كليوباترا الشام :

شوفي انا مو اماارتية وكنت متلك استغرب حتى سافرت الامارات وشفت شو مقدم لشعبه وشلون عز اهل بلده قبل اي شي لنفسه وحسيت انه فعلا يستاهل كل محبة واحترام وصدقا لما تحكي مع الاماراتية ويحكوا لك شو قدم لهم تقولي سبحان الله على هالانسان شو مميز وفعلا متل ما وصفوه بانه مختلف عن كل الحكام العرب

شوفي انا مو اماارتية وكنت متلك استغرب حتى سافرت الامارات وشفت شو مقدم لشعبه وشلون عز اهل بلده قبل...

دلة المزايين :

الشيخ زايد ماله مثيل........ الله يرحمه ويغمد روحه الجنة ويجعل قبره روضة من رياض الجنة لو اقولج على مواقفه ويا شعبه مابتصدقين إن في رئيس دولة بهالتواضع والكرم والجود مرة أستاذ مصري كان رايح صوب المدرسة اللي يدرس فيها واختربت عليه السيارة... وهالكلام من سنين طويله قبل ماتستوي هالشوارع في البلاد.... وفجأة وقفت سيارة حذاه ونزل منها ريال متلثم وقام يحفر عدال تواير السيارة عشان السيارة كانت مغرزه في الرمل وقام يحفر ويحفر وما اهتم إن ملابسه تتوصخ... كان كل همه يساعد الريال..... وأول ماخلص شال اللثام عن ويهه وسلم على المدرس... والمدرس مصدوم من اللي يشوفه لأن اللي حفر وخوز التراب عن سيارته كان شيخ البلاد... الشيخ زايد الله يرحمه....... بعد ماسلم عليه سار عنه والمدرس من الصدمه ماقدر يتحرك من مكانه.... وعقب نشر هالقصه عشان الكل يعرف عن تواضع هالانسان..... وهالقصه معروفه عند الكل ومره مذيع سوا وياه لقاء...... كان أظن مصري أو سوري والله ما أذكر جنسيته..... بس ما أنسى هاليوم اللي سمعت فيه هاللقاء...... المذيع سأل الشيخ زايد الله يرحمه وقاله: انت موفر حق شعبك كل شي.... عطيتهم أراضي وبيوت ومنح ماليه وكل شي في البلاد مجاني وفوق كل هذا تعطيهم أكثر وأكثر وتبنيلهم وتسويلهم..... إذا كنت تسويلهم كل شي هم شو بيسوون عيل؟؟؟؟ ماتخاف إن هالشعب يطل شعب إتكالي؟؟؟؟؟ شو تتوقعون رد عليه؟؟ سأل المذيع: انته متزوج؟ قال المذيع: نعم، قاله: عندك عيال؟ قال المذيع: نعم، قاله: تحب عيالك؟ قال المذيع: بكل تأكيد، قاله: هالحب يخليك تسويلهم كل شي وتوفر الحياة الكريمه وتلبي رغباتهم واحتياجاتهم، قال المذيع: طبعا هاذيلا عيالي... قال الله يرحمه: وكيف ماتباني اسوي هالشي حق عيالي.... شعبي هم عيالي وراحتهم من راحتي قسما بالله إن هالكلام محفور في بالي لين هاليوم مع إني سمعته من 7 سنين في الإذاعة والله إن يوم وفاته من أقسى الأيام اللي مرت علي في حياتي.... ماتم حد ماحزن وماذرف دموعه عشانه... حتى أختي الصغيرة اللي كان عمرها 4 سنوات واللي ماتوقعناها تفهم يوم عرفت تمت تصيح.... وفاجئتنا بكلامها يوم قالت وبكل براءة وبدون ما أي حد منا يعلمها شو تقول: بابا زايد مات، أنا وايد أحبه والله بيدخله الجنة لأن كل الناس تحبه هذا الكلام طبعا ولا شي من بين كل الأشياء اللي سواها حقنا......... المواطنين والوافدين يحبونه لأسباب وايد ولو تميت أعدد شو سوا عمري مابخلص الله يرحمه برحمته الواسعه ويغمد روحه الجنة......... اللهم آمييييييييين

الشيخ زايد ماله مثيل........ الله يرحمه ويغمد روحه الجنة ويجعل قبره روضة من رياض الجنة لو اقولج...