يا قلبي ......................... توني من شوي كنت اذكره .................... اشتقت له حيييييييييييييييييييييييل عمري ما شفت حنان في عيون حد كثر اللي شفته بعيون بابا زايد .... من واحنا صغار قالوا لنا لا تقولون الشيخ زايد قولوا بابا زايد ... والكبار يقولونه بو خليفة وهو يكلمونه ما يقولن طال عمرك وشيخنا .. وماكان يقول شي ...

تعرفون يوم قالوا لي مرة انتم عايلة دلوعه ابوكم وايد مدلعكم وتاخذون كل شي منه واذا حد سواا فيكم شي رحتوا خبرتوا ابوكم وهو بيساعدكم ما تعتمدون على نفسكم دلوعين ...
تذكرت قلت بابا زايد مدلع المواطنين كلهم وساعات لحد الفساد بعد كل محد قال لهم شي قالوا بابا زايد .... الله يرحمه ويغمد روحه الجنة ...

(اللهم اني نشهدك وملائكتك ان زايد نزل بك ... وانا راضيين عنه تمام الرضى فارضى عنه واسكنه فسيح جناتك)

تدمع العين ويبكي القلب لفراقك يا زايد.. والله اني أقرا ردودكم وأكتب وعيني تدمع..



يكفي إنه إسمه زايد الخير..

كان الشعب الإماراتي أولى اهتماماته.. دايما كان يسعى أن الشعب يعيش حياة كريمة.. حب الشعب كان يسري في دمه..

أحبنا فأحببناه..




زايد الإنسان..

التواضع .. البشاشة وسعة الصدر..كانت من سماته.. سبحان الله.. الله عطاه القبول في الدنيا.. من أحبه الله نشر القبول له في الدنيا..

والله العظيم يوم أشوفه كيف بيتسم مع طفل أحس بسعادة.. وأتمنى أني أكون مكان هالطفل..

كان زايد وايد يفاجئ الناس بزياراته.. كان يسمعهم أكثر من مايسمعونه.. وعمره ما قصر في حد..


مرة شافوه طالبات من مدرسة في أبوظبي كانوا رايحين في رحله.. عزمهم على قصره وتغدوا عنده.. وعطى كل وحدة مبلغ من المال..


ما أقول إلا الله يجزيه كل خير على اللي سواه.. والله يبارك في عياله.. وفي الشيخ خليفة الله يحفظه.. خير خلف لخير سلف..

فعلا مش أنا بس اللي افتخر بكوني إماراتية.. الإمارات كلها تفتخر بزايد الله يرحمه..





تفضلوا بزيارة موضوعي وادعوله..

http://forum.hawaaworld.com/showthread.php?t=738920

احلى قصيده قريتها يوم توفى الشيخ زايد كانت للشاعر الكويتي حامد زيد صدق تعبر عنا

جيت اخاطب صرح واحكي من مناره
جيت اجدد جرح شعري واستثيره
جيت اقاسم دين الاسلام المراره
جيت اجرد حزن امه من جفيره
جيت اصفق لتواريخ بحراره
جيت اوثق ذكريات الألف سيره
عن صروح وعن طموح وعن اداره
عن قياده عن اراده عن بصيره
عن وجود الحب عن صدق الطهاره
عن حنان الاب عن رحلة سفيره
عن منارة كل بيت وكل حاره
عن خسارة كل دار وكل ديره
عن رجل يصعب على الشعر اختصاره
عن زعيماٌ قل من تنجب نظيره
لانه اول من ثبت حبه لداره
لانه اكثر من غمر هالارض خيره
ولانه اقدم حب يجمعنا شعاره
ولان دنيا ما بها زايد مريره
كل دمع ما يساق إله بغزاره
والله انه ما يساق الموت غيره
من رحل سبع الجزيره عن دياره
ضاقت الارض بعرب شبه الجزيره
يا ذارعا رد لطهر اعتباره
يا رسالة رحلة الخير وبشيره
يا سبب مجد الامارات وعماره
يا ذرى كل الشعوب المستجيره
يا صداره ما بعدها من صداره
يا مسيره ما تعدتها مسيره
غيبتك ضيعه وفقدانك خساره
والقلوب بلا جناحينك كسيره
الوطن يبكيك ليله مع نهاره
والبشر تنعى جمايلك الغزيره
يكفي انك كنت للامه بشاره
يكفي انك سيد العالم واميره
يكفي انك واحد لسابع اماره
يكفي انك ديره بمليون ديره
من حدودك بدل العالم مساره
من رعودك بلل التاريخ بئره
مع سجودك اكمل الدين انتصاره
بعد جودك صابت الحكام غيره
يا ملاذ الكل من لاذ بفراره
يا مجير الكل من جوره يجيره
يا مرسخ كلمة العدل بجداره
يا ميسرها وهي قبلك عسيره
يا حضاره في زمن ما به حضاره
يا ضمير عالماُ ميت ضميره
من يعوض الخير عن غيبت وغاره
من يلوم العرض في راعي الستيره
من يطفي في ظلوع الشعر ناره
من يشتت عن عقول الناس حيره
عشت مثل الحب لا يمكن دماره
كنت مثل المزن غيره تحت خيره
كنت مثل الدين نفرح بانتشاره
كنت بنسبه لنا حاجه كبيره
انت نور ترفض الارض اندثاره
انت غيث يروي الدنيا غديره
انت جاراُ يفزع ليا ضاق جاره
انت سيره مثلها ما فيه سيره
انت غايه انت رايه انت شاره
انت خوه انت قوه انت جيره
انت كل المدح ما ينقص عباره
انت كل المجد ما تبقى مسيره
بختصار انت الذي صعب اختصاره
انت تاريخك من اولته لخيره
جيت اقاسم حزن شعبك وانهياره
جيت ابستفزع قصيدي واستثيره
جيت لك ببكي على القبر بغزاره
جيت اجرد سيف حزني من جفيره
شاعرا يكسب من وقارك وقاره
ويعتبر مصير شعبك من مصيره
من قناعة حب شعبك وافتخاره
افتخاره من قناعات كثيره
انك اول من ثبت حبه لداره
وانك اكثر من غمر هالارض خيره
ولانك اكبر حب عاشته الاماره
ولانك اطهر حاكم بشبه الجزيره


كل الشعر قطره فى بحر لجل بابا زايد ربى يرحمه يارب ونجتمع وياه بالفردوس الاعلى

أسأل الله العظيم رب العرش العظيم أن يرحمه ويغفر له ويسكنه فسيح جناته .....

والله حتى انا ملاحظه وبقوووووووووووه بعد