ليش الاطفال اذا جاهم النوم يبكون؟؟؟؟؟؟؟؟

فعلا حتى ولد اختي قبل ماينام يجلس يبكي ساعة لحد ماتمل مسكينة من الصياح بعدها يدخل في النوم بس انا اقول هذا نابع من عصبية الطفل نفسه لازم الام تقرأ على طفلها الايات افضل علشان يهدأ.

ليس كل الاطفال هكذا انا بنتي الكبرى كانت تنام بالمصاصة سهلة عند النوم
اما الصغرى فهي من هذا النوع
الان عمرها سنة افضل قليلا ولكن لست ادري متي ينتهي بالضبط

برأيي + تجاربي مع ابنائي (الله يحفظهم)

ان الطفل حسب ما تعودينه...اذا عطيتيه وجه وااايد (دلع ماصخ)
يتمادى وهذا الشي منذ الاسابيع الاولى لان الطفل ذكي جداً ويختبر
أمه الحنونة..هل تستجيب لبكائي؟؟
هل قلبها رهيف؟؟؟
وفي كل مره.....تسلم الجرة....الحمد لله صيحت وشالتني..
وبعدها..يتحول الموضوع عادة سيئة تستمر معاه العمر كله
حتى وهو كبير رجال.. اذا جتله النومه يقعد يصرخ ويعصب ..طيب فيك النوم
اذهب الفراش(السرير) الناس اللي حواليك شنو ذنبهم
فالطفل مسكين لا تعودينه على شيئ وبعدها تستغربين اذا ما عرف ينام الاّ بالوضع اللي اعتاد عليه
واذكر لكم قصة صديقتي بعد ولادتها بشهر قدر الله واشتروا سيارة جديدة ..ومستانسين(الزوج بالذات) على السيارة وكل ما اشتد بكاء الطفل اخذوا في لفه بالشارع (الاب السعيد + الام الحنون تمسك بالطفل ) سعيدين بالمولود وبالسيارة مره يتعشون ومره يتمشون ..مرة..مرتين ..خلاص
المحروس(طفلنا الرضيع ) اعجبته السالفة.....
يا ذا المصيبة..الى متى هذا الحال؟؟؟!!!
انا تعرفت عليها (بامريكا أيام الدراسة) وكان طفلها عمره سنه.....كل يوم الساعة العاشرة يخرجان من المنزل وبكاء الطفل ملأ الدنيا حتى اوقفهم ذات ليلة الشرطي الامريكي(الله يكافيكم شره- يخرّع) وقال لهم ....انا قد سجلت ملاحظاتي بقسم الشرطة فارجوا ان تراجعون (المركز) لبيان
سبب بكاء الطفل وسبب خروجكم اليومي به بالسيارة تتجولون دون هدف
وفعلا راجعوا وتفهموا الموقف وحولوهم لطبيب الاطفال وسجل لهم...(مـــــاء غريـــب) المعروف في بلادنا العربية.....وانتهت القصة....بادمان الطفل عليه لمدة 6 شهور ونسى التجوال بالسيارة ........ :)

هذي نفس مشكلتي

طفلي يصيح ويملأ البيت صراخ وبعدين ينام .. ولازم أشيله وألف فيه وأغني له لين ما ينام .. أحيانا تطول هالمدة وأحيانا تقصر .. وبصراحة ماعرفت شو أسوي له .. هذي الحركات صارت مؤخرا يعني من أسبوعين تقريبا .. وأحس إنه كل فترة يبتدع لي طريقة جديدة في كيفية استعداده للنوم
في البداية كان ينام على الرضاعة الطبيعية فقط حتى لو شرب صناعي وشبع ما بينام إلا إذا كان صدري في فمه .. وبعدين صار ينتهي من الرضاعة ولازم أشيله ويحط راسه على كتفي وينام .. أما ألحين فبالصراخ والنياح والهز واللف وبعدين ينام وهذا كله وهو توه مكمل 3 شهور .. الله يستر من الفترات الياية