دائما افكر اقول هل حنا مبذرين ولا طبيعيين !!
الكل يتكلف سواء في العزايم والمناسبات نلقى البوفيه اشكال والوان وراعية العزومة جالسة تستعد للعزومة هذي من يومين ثلاثة هي وشغالاتها والكل مدهر مقبلات وسلطات واطباق رئيسية غير انواع الحلويات والمعجنات وووووواشياء ماتخلص
حتى لو تروحين تتقهوين عند وحدة لازم تحط لك حلويات مع القهوه ومعجنات مع الشاهي وتتفنن في كل شي
بعكس الاجانب عندهم بساطة اذا عزموا احد نلقاهم يحطون نوع مقبلات ونوع سطلة ووجبة رئيسية وحلى نوع واحد
وبعد كذا نجي نسأل ليه البيوت عندنا مليانة خدم طبعا ما ابري نفسي من هالشي لانها صارت ثقافة مجتمعنا لازم تحطين اشكال والوان اذا جوك ضيوف وتورينهم انك سنعة وراعية طبخ ونفخ
امهاتنا وجداتنا كانوا عايشين مثل عيشة الاجانب الي انا اشوفها طبيعية وفطرية ماعندهم تكلف والبساطة غالبة على اكلهم
حتى اخوانا العرب حياتهم بسيطة مو مثلنا انا عشت في الاردن سنة وشفت كيف بيوتهم مافيها خدم طبعا الغالبية منهم وكيف ضيافتهم من احلى مايكون بس ماعندهم اسراف ولا تبذير مثل الي عندها
عايشين حياتهم ببساطة وهذا الي يخليهم مايحتاجون للخدم وينجبرون عليهم مثلنا
احنا وصلنا لمرحلة ان الخدم صاروا اكثر عدد من عدننا وصاروا يتحكمون فينا ويرفعون اسعارهم خصوصا في المواسم مثل رمضان يوصل الراتب ل 3000 ريال كله عشان الطبخ والنفخ الي ماينوكل كله
امس كنت معزومة عند وحدة ماخلت شي ماحطته مسوية بوفيه وش كبره كله شغلها هي وشغالتها !!
وربي اني رحمتها وهي تقول لي اسبوع وانا استعد للعزيمة هذي كانها داخلة اختبار او حرب
بعذر الناس الحين الي مايحبون الزيارات ولا العزايم كله من الكلافة المادية و التعب الجسدي
على فكره انا وحدة ما استغني عن الشغالة لان مجتمعي كذا وما اقدر اكون اقل منهم لكن بداخلي اتمنى لو بيتي اصغر شوي ومجالسي اصغر و ضيوفي يرضون بالمعقول الي اقدمه لهم من غير انتقادات
موضوع للفضفضه وامنية انا نكون مثل العالم ونستغني عن الخدم ونعيش طبيعين في اكلنا وشربنا وحياتنا
أم النايف @am_alnayf_1
عضوة نشيطة
يلزم عليك تسجيل الدخول أولًا لكتابة تعليق.
ŁẴẐĮŹล
•
موضوعك وكلامك سليم الله يغنينا عنهم يارب
بس تعليقي ع الاقتباس
اذا عندك الرغبه بترك الشغاله لا تخلي الناس تتحكم بحياتك لا تخلي كلام الناس يغير تفكيرك
اذا الناس بتقدرك ع اكلك وتقديمك لهم اذا جوك صدقيني مايستاهلون هالتعب كله
الي بيجيك حياه ولكن يتقبل عدم الكلافه والتبذير
ولا لا يجي
وكلام الناس لا يودي ولا يجيب
بس تعليقي ع الاقتباس
اذا عندك الرغبه بترك الشغاله لا تخلي الناس تتحكم بحياتك لا تخلي كلام الناس يغير تفكيرك
اذا الناس بتقدرك ع اكلك وتقديمك لهم اذا جوك صدقيني مايستاهلون هالتعب كله
الي بيجيك حياه ولكن يتقبل عدم الكلافه والتبذير
ولا لا يجي
وكلام الناس لا يودي ولا يجيب
حنونه5
•
شوفي انا احب الجمعات وواثقه بنفسي ان شاء الله اذا تزوجت بعزم على صنف واحد حلا و طبق رئيسي و مقبلات نوع واحد بس
هذي طريقتي و بمشيها
خلي نوعياتنا تكبر و تكثر
السالفه ثقه حبيبتي مو شي ثاني
هذي طريقتي و بمشيها
خلي نوعياتنا تكبر و تكثر
السالفه ثقه حبيبتي مو شي ثاني
ياحلاوة الاجانب ..,,.. عيالهم ينظفون غرفهم ..يرتبون السرير .. يغسل الصحن اللي اكل فيه والكاس ويشيل اللي بعده .. يوصل لل10 ويبدا يستخدم الغساله ويغسل ملابسه ..يقوم للمدرسه بنفسه ..,,..
والرجال نفس الشي ..,,.. وش بقي على الام ؟؟!! تطبخ وبس ياسلااام .. ذاك اليوم مسوين مقابله مع زوجة اوباما واوباما في برنامج اوبرا ..بعد ما صار رئيس للولايات المتحده تخيلي بناتها للحين هم اللي يرتبون اسرتهم ويغسلون ملابسهم بنفسهم !! تقول امهم ان الرئاسه مهيب دايمه لهم وانهم لازم يتعلمون الاستقلاليه ويتعلمون كيف يعيشون ..
والله العقليه .. حنا اما دلع للعيال وعيب ولا يسوي ولا يشيل اليين يكبر وهو يحس نفسه السيد المتوج ..,,..على امه وعلى اخته وعلى زوجته وعلى كل جنس اسمه انثى وانه فووقها واعلى منها بدرجات وهي ادنى منه ومهما تعبت لازم تتحمل ومهما سوت ولا يقدر ولا يحس
والقهر لما يعصي الله ونخليه حتى فووق العصيان نقول :" الرجال شايل عيبه !!"" لهالدرجه وصلنا للاسف
عارفه طلعت من الموضوع لكن اساس البيت هم الاشخاص الي عايشين فيه ..
والضيوف اذا جو مره مهوب جايين كل مره ..
واللحين عاد دخلن البنات بالدلع <<مدري وش دخل الدلع في السنع !! حنا متدلعات وعندنا شغالات من صغرنا ومع ذلك نعرف السنع ونسوي اشغالنا ونطبخ ونغسل ولا تدخل الشغاله غرفنا اليين كبرنا .. والشغاله بس للشغل الخارجي والمسااعده ..
والرجال نفس الشي ..,,.. وش بقي على الام ؟؟!! تطبخ وبس ياسلااام .. ذاك اليوم مسوين مقابله مع زوجة اوباما واوباما في برنامج اوبرا ..بعد ما صار رئيس للولايات المتحده تخيلي بناتها للحين هم اللي يرتبون اسرتهم ويغسلون ملابسهم بنفسهم !! تقول امهم ان الرئاسه مهيب دايمه لهم وانهم لازم يتعلمون الاستقلاليه ويتعلمون كيف يعيشون ..
والله العقليه .. حنا اما دلع للعيال وعيب ولا يسوي ولا يشيل اليين يكبر وهو يحس نفسه السيد المتوج ..,,..على امه وعلى اخته وعلى زوجته وعلى كل جنس اسمه انثى وانه فووقها واعلى منها بدرجات وهي ادنى منه ومهما تعبت لازم تتحمل ومهما سوت ولا يقدر ولا يحس
والقهر لما يعصي الله ونخليه حتى فووق العصيان نقول :" الرجال شايل عيبه !!"" لهالدرجه وصلنا للاسف
عارفه طلعت من الموضوع لكن اساس البيت هم الاشخاص الي عايشين فيه ..
والضيوف اذا جو مره مهوب جايين كل مره ..
واللحين عاد دخلن البنات بالدلع <<مدري وش دخل الدلع في السنع !! حنا متدلعات وعندنا شغالات من صغرنا ومع ذلك نعرف السنع ونسوي اشغالنا ونطبخ ونغسل ولا تدخل الشغاله غرفنا اليين كبرنا .. والشغاله بس للشغل الخارجي والمسااعده ..
الله يعين لأن الأجانب يجمعون عشن يبنون مستقبلهم وحياتهم..واوضاعهم ماتقيبل انهم يكثرون مصاريف -ولهم اسباب كثيره.. لكن حنا اللهم لك الحمد من يوم ينولد الوآحد وهو مبسوط وعندنا خير ونعمة وفقعة بعد -- وحياتنا اللحين وعاداتنا غير مو زي أول الزمن تغير والناس تغيرت والدنيا تغيرت,,والمصاريف زادت اللهم لك الحمد,,الناس اللحي ماتمشي الا بالمظاهر ياليت نرجع مثل زمن أول ,,لكن ياليت ماتنفع بشي,,,الله يعين لأن الأجانب يجمعون عشن يبنون مستقبلهم وحياتهم..واوضاعهم ماتقيبل انهم يكثرون مصاريف...
والله ان الكثير منا يروح لراتبه على الخدم وهذا واقع
الرجال يشتغل عشان يجيب لزوجته خدامه
والزوجة موظفه وتدفع من راتبها عشان تجيب شغالة تريحها شوفي الناس الي ساكنين في شقق بيوتهم اقل شي فيها شغاله وحدة واعرف ناس عندهم ثنتين وحدة للطبخ والتنظيف ووحدة للاطفال وهلم جر
وياليت نرجع مثل اول حياة بسيطة ولافيها تعقيد
الرجال يشتغل عشان يجيب لزوجته خدامه
والزوجة موظفه وتدفع من راتبها عشان تجيب شغالة تريحها شوفي الناس الي ساكنين في شقق بيوتهم اقل شي فيها شغاله وحدة واعرف ناس عندهم ثنتين وحدة للطبخ والتنظيف ووحدة للاطفال وهلم جر
وياليت نرجع مثل اول حياة بسيطة ولافيها تعقيد
الصفحة الأخيرة
لكن حنا اللهم لك الحمد من يوم ينولد الوآحد وهو مبسوط وعندنا خير ونعمة وفقعة بعد --
وحياتنا اللحين وعاداتنا غير مو زي أول الزمن تغير والناس تغيرت والدنيا تغيرت,,والمصاريف زادت اللهم لك الحمد,,الناس اللحي ماتمشي الا بالمظاهر
ياليت نرجع مثل زمن أول ,,لكن ياليت ماتنفع بشي,,,