودموعي تارسه المخده
هذا غير بعض البنات اللي اعرفهم وخواتي اللي يخبون عني كل شي واتفه الاشياء من سفرات وطلعات علشان ما احسدهم وانا عارفه وساكته ومسويه ان تصرفهم مو قاهرني وانا اكتم بقلبي واكتم واكتم واسكت
آآآآآآآآآآآآآه دنيا تعبتني


كل شي مسكرر بوجهي الحمد لله على كل حال


مع اني اصلي واستغفر .. واحيانا اقرا البقرره بس ما استمرر


انصحوني علموني ارشدوني وش اسوي يأأأأأأأأأأأأأأأاسسست وتعببببببت