ليش الام تحب عيال بنتها وزوجها اكثر من زوجة ولدها وعياله

السلام عليكم ، انا من زمان ملاحظة شيء وهو ان الام تحب زوج بنتها اكثر من ولدها وتحب احفادها من بنتها اكثر من احفادها من ولدها ، طبعاً انا متزوجة وامي تحب ولدي الصغير اكثر من ولد اخوي لدرجة ولدي يكسر ويخرب وهي تقول فداه عادي ، اما ولد اخوي يا ويله لو كب العصير على الزولية تهاوش وتصارخ وتهاوش اخوي وتفشله قدامنا وقدام زوجي وحنا قاعدين ، اخوي زعل وما عاد قام يجي صار له شهور هو ويا زوجته مقاطعين امي وامي عشان تغيظ اخوي صارت تتكلم عند اخواني عن زوجي انه يعاملها مثل امه ويشتري ويودي ويجيب بس اخوي طبعاً يوم صاروا اخواني وخواتي يوصلون له الكلام عن طريق الواتس عطاهم بلوك وسحب سحبة قوية عليهم ، طبعاً انا من ضمنهم مع ان مالي ذنب في اللي سوته امي فيه وفشلته قدامنا وشتمت زوجته ، صديقتي قالت لي نفس الموضوع ان امها تحبها هي وزوجها وبنتها اكثر من عيال اخوها ولاحظت كثير امهات يتصرفون بهالطريقة مع احفادهم يعني تفضل احفادها من بنتها على احفادها من ولدها ، المهم عطوني رأيكم في هذا الموضوع اذا فيه وحدة منكم مرت بهذي التجربة مع امها ، وابي مساعدة عشان اصلح بين اخوي وزوجته وبين امي لأن امي بالغت بتصرفها